Quantum redactiones paginae "Fossa Mariannensis" differant

Coordinata: 11°21′N 142°12′E / 11.35°N 142.2°E / 11.35; 142.2
E Vicipaedia
Content deleted Content added
Addbot (disputatio | conlationes)
m Addbot 68 nexus intervici removet, quod nunc apud Vicidata cum tessera d:q510 sunt
Addbot (disputatio | conlationes)
m Addbot 2 nexus intervici removet, quod nunc apud Vicidata cum tessera d:q510 sunt
Linea 32: Linea 32:
[[Categoria:Insulae Marianae]]
[[Categoria:Insulae Marianae]]
[[Categoria:Loci submarini]]<!-- NB Categoria subdividenda quando commentationes plures habemus -->
[[Categoria:Loci submarini]]<!-- NB Categoria subdividenda quando commentationes plures habemus -->

[[eu:Marianetako itsas hobia]]
[[lt:Marianų lovys]]

Emendatio ex 14:09, 23 Martii 2013

Locus Fossae Marianae (tabula Anglice signata).

Fossa Mariana est profundissima oceanorum orbis terrarum pars, in Oceano Pacifico occidentali ad orientem Insularum Marianarum versus sita. Fossa est circa 2550 chiliometra longa, sed mediam habet latitudinem solum 69 chiliometrorum. Sua altitudo maxima est circa 10.91 chiliometra (35 800 pedes) in Alto Challenger sita, in parva valle angusta, prope meridianum alvei terminum.[1] Nonnullae autem mensiones singulares partem altissimam circa 11.03 chiliometra inveniunt.[2]

Fossa Mariana est pars Arcus Izu-Bonin-Mariana, geologici finium systematis quod fines inter duas laminas tectonicas conformat. Hoc in systemate, Lamina Pacifica, occidentalis laminae singulae margo, sub minorem Laminam Marianam subducitur, ad occidentem versus iacentem. Quia Lamina Pacifica est maxima omnium Telluris laminarum, materia crustae ad marginem occidentalem se iam diu (usque ad 170 milliones annorum) confercit, unde densissima fit; ergo magna altitudinis varietas contra Laminam Marianam, ubi crusta Laminae Pacificae subducitur. Hic locus altissimus est Fossa Mariana ipsa. Motus praeterea harum laminarum conformationem Insularum Marianarum oblique efficit (insularum quae a vulcanismo per subductionem aquae intra mineralia occlusae conformantur). In ima fossa, ubi laminae congrediuntur, columna aquae pressuram supra 1086 bar excitat, plus quam miliens pressura atmosphaerica normalis ad maris aequor. Fossa non est pars imi maris ad Mediam Terra proxima, quia Terra non est sphaera absoluta et perfecta: radius ad polos est circa 25 chiliometra minus quam radius ad aequatorem.[3] Ergo, partes alvei Oceani Arctici sunt saltem 13 chiliometris propius ad medium Telluris quam alveus Alti Challenger.

Nomen

Lamina Pacifica sub Laminam Marianam subducitur, Fossam Marianam conformans (adumbratio Anglice signata).
Bathyscapha Trieste aliquantulum ante se ad imum mare summergit, die 23 Ianuarii 1960.

Insulae Marianae ab Hispania anno 1668 postulatae sunt. Quo facto, Hispani coloniam ibi deduxerunt, insulisque nomen publicum Las Marianas ex Mariana Austriaca Regina Hispanica et vidua Philippi IV Regis Hispaniae, dederunt. Insulae sunt pars arcus insularis qui super Laminam Marianam, laminam superiorem, conformatus est, prope occidentalem fossae marginem situs; Lamina Pacifica sub insulas subducitur, fossam conformans.

Vide etiam

Notae

  1. "NOAA Ocean Explorer: History: Quotations: Soundings, Sea-Bottom, and Geophysics". NOAA, Office of Ocean Exploration and Research 
  2. Mariana Trench. Encyclopædia Britannica 
  3. De Tellure, apud nssdc.gsfc.nasa.gov.

Nexus externi

Haec stipula ad geographiam spectat. Amplifica, si potes!