1916

Annus 1916 e serie paginarum brevium de annis.

1916 = MCMXVI. De nostro numerorum Romanorum usu hic legere potes. Ut de numero 1916 legas, vide 1916 (numerus).

Eventa

Mense Ianuario

• 9 Ianuarii - Copiae Britanniae et Franciae Callipolitanum paeninsulam reliquerunt, postquam ab 18 Martii 1915 frustra eam expugnare ab Imperio Ottomanico conati sunt.
• 13 Ianuarii - In Germania Carolus Liebknecht factionem SPD parlamenti Theodisci ("Reichstag") deseruit, quod pecunias imperatori pro bello credendas negavit. Factio sua pro patria contra hostes defendenda contendit. Ita etiam Fridericus Ebert censuit, qui 11 Ianuarii novus praeses factionis SPD electus erat.
• 25 Ianuarii - Milites Imperii Austro-Hungarici Montem Nigrum XXI post diebus expugnaverunt. De armistitio conventum est.

Mense Februario

• 2 Februarii - In Russia imperator Nicolaus II (imperator Russiae) praesidem ministrorum Ioannem Goremykin dimisit, quod cum factionibus parlamenti, quod "Duma" nominabatur, collaborare non potuit. Ei Boris Stürmer successit.
• 6 Februarii - Milites Germaniae Cameroniam reliquerunt, postquam maxima pars huius coloniae a Britannis expugnata est.
• 21 Februarii - Exercitus Germaniae impetus contra Franciam apud Verodunum coepit, quibus per nonnullos menses permulti milites necati sunt. Tamen neuter hoc proelio maximo victor abiit.

Mense Martio

• 9 Martii - Impericum Germanicum Portugalliae bellum proclamavit. Causa sunt naves Theodiscae, quae a Portugallis captae neque Germaniae restitutae erant.
• 24 Martii - XVIII sectatores factionis SPD parlamenti Theodisci ("Reichstag") hanc factionem deseruerunt et Carolo Liebknecht secuti sunt (vide supra), quod sententiam factionis de bello gerendo negabant.

Mense Aprili

• 5 Aprilis - Theobaldus de Bethmann Hollweg, cancellarius Germanicus in parlamento ("Reichstag") explicavit, ad quem finem bellum ducere in animo haberet: Ut Germania fortis et securus sit, ne quis eam aggredi posset.
• 20 Aprilis
  • Navis submarina Germanica navem civilem Francam "Sussex" in freto Gallico aggressa est. Quamquam navis non submersa est, tamen quinquaginta homines necati sunt et inter eos tres Americani. Praeses CFA statim Germaniam ob hanc rem vituperavit et finem belli submarinis navibus gesti flagitavit, ne Germania et CFA bellum inciperent.
  • Milites Russiae Massiliae appulsi sunt, ut Franciam contra Germaniae exercitum adiuvarent.
• 24 Aprilis - Eblanae motus Hibernorum contra Britannos coepit. Sed paucis diebus a copiis Britannicis suppressus est.

Mense Maio

• 10 Maii Germaniae magistratus post impetum in navem "Sussex" (vide: 20 Aprilis) promiserunt, ut submarinae naves Theodiscae naves civiles non nisi monetas submersurae essent. Praeses CFA hunc nuntium salutavit. Periculum belli inter CFA et Germania nunc finitum esse.
• 15 Maii - Copiae Austro-Hungarici impetum maximum contra Italiam in Tyrolo coeperunt. Initio impetus successit, sed mox finitus est, quod Russia in regionibus orientalibus regni Austro-Hungarico magnum impetum fecit.
• 27 Maii - Woodrow Wilson, praeses CFA consilia sua de pace facienda promulgavit, quibus aequa iura omnibus ciitatibus et societatem civitatum proposuit. Civitates bellum gerentes haec proposita statim negaverunt.

Mense Iunio

• 1 Iunii - Apud Iutlandiam classes maximae Germaniae et Britanniae proelium navale coeperunt. Quamquam plus navium Britannicarum amissae sunt, tamen classis Germanica victrix non abiit: Nam ad usque finem belli in portibus mansit, quod naves hostium multo fortiores fuerunt.
• 11 Iunii - Antonius Salandra, praeses ministrorum Italiae magistratum reliquit, quod exercitus Italicus in Tyrolo ab Austro-Hungaricis militibus victus erat (vide supra).

Mense Iulio

• 1 Iulii - Proelium cruentissimum Belli Orbis Terrarum I apud Samaram coepit et ad usque 18 Novembris continuatum est.

Mense Augusto

• 27 Augusti - Romania ad partem alligatorum transiens ad Bellum Orbis Terrarum I accessit.

Mense Septembri

• 1 Septembris (ad usque 30 Septembris) - Exercitus Imperii Russici Alexio Brusilov duce impetum irritum in Imperium Austro-Hungaricum atque Germaniam fecit.
• 27 Septembris - Iosue V (1897 - 1935) imperator Aethiopiae depositus est. Zauditu imperatrix ei successit.

Mense Octobri

• 21 Octobris - Fridericus Adler, vir publicus Austriacus factionis Socialis Democratica Austriae, Austriae Primum Ministrum Carolum Stürgkh necavit.

Mense Novembri

• 18 Novembris - Proelium cruentissimum Belli Orbis Terrarum I apud Samaram finitum est.
• 21 Novembris - Post mortem Francisci Iosephi imperatoris Austriae et regis Hungariae Carolus I pronepos ei successit.

Mense Decembris

• 18 Decembris - Elisabetha Grable, cantrix actrixque Americana; mortua est anno 1973.

Nati

Mense Ianuario

• 18 Ianuarii - Iacobus Franklin Crow, zoologus et geneticae peritus Americanus; mortuus est anno 2012.
• 23 Ianuarii - Airey Neave, miles, causidicus et politicorum peritus Britannicus Factionis Conservativae; necatus est anno 1979.
• 31 Ianuarii - Sangoulé Lamizana, vir publicus Voltae Superioris; mortuus est anno 2005.

Mense Februario

• 10 Februarii - Georgius Piccittu, glottologus, lexicographus Sicilianus; mortuus est anno 1972.

Mense Martio

• 11 Martii - Haroldus Wilson, vir publicus Angliae et bis primus minister Britanniarum Regni (mortuus 1995).

Mense Maio

• 21 Maii - Iacobus Reuter, sacerdos catholicus Societatis Iesu Americanus; mortuus est anno 2012.

Mense Iunio

• 9 Iunii - Robertus McNamara, officinarum magister et politicorum peritus Americanus; mortuus est anno 2009.
• 15 Iunii - Iulius Oggioni, episcopus Bergomi; mortuus est anno 1993.
• 22 Iunii - Aemilius Fackenheim, philosophus et rabbi; mortuus est anno 2003.

Mense Iulii

• 6 Iulii - Dionysius Martinus Tapsoba, episcopus Uagadugi; mortuus est anno 2008.

Mense Augusti

• 2 Augusti - Aemilius Merone, poeta Latinus Italicus; mortuus est anno 1975.
• 9 Augusti - Manea Mănescu, vir publicus Communista Dacoromanus; mortuus est anno 2009.
• 20 Augusti - Ricardus Stücklen, vir publicus Germanicus factionis CSU; mortuus est anno 2002.

Mense Septembri

• 14 Septembris - Ludovicus Corvalán, rerum politicarum peritus Chilensis Factionis Communisticae Chilensis; mortuus est anno 2010.
• 15 Septembris - Iulius Fučík, compositor Bohemicus; natus est anno 1872.

Mense Octobri

• 26 Octobris - Franciscus Mitterrand, Praeses Francogallicae Rei Publicae (m. 1996).
• 28 Octobris - Ericus Mende, vir publicus Theodiscus factionis FDP; mortuus est anno 1998.

Ignotis diebus

• Georgius Arvalis, philologus classicus, professor Universitatis Wratislaviensis, poeta Polono-Latinus et interpres tragoediarum Eurypidis; mortuus est anno 2000.

Mortui

Mense Ianuario

• 4 Ianuarii - Godefridus Kurth, rerum gestarum scriptor Belgicus. Natus est 1847.
• 12 Ianuarii - Georgius Theotoces, vir publicus Graecus; natus est anno 1844.

Mense Martio

• 2 Martii - Elisabeth regina, uxor Caroli I, regis Romaniae. Sub nomine artificis "Carmen Sylva" nonnullas fabulas carminaque clara edidit. Nata est 29 Decembris 1843.
• 4 Martii - Franciscus Marc, pictor Germanicus, caesus est in proelio apud Verdun (vide supra); natus est 8 Februarii 1880.
• 9 Martii - Ronaldus Gower, sculptor, scriptor, et rerum politicarum peritus Britannicus; natus est anno 1845.
• 24 Martii - Henricus Granados, compositor et clavilista Hipanicus; natus est anno 1867.

Mense Maio

• 11 Maii - Maximus Reger, compositor Germanicus. Natus est 1873.
• 30 Maii - Caspar Decurtins, rerum politicarum peritus Helveticus Factionis Conservativae; natus est anno 1855.

Mense Iunio

• 27 Iunii - Stephanus Luchian, pictor Dacoromanus; natus est anno 1868.

Mense Iulio

• 6 Iulii - Odilon Redon, pictor Francicus; natus anno 1840.

Mense Augusto

• 10 Augusti - Iosephus Sinigaglia, athleta Italicus; natus est anno 1884.

Mense Septembri

• 21 Septembris - Henricus Droßel, iuris consultus et succenturio Maior Germanicus qui inter Bellum Orbis Terrarum II aliquibus Iudaeis a Nazistis persecutis auxilium dedit; mortuus est anno 2008.

Mense Octobri

• 11 Octobris - Otto rex Bavariae.

Mense Novembri

• 15 Novembris - Henricus Sienkiewicz, scriptor, praemio Nobeliano laureatus.
• 21 Novembris - Franciscus Iosephus I, Imperator Austriae, rex Hungariae et Bohemiae. Natus est anno 1830.