Quantum redactiones paginae "Appius Claudius Pulcher (consul 54 a.C.n.)" differant
| Linea 27: | Linea 27: | ||
== Si vis plura legere == |
== Si vis plura legere == |
||
* "[http://www.ancientlibrary.com/smith-bio/0779.html Claudius (38)]" in {{Smith-bio}} vol. 1 pp. 770-771 |
* "[http://www.ancientlibrary.com/smith-bio/0779.html Claudius (38)]" in {{Smith-bio}} vol. 1 pp. 770-771 |
||
*Jeffrey Tatum, 'The |
*Jeffrey Tatum, 'The Marriage of Pompey's Son to the Daughter of Ap. Claudius Pulcher', ''Klio'' 1991(73) : 122-129 [https://www.degruyter.com/downloadpdf/j/klio.1991.73.issue-73/klio.1991.73.73.122/klio.1991.73.73.122.pdf Hic legere potes] |
||
== Notae == |
== Notae == |
||
Emendatio ex 14:49, 28 Februarii 2017
Appius Claudius Pulcher (mortuus in insula Euboea 48 a.C.n.) fuit in republica Romana senator et fautor Pompei in bello civili. Consulatum anno 54 a.C.n. gessit. In scientia augurali multum versatus est et nonnullos libros de ea re conscripsit. Teste Cicerone necromantiae quoque vel "psychomantiae" operam dabat[1]. Pythiam demum Delphis consuluisse initio belli civilis et ambiguum responsum rettulisse mortem suam nuntians a pluribus auctoribus narratur[2].
De familia.
Appio Claudio Pulchro, patricia et clarissima gente Claudia orto, pater fuit consul anni 79 a.C.n. eiusdem nominis, frater autem acerrimus Ciceronis inimicus Publius Clodius Pulcher, qui nomen gentilicium Claudium in Clodium mutavit, cum in plebem adoptione transiit. Minorem filiam Claudiam Marco Iunio Bruto collocavit, cuius socer fuit, alteram filio maiori Gnaei Pompei[3].
De cursu honorum.
- 72 - 70 a.C.n. Legatus (tribunus militum ?) Lucii Luculli in bello Mithridatico.
- 57 a.C.n. Praetor
- 56 a.C.n. Pro praetore in Sardinia
- 54 a.C.n. Consul
- 53 - 51 a.C.n. Proconsul in Cilicia.
- 50 a.C.n. Censor cum Calpurnio Pisone.
- 49 a.C.n. Cum maiore parte senatorum Pompeium in Graeciam secutus est. Brevi tamen mortuus est nec proeliorum particeps fuit.
In censura et severus et Caesarianis iniquus fuit (etenim Pompeio in discordia civili favebat) : et libertorum liberos et multos alios (e quibus notissimus fuit historicus Sallustius Crispus) e senatu expulit[4].
Fontes.
- Cassius Dio, libro XXXIX Historiae Romanae, cap. 6-8, 60 necnon libro XL cap.63-64.
- Cicero, Brutus, capitulis 267 et 324.
- libro primo de Divinatione 29, 105 et 132.
- libro quarto Epistularum ad Atticum, epistulae 1 et 17-18, necnon libro quinto ep. 16-17.
- In Pisonem 35.
- libro primo Tusculanarum disputationum cap. 37.
- Lucanus libro quinto Pharsaliae versibus 65-236.
- Varro, De re rustica (Ap. Claudius Pulcher est dialogi persona)
Si vis plura legere
- "Claudius (38)" in William Smith, ed., Dictionary of Greek and Roman Biography and Mythology (Londinii: Taylor & Walton, 1844-1849 ~) vol. 1 pp. 770-771
- Jeffrey Tatum, 'The Marriage of Pompey's Son to the Daughter of Ap. Claudius Pulcher', Klio 1991(73) : 122-129 Hic legere potes
Notae
- ↑ Tusc. I,37 et Divin. I,132.
- ↑ Lucanus, loc. cit. Orosius Historiae VI,15,11.
- ↑ Cicero ad Fam. III 4.2, 5.5, 10.10. Dio Cassius 39.60
- ↑ Dio Cassius 40.63-64. Cicero, Ad fam. 8.14.4. De div. I.29.
| Antecessores: Marcus Licinius Crassus II et Gnaeus Pompeius Magnus II |
Consul 54 a.C.n. cum Lucio Domitio Ahenobarbo |
Successores: Marcus Valerius Messalla Rufus et Gnaeus Domitius Calvinus |