Subligatura

Saltatrices Aegyptiae subligaturas tantum gerentes. Pictura muralis annorum c. 1420/1375 a.C.n.

Saltatrix Michaela L'amour subligaturam sine ligatione (c-string) gerens

Subligatura, Graece ut videtur διάζωμα, linguis hodiernis interdum nuncupationibus Anglicis thong et string, saepius appellatione Tupi tanga appellata, est vestimentum minimum a viris et mulieribus gestum, partibus sexualibus sed nullis fere aliis celatis. Talia vestimenta, sit aut subligaculum e corio factum aut cincticulum textilem, affectabant olim apud Romanos mimi athletaeque ne nudi in scaena et circo viderentur. Gerunt hodie viri mulieresque nonnullae quae in ora maritima solis radiis calefiunt atque quae ad libidines provocandas saltitant crissantque.

Bibliographia

• Sarah Tomczak, Rachel Pask, Knickers: a brief history. Londinii: Allen & Unwin, 2004. ISBN 1-74114-480-9

Haec pagina est stipula. Amplifica, si potes!