Icon

Haec pagina icones sacras Christianas tractat. Si sensum latiorem quaeritis, vide paginam de imagine.

"Mater Dei Volodimiriensis", Constantinopolis sub annum 1100, icon Ecclesiae Orthodoxae Russicae sacra. Haec icon Mariam cum puero demonstrans etiam in occidente valde nota est.

Īcōn (ŏnis, f.; Graece εὶκών 'imago') est sacra imago ecclesiarum orientalium, imprimis Orthodoxarum Ritus Byzantini. Quae plerumque in ligno pictae theologiae ac pietati ecclesiarum orientalium magni momenti sunt. Finis iconum est, ut reverentiam suscitent et propiorem communionem inter spectatorem et spectatum efficiant, per spectatum autem etiam cum Deo. Icones, etsi in ecclesiis Orthodoxis neque artificia neque ornamenta habentur, tamen sunt pars illustris artis Byzantinae.

Etiam ecclesiae orthodoxae orientales, sicut Ecclesia Orthodoxa Coptorum et Ecclesia Apostolica Armena, icones venerantur; non autem Ecclesia Orientis Syrorum. In iconibus Copticis sentitur vis artis Aegyptiacae antiquae.

Vide etiam

• Iconoclastia - Deletio iconum
• Iconolatria - Veneratio iconum
• Iconographia - Interpretatio scientifica sacrarum imaginum et inconum
• Iconostasis - Paries iconibus repleta, qui in ecclesiis Orthodoxis presbyterium a spatio fidelium separat
• Icon (Computatrum) - Pictogramma computrale
• Idololatria
• Imagines piae

Nexus externi

Vicimedia Communia plura habent quae ad Icones spectant (1, 2).

• Ikonenfreunde.org – Situs pro amicis iconum
• Icones aliaeque imagines Russicae a saeculo undecimo usque ad saeculum vicesimum
• – Icon antiquissima: "Vultus Santus"