Quantum redactiones paginae "Africa (Petrarca)" differant
prologum circumscripsi |
m →Fontes |
||
| Linea 16: | Linea 16: | ||
== Fontes == |
== Fontes == |
||
Libro tertio, in ecphrasi palatii [[Syphax|Syphacis]], reperiuntur descriptiones iconum ''insculptorum'', ''auro fulgentium'', in quibus dei et deae Graecorum picti sunt: [[Iuppiter (deus)|Iuppiter]], [[Saturnus (deus)|Saturnus]], [[Neptunus (deus)|Neptunus]], [[Apollo]], [[Mercurius (deus)|Mercurius]], [[Mars (deus)|Mars]], [[Vulcanus (mythologia)|Vulcanus]], [[Pan (deus)|Pan]], [[Iuno]], [[Minerva]], [[Venus (dea)|Venus]], [[Diana]], [[Cybele]], [[Pluto (deus)|Pluto]]; iuxta Mercurium etiam [[Perseus]] [[Gorgones]]que descripti sunt. In hoc catalogo redigendo Petrarca secutus est [[Isidorus Hispalensis|Isidorum Hispalensem]] (''[[Etymologiae|Etymologiarum]]'' VIII,11), [[Fulgentius|Fulgentium]] (''Mythologiarum'' I,1), et scriptorem libri cuiusdam ''De diis gentium et illorum allegoriis''. |
|||
== Fortuna == |
== Fortuna == |
||
Emendatio ex 18:29, 22 Maii 2015
Africa est carmen epicum a Francisco Petrarca, poeta Italico, Latine compositum. Quod anno 1338 vel 1339 scribere coepit, non prius quam anno 1343 terminavit, postea autem iterum atque iterum retractavit, nunquam vero publici iuris fecit. Nihilominus carmen a Petro Paulo Vergerio anno 1397 editum, tum inter Opera omnia Petrarcae Venetiis anno 1501 impressum est.
Petrarca nesciente Silium Italicum, poetam Romanum, eandem rem iam primo p. C. n. saeculo tractavisse in carmine, cuius titulus est Punica, narratur finis, quem P. Cornelius Scipio Africanus Secundo Bello Punico (218-201 a C. n.) imposuit.
Continentur
- Somnium Scipionis de patre suo Publio Cornelio qui mortuus est dum pugnavit contra Carthaginiensibus in Hispania anno 211 a. C. n.
- Prophetiae P. Cornelii de victoria Romanorum
- Missio Laelii, amici Scipionis, ad Syphacem Mauretaniae regem. Ecphrasis palatii Syphacis. Laelii narratio originis antiquitatisque Romae
- Laelii de vita Scipionis narratio
- Historia Massinissae et Sophonisbae
- Scipionis profectio ad muros Carthaginis; gesta Hannibalis in Italia
- Pugna Scipionis Hannibalisque
- Fuga Hannibalis; deditio Carthaginis
- Ennii poetae, famuli Scipionis, verba de Homero et de poeta futuro Petrarca; triumphus Scipionis
Fontes
Libro tertio, in ecphrasi palatii Syphacis, reperiuntur descriptiones iconum insculptorum, auro fulgentium, in quibus dei et deae Graecorum picti sunt: Iuppiter, Saturnus, Neptunus, Apollo, Mercurius, Mars, Vulcanus, Pan, Iuno, Minerva, Venus, Diana, Cybele, Pluto; iuxta Mercurium etiam Perseus Gorgonesque descripti sunt. In hoc catalogo redigendo Petrarca secutus est Isidorum Hispalensem (Etymologiarum VIII,11), Fulgentium (Mythologiarum I,1), et scriptorem libri cuiusdam De diis gentium et illorum allegoriis.
Fortuna
Petrus Berchorius (vel, ut ipse Petrarca scripsit, Petrus Pictaviensis), scriptor Francicus, visitabat auctorem dum Africam componebat. Ille legit aut totum poema aut librum tertium; deinde usus est descriptionibus deorum Graecorum in opere suo cuius titulus est Ovidius moralizatus, ubi invenimus descriptiones eorundem deorum (omittis Gorgonibus; addito Baccho). Opus Petri Berchorii permulti legerunt, quorum unus inter annos 1342 et 1380 scripsit brevem librum Latinum, Libellus de deorum imaginibus nominatum, a Galfrido Chaucer lectum antequam composuerat carmina sua Anglice scripta Hous of Fame ("Domus Famae", ll. 131-139) et Canterbury Tales ("Historiae Cantuarienses", The Knight's Tale, ll. 1387-1388, 1955-1966, 2041-2048), ubi invenimus descriptiones similes Veneris, Cupidinis, Mercurii, Martis.
Bibliographia
- Petrarch's Africa tr. Thomas G. Bergin, Alice S. Wilson. New Haven: Yale University Press, 1977. [Anglice]
- Ernest H. Wilkins, "Descriptions of pagan divinities from Petrarch to Chaucer" in Speculum vol. 32 (1957) pp. 511-522.
Vide etiam
- Somnium Scipionis Ciceronis