Quantum redactiones paginae "Nymphicus hollandicus" differant
mNo edit summary |
m emendatio |
||
| Linea 38: | Linea 38: | ||
Tamen colores ''N. hollandicorum'', qui in captivitate retinentur, plurimi variique sunt: nam videmus albinos, subalbos, gilvos, maculosos et alios. |
Tamen colores ''N. hollandicorum'', qui in captivitate retinentur, plurimi variique sunt: nam videmus albinos, subalbos, gilvos, maculosos et alios. |
||
Aetas eorum 12–20 [[Annus|annos]] circiter attingit; |
Aetas eorum 12–20 [[Annus|annos]] circiter attingit; longaevissimus obiit 35 annos natus.<ref> «Maximum longevity: 35 years (captivity)» apud [http://genomics.senescence.info/species/entry.php?species=nymphicus_hollandicus genomics.senescence.info]</ref> |
||
== Habitatio == |
== Habitatio == |
||
Emendatio ex 17:19, 20 Octobris 2013
.jpg)
Ordo : Psittaciformes
Familia : Psittacidae
Subfamilia : Cacatuinae
Genus : Nymphicus
Species : N. hollandicus
Nymphicus hollandicus est psittacus cristatus mediocri mensura in Australia endemicus et ample in captivitate retentus; sola species est generis Nymphicus.
Notus etiam est nomine Callipsittacus, a verbis Graecis καλός kalós atque ψίττακος psíttacos, Latine "venustus psittacus".
Proprietates
Nymphicus est psittacus fere 30–33 cm longus atque circa 90–95 g pendens.
Corpus plerumque cinereum est sed capitis colores nonnullarumque plumarum praesertim pro sexu differunt: maribus sunt albae plumae subalares, flava pars capitis antica, helva crista atque auranteae genae; feminis autem languidiores colores sunt, sed etiam flavae maculae lineaeque in cauda. Iuvenes in toto feminis similes sunt; tamen, si mares, 6–9 menses nati mutant plumas et discerni possunt.
Tamen colores N. hollandicorum, qui in captivitate retinentur, plurimi variique sunt: nam videmus albinos, subalbos, gilvos, maculosos et alios.
Aetas eorum 12–20 annos circiter attingit; longaevissimus obiit 35 annos natus.[2]
Habitatio
Nymphici solent in exiguos greges congregare et arida ac infrugifera loca Australiae mediae septentrionalisque inhabitant, dummodo ne aquae deficiant.
Greges in Portum Divitem invecti sunt.[3]
Praeterea ubique in captivitate retinetur.
Habitus
Diaeta
Ex frumentis et leguminibus plerumque Nymphici vivunt, nec non fructibus, holeribus et herbis pro copia. Domestici illi pinguescere solent propter diaetam nimis opulentam[4] nisi exercere volatu possunt.
Procreatio
Obsequio facto, mas et femina non iam dividentur; amplexus breves et plurimi sunt. Nidum faciunt in arborum cavis, tempore anni humido praeterito; illic feminae deponunt 5–7 albida ova, quae incubantur 18–20 dies alternis vicibus ab ambobus parentibus. Iuvenes relinquunt nidum 7–8 hebdomadas nati; sexualiter maturescunt post annum unum.
Cantus et crista
N. hollandici alacriter canunt et pipiant, in primis mares quando feminas sectantur. Aliquotiens Nymphici domestici mandant memoriae modulationes canorae nec non verba, quamvis hoc rarum sit.
Ad hoc crista utuntur ad sensus exprimendos: eam erigunt si terrentur moventurve; oblique eam ponunt quandocumque remittuntur; eam flectunt contra caput quando irascuntur vel parant se ad defendendum.
Fontes
- De Callipsittaco apud aaeweb.net (Associazione Animali Esotici). (Italiane)
- genomics.senescence.info – Nymphicus hollandicus. (Anglice)
- De N. hollandico apud eol.org. (Anglice)
- www.cockatiel.com – Situs interretialis de alendis N. hollandicis. (Anglice)
Nexus externi
|
Vicimedia Communia plura habent quae ad Nymphicum hollandicum spectant. |
Notae
- ↑ IUCN Index Ruber ─ Nymphicus hollandicus (mense Octobris 2013)
- ↑ «Maximum longevity: 35 years (captivity)» apud genomics.senescence.info
- ↑ IUCN Red List – Nymphicus hollandicus – Geographic Range
- ↑ Ex omnibus semina Helianthi annui maxime alere videntur; ob immoderationem occurrere possunt hepatis damna.