Hammona

Hammona (Germanice: Hamm) urbs in Rhenania Septentrionali-Vestfalia et caput Comitatus Marcae est. Urbs ad ripam Lippiae fluminis sita est.

Historia

Anno 1226 comes Adolphus de Marca hoc oppidum fundavit. Paulo post civitas muris circumdata est comitibus privilegium consulum eligendorum concedentibus. Saeculo decimo septimo et decimo octavo non solum schola Latina, sed etiam Gymnasium illustre sive academicum in hac urbe florebat. Professor Guilielmus Neuhaus, qui postea Thuiscoburgi docuit, anno 1725 hoc carmen de Hammona edidit:

Hammona est Comitum minor Haga, medullaque Marcae,

Gaudet Athaeneo, pollent ibi robore cives,

Eximios praebet pisces pernasque suillas,

Illic & parvo bibitur sapidissima Keuta.

Circulus Latine Legendi Hammonensis

Circulus Latine Legendi Hammonensis conditus est a Rainilde Aschoff a qua semper moderatur et instituitur. Pertinet ad omnes quibus cordi est legere auctores latinos omnium nationum et omnium saeculorum ab antiquitate ad tempora nostra. Circulus congregatur semel in mense quodam die veneris Hammonae, Ostenwall 79, in CVJM – Heim (Johannes-Busch-Haus).

Vide etiam

• Circulus Latine Legendi Hammonensis

Nexus externus

Vicimedia Communia plura habent quae ad Hammonam spectant.

• http://www.hamm.de/