Laudato si'

Vexillum papae Francisci

Laudato si' (ita Italiane incipit, scilicet "lauderis"), die 18 Iunii 2015 edita, est secunda papae Francisci epistula encyclica, cuius subtitulus est Sulla cura della casa comune (scilicet "De domús communis cura"). Haec encyclica de oecologia et de calefactione globali tractat. Titulus e textu hymni Francisci Assisiensis sumitur qui "Laudes Creaturarum" appellatur.

Recensio imperfecta Italianorum huius epistulae verborum a L'Espresso hebdomadario Italico die 15 Iunii 2015 divulgata est, invito auctore.

Epistulae argumentum

Franciscus orbem terrarum appellat «domum communem». Exinde patet epistulae argumentum, quod per quinque capita explicatur: orbis terrarum est omnibus hominibus domus, de qua omnes, tamquam eiusdem magnae familiae participes, solliciti sint oportet; vel quo pacto genus humanum poterit sibi et posteris servare domum communem, magno discrimine laborantem. Licet epistula non Latine, sed Italiane scripta sit, praebetur infra titulus uniuscuiusque capitis Latine:

• Caput I: Quid nostrae domui evenit
• Caput II: Evangelium creationis
• Caput III: Radix humana discriminis oecologici
• Caput IV: Oecologia integralis
• Caput V: Lineamenta quaedam orientationis et actionis
• Caput VI: Educatio et spiritualitas oecologicae

Bibliographia

• Stephanie Kirchgaessner, John Hooper, "Pope Francis warns of destruction of Earth's ecosystem in leaked encyclical" in The Guardian (16 Iunii 2015)
• Sandro Magister, "Papa Francesco, in esclusiva l'enciclica sull'ambiente 'Laudato si', mi' Signore'" in L'Espresso (15 Iunii 2015)
  • Versio Italiana imperfecta epistulae encyclicae a L'Espresso die 15 Iunii 2015 divulgata

Nexus externi

• Versiones variis linguis scriptae
• De Laudato si' apud Catholic News Agency
• De Laudato si' apud kath.net