Rosarium (oratio)

Haec commentatio vicificanda est ut rationibus qualitatis propositis obtemperet. Quapropter rogamus ut corrigas, praecipue introductionem, formam, nexusque extra et intra Vicipaediam.

Corona Rosarii.

Rosarium Virginis Mariae prex antiqua est ad Mariam Virginem. Originem sumere dicitur a recitatione psalterii e CL psalmis consistentis, quia clerici psalterio carentes loco uniuscuiusque psalmi orationes Pater Noster et Ave Maria dicere solebant.

De devotione huiusmodi nulla fit mentio ante saeculum tredecimum: quae in Vita sanctae Eulaliae leguntur circa annum 1200 scripta esse iudicantur. Certius tamen est Sanctum Dominicum illam orationem fidelibus christianis recitandam praecepisse dum contra Albigensium haeresim pugnabat, in exordio iamdicti saeculi. Exeunte saeculo quinto decimo tantum in usum generalem venit, ex praedicatione Alani de Rupe, ordinis Fratrum praedicatorum, in partibus Rheni fluminis finitimis, unde motus "Devotio moderna" dictus exordium cepit. Saepe commendatur ab Ecclesia Catholica, sed a ceteris Christianis etiam recitatur.

Rosarium stat ex iteratione precum dum de variis mysteriis Christi vitae recolitur. Orantes funiculo nodis sive granis praedito saepius utuntur, Corona Rosarii dicto (vide imaginem), ut numerum precum accurate servent. Prex unaquaeque dicitur cum digitus super singulum nodum ponitur. Ergo triplici modo rosarium orari dici potest: primum ipsis precum verbis, secundum meditatione de mysteriis, tertium denique apertione cordis Deo.

Multi papae encyclicae rosario dicatae scripserunt, exempli gratia papa Leo XIII (Supremi apostolatus officio, Superiore anno, Octobri mense, Magnae Dei Matris, Laetitiae sanctae, Iucunda semper expectatione, Fidentem piumque animum, Augustissimae Virginis Mariae et Diuturni temporis); papa Ioannes XXIII (Grata Recordatio); papa Paulus VI (Mense Maio) etc.

Mysteria Rosarii

Quindecim sunt praecipua mysteria rosarii, de quibus recolitur dum rosarium recitatur, quae in tres divisiones separantur. De quinque quibusque mysteriis recolitur dum orbis Rosarii percurritur, quod ter fit.

Mysteria Gaudiosa

Mysteria Gaudiosa eventa ad nativitatem Iesu pertinentia commemorant.

• Annuntiatio Gabrielis Archangeli ad Beatam Mariam Virginem
• Visitatio Beatae Mariae Virginis ad Elisabeth
• Nativitas Domini Nostri Iesu Christi
• Presentatio Iesu Infantis in templo
• Inventio Iesu in templo

Mysteria Luminosa

Praescriptis mysteriis quasi canonicis reputandis, et alia quinque interdum adiciuntur:

• Baptisma in flumine Iordano
• Revelatio sui ipsius ad nuptias Cananenses
• Regni Dei proclamatio simul cum invitatio ad conversionem
• Transfiguratio
• Eucharistiae institutio

Mysteria Dolorosa

Mysteria Dolorosa eventa ad passionem Iesu pertinentia commemorant.

• Agonia Iesu in horto Gethsemanie
• Flagellatio Iesu
• Coronatio Iesu spinis
• Portatio crucis suae a Iesu
• Crucifixio Iesu

Mysteria Gloriosa

Mysteria Gloriosa eventa ad resurrectionem Iesu pertinentia commemorant.

• Resurrectio Iesu
• Eius in caelum ascensio
• Descensio Sancti Spiritus super Mariam et Apostolos
• Assumptio Beatae Mariae Virginis in caelum
• Coronatio Beatae Mariae Virginis in reginam caeli

Recitatio Rosarii

Orationes Rosarii ita dicuntur, saepe, tamen, cum variationibus:

• Signum Crucis
• Symbolum Apostolorum (manus ad crucifixum)
• Pater Noster (ad nodum maiorem)
• Tres Ave Maria (ad nodos minores) pro fide, spe, et caritate
• Gloria Patri
• Primum Mysterium nuntiatur
• Pater Noster (ad nodum maiorem)
• Decem Ave Maria (ad nodos minores) dum primum mysterium recolitur
• Gloria Patri
• Secundum Mysterium nuntiatur
• Pater Noster (ad nodum maiorem)
• Decem Ave Maria (ad nodos minores) dum secundum mysterium recolitur
• Gloria Patri
• Tertium Mysterium nuntiatur
• Pater Noster (ad nodum maiorem)
• Decem Ave Maria (ad nodos minores) dum tertium mysterium recolitur
• Gloria Patri
• Quartum Mysterium nuntiatur
• Pater Noster (ad nodum maiorem)
• Decem Ave Maria (ad nodos minores) dum quartum mysterium recolitur
• Gloria Patri
• Quintum Mysterium nuntiatur
• Pater Noster (ad nodum maiorem)
• Decem Ave Maria (ad nodos minores) dum quintum mysterium recolitur
• Salve Regina
• Oratio ad Finem Rosarii Dicenda
• Signum Crucis

Varia recitatio

• Recitatio romana, post "Signum Crucis", dicitur:

V. Domine, labia mea aperies.
R. Et os meum annuntiabit laudem tuam.
V. Deus in adiutorium meum intende.
R. Domine ad adiuvandum me festina.

• In locis de lingua lusitana, post "Gloriam Patri", dicitur orationem parvam (iaculatoria):

O Mi Iesu, dimitte nobis debita nostra, libera nos ab igne inferni, conduc in caelum omnes animas, praesertim illas quae maxime indigent misericordia tua.

• In locis de lingua lusitana, ante "Salve Regina", dicitur:

Gratias infinitas agimus tibi, Summa Regina, propter beneficios de manu tua quotidie accipimus. Digna-te, nunc et semper, sub tuum præsidium suscipire nos. Et ex vi orationis nostræ, salutamus te.

• In locis quibusdam, in fine, dicitur:

Litaniae Lauretanae.

• Cum praelibata recitatio ex usibus Fratrum Praedicatorum (seu Dominicanorum) originem ducere videatur, alius est etiam modus Rosarium recitandi, qui "Seraphicum Rosarium" sive "Corona Franciscana" dicitur, apud ordinem Franciscanorum fautoresque eorum usitatus.

Consistit ex septuplici recitatione denarum orationum "Ave Maria" dum de septem mysteria mariana fit meditatio, scilicet:

1. de Annuntiatione angelica;

2. de Visitatione ad Elisabeth;

3. de Nativitate Domini Nostri;

4. de Adoratione magorum;

5. de Inventione Pueri Iesu in templo;

6. de Resurrectione Christi;

7. de Assumptione beatae Virginis.

Recitationem huiusmodi variis indulgentiis remunerandam esse decrevit Pius Papa X anno 1905.

Nexus externi

• Rosary Army - organizatio ad faciendum rosarium
• Rosarium on line
• Disquisitio de origine Rosarii in The Catholic Encyclopedia: an international work of reference (Novi Eboraci: Appleton, 1907–1914) (Anglice)

Hymni et preces Christianae

Adeste Fideles · Adoro te devote · Ad regias Agni dapes · Aeterne Rex Altissime · Agnus Dei · Alma nox · Alma Redemptoris Mater · Alto ex Olympi vertice · Amazing Grace · Angele Dei · Angelus Domini · Anima christi · A solis ortus cardine · Audi benigne Conditor · Aurora, solis nuntia · Ave Maria · Ave maris stella · Ave Regina Coelorum · Ave verum corpus · Beata nobis gaudia · Beate Pastor Petre · Benedictus · Benedictus es Domine Deus · Caelestis agni · Caelestis aulae nuntius · Caelestis urbs Jerusalem · Caelitum Joseph decus · Christe sanctorum · Confiteor · Cor arca · Conditor alme siderum · Credo · Crudeles Herodes Deum · Custodes · Decora lux aeternitatis · Deus tuorum militum · Domare cordis impetus · Genuit puerpera regem · Gloria in excelsis · Gloria Patri · Kyrie · Lauda Sion · Litaniae Lauretanae · Litaniae Sanctorum · Litaniae Iesu Christi Sacerdotis et Victimae · Magnificat · Memorare · Nunc dimittis · Nunc Sancte nobis Spiritus · O Sanctissima · Pange Lingua · Pater noster · Quem pastores laudavere · Regina Caeli · Requiem · Salve Regina · Sanctus · Signore delle cime · Signum Crucis · Stabat Mater · Sub tuum praesidium · Symbolum Apostolorum · Symbolum Nicaenum Constantinopolitanum · Symbolum Quicumque · Tantum ergo · Te Deum · Tota Pulchra Es · Veni Creator Spiritus · Veni Redemptor Gentium · Veni Sancte Spiritus · Vexilla Regis
Ordines orationum
Rosarium