Religio Christiana

Fasciculus:El Greco 025.jpg

Nativitas Iesu Christi

Religio Christiana, sive Christianismus, ex religione Iudaica nata est, cum homo Iesus Christus proclamavit se esse Deum de Deo et expectatum salvatorem Israel. Quem credunt Christiani doctrina, miraculis, praesertim resurrectione a mortuis indicium huius praebuisse. Religio monotheistica est. Deus creditur aeternus, prius initio mundi et universum a Deo factum. Omnibus denominationibus sectisque inclusis, Christianismus maximum numerum asseclarum omnium orbis religionum praebet.

Christiani credunt Deum esse Patrem, Filium, et Spiritum Sanctum: tres personae et una substantia. Ergo Deus nominatur trinitas. Deus est pater ut revelatur Abrahae, Isaac, et Moyses, sed praesertim cum pater est aeternus Dei Iesu Christi. Deus est filius ab aeternitate filius patris, sed in novissimis diebus incarnatus a Maria Virgine, Iesus Christus. Et Deus Spiritus Sanctus est. Spiritus Sanctus Deus est cum Patre et Filio, qui locutus est per prophetas, et adest paraclitus (id est advocatus) in cordibus hominum credentium.

Fontes

Omnes Christiani agnoscunt verba et gesta Iesu Christi revelationem esse per excellentiam, sed etiam acta quae fecit Deus ante Incarnationem suam. Generaliter, Christiani credunt revelationem publicam terminasse cum morte novissimi apostoli, sed Deus creditur adiuvare et ecclesiam et singulum.

Omnes Christiani accipiunt Scripturas sacras tamquam revelationem Dei, sed variationes sunt in modo interpretandarum scripturarum, et in canone veteris testamenti.

Variis in gradibus, Christiani agnoscunt auctoritatem Sacrae Traditionis, id est, quod semper, ubique, in omni loco et ab omnibus est creditum. Symbola Christiana, praesertim Symbolum Nicaenum saepe venerantur ut expressiones orthodoxae fidei. Nonnulli Christiani etiam audiunt auctoritatem aliorum vel omnium Oecumenicorum Conciliorum. Varia decreta et declarationes etiam habent inter alios Christianos gradus auctoritatis.

Divisiones

Etiam si Christus orans ad Patrem pro discipulis suis, "Rogo" ait "pro eis qui credituri sunt per verbum eorum in me, ut omnes unum sint, sicut tu Pater in me, et ego in te, ut et ipsi in nobis unum sint; ut credat mundus quia tu me misisti" (Ioannes 17,21), hodie Christiani sunt divisi variis in partibus. Ecclesia Catholica Romana et Ecclesiae Orthodoxae dicunt se a primissimis diebus idem esse in doctrinam, et uniti fuerunt per totum primum millennium, una ecclesia Christianorum a quasi omnibus nota. Haec ecclesiae aiunt se esse apostolicos, et volunt monstrare continuitatem tam in doctrina quam in munere episcopale cum apostolis. Ergo, Ecclesia Catholica Romana apostolum Petrum confessit esse primum papam. Etiam in primis saeculis, varii adstabant secti qui differebant in doctrina, sicut Gnostici et Ariani. Hi tamen non amplius existant. Anno 1054, distinctiones quae longe inter ecclesam occidentalem et orientalem existebant solidificaverunt in mutua excommunicatione inter Romanum Pontificem et Patriarcham Constantinopolis. Ideo ecclesiae orientales "orthodoxae" vocatae separatae sunt a Ecclesia Catholica Romana, et manent usque ad hodie sicut separatae nationales ecclesiae. In occidente, tamen, corruptio in Ecclesia Catholica Romana eius temporis urgebat viro Martino Luthero ad protestationem fortem contra Ecclesiam Catholicam Romanam. A sua actione est nata non tantum communitas Lutherana, sed post eam, plurimae alterae communitates, nunc varia decem milia, quae commune vocantur "Protestantes." Hodie nonnulli Christiani quaerunt novam unitatem per viam "oecumenismi," sed divisiones adhuc manent.

Ergo, tres principales divisiones Christianorum sunt:

• Ecclesia Catholica Romana
• Ecclesiae Orthodoxae
• Protestantes

Ecclesia Anglicana se "mediam viam" inter Ecclesiam Romanam et Protestantes ducit.

Vide etiam

• Categoria:Religio Christiana
• Scientia de religionibus
• Biblia
• Studium Bibliae
• Evangelium
• Ecclesia
• Iesus Christus
• Oecumenicum Concilium
• Papa
• Pater noster et aliae deprecationes
• Spiritus Sanctus
• Religio
• Ecclesia Iesu Christi Sanctorum in Novissimis Diebus (Falso Mormones nominantur)
• Testes Iehovah
• Malleus maleficarum
• Arianismus

Nexus externus

• http://www.religionfacts.com/christianity/index.htm