Allium sativum

Allium sativum ex Medical Botany a Gulielmo Woodville anno 1793 facto

---

Plantae — Angiospermae

Monocotyledones 
Ordo : Asparagales 
Familia : Alliaceae 
Subfamilia : Allioideae 
Tribus : Allieae 
Genus : Allium 
Species : A. sativum 

Allium sativum 
L.  

Allium sativum, vulgo allium, est species generis Allii in familia Alliacearum, bulbus carne alba, quo homines ad cibos condiendos utuntur. Allium sativum cum odore tum sapore forti quodam praeditum est, qui quidem non omnibus placet, quod, qui comederit, ei etiam ipsi odor addetur acrior.

De allii in medicina proprietatibus

Allio comeso sanguis celerius faciliusque per corporis venas circumfluere habetur, quamobrem salacitatem virilem auget.

Quid veteres de allio senserint

Sapientibus antiquis allium parcioris ideoque melioris et salubrioris cibi exemplum erat. Confer enim Vergilium in ecloga altera, inde a versu decimo:

Thestylis et rapido fessis messoribus aestu

allia serpyllumque herbas contundit olentis.

Neque vero fugit sagacissimos hominum allium odorum causam esse maximam. Quae cum ita essent, allium ab elegantia et urbanitate alienum rusticitatisque esse argumentum inter eos constitit. Quod quis melius expressit Sidonio Apollinari carmine duodecimo ad Catullinum de Burgundionibus iocante his quidem versibus:

felices oculos tuos et aures

felicemque libet vocare nasum,

cui non allia sordidaeque caepae

ructant mane novo decem apparatus.

De allio in fabulis

Dicitur allium vampyros repellere.

Nexus interni

• Iuscella alliorum
• Moretum

Nexus externi

Vicimedia Communia plura habent quae ad Allium sativum spectant.