Liuvigildus (rex Visigothorum)

Haec est pagina de Hispania Visigothica. Ut hoc indagare, vide etiam Categoria:Hispania Visigothica.

Liuvigilgus sive Leovigildus (Gothice: Liwigilds; rexit 568-586) fuit rex Visigothorum.

Liuvigildus contra rebelles

Liuvigildus adeptus Hispaniae et Galliae regnatum, ampliare regnum bello et augere opes statuit. Studio quippe eius exercitus, concordante favore, victoriarum, multa praeclare sortitus est. Cantabros namque iste obtinuit (anno 581), Aregiam iste cepit, Sabaria ab eo omnis devicta est, cesserunt etiam armis illius plurimae rebelles Hispaniae urbes.

• Anno 573 - Sabariam ingressus Sappos vastat et provinciam ipsam in suam redigit
• Anno 574 - Liuvigildus Cantabriam ingressus provinciae pervasores interficit, Amaiam occupat, opes eorum pervadit et provinciam in suam revocat dicionem.
• Anno 575 - Aregenses montes ingreditur, Aspidium loci Seniorem cum uxore et filiis captivos ducit opesque eius et loca in suam redigit potestatem.
• Anno 577 - Rex Orospedam ingreditur et civitates atque castella eiusdem provinciae occupat post haec integra a Gothis possidetur Orospeda.

Bellum contra Suevos

Postremum bellum Suevis intulit, regnumque eorum in iura gentis suae mira celeritate transmisit (anno 585). Hispania magna ex parte potitus. Nam antea gens Gothorum angustis finibus arctabatur.

Regnum

Regnum Visigothorum anno Liuvigildo defuncto.

Condidit etiam civitates in Hispania, primam quam ex nomine filii Recaredi, Recopolim nominavit, anno 578. Alteram in finibus Vasconium, Victoriacum appellata anno 581. In legibus quoque ea quae ab Eurico incondite constituta videbantur, correxit, plurimas leges praetermissas adiiciens, plerasque superfluas auferens. Rexit autem annos 18, defunctus propria morte Toleti.

Liuvigildo defuncto, filius eius Recaredus regno est coronatus.

Liuvigildus et Catholici

Anno 580, Liuvigildus synodum Arianum in Toleto convocavit. Iohannes Biclarensis nobis dicit:

Liuvigildus rex in Urbem Toletanam synodum episcoporum sectae Arrianae congregat et antiquam haeresim novello errore emendat, dicens de Romana religione ad nostram catholicam fidem venientes non debere baptizari, sed tantummodo per manus impositionem et communionis perceptione ablui, et gloriam patri per filium in spiritu sancto dari. per hanc ergo seductionem plurimi nostrorum cupiditate potius quam impulsione, in Arrianum dogma declinant

In catholicos persecutione commota, plurimos episcoporum exsilio relegavit. Ecclesiarum reditus et privilegia abstulit, multos quoque terroribus in Arianam haeresiam impulit, sicut Vincentium Caesaraugustanum, de episcopo apostatam factum.

Hermenegildus filius Catholicus erat, et ceteras civitates Hispaniae accepit. Leoviglidus contra filio pugnavit et vicit. Hermenegildus captus est, a patre agnotus et in exilio missio. Hermenegildo capto, Liuvigildus in regnum pax habuit.

Antecessor: Liuva I

Rex Visigothorum 568–586

Successor: Recaredus I