Quantum redactiones paginae "David Morgan" differant
→Vita: annus baccalaureatús |
|||
| Linea 9: | Linea 9: | ||
Inde ab anno [[1993]], munere quaestuoso functus est professoris [[lingua Francogallica|linguae Francogallicae]] in Universitate Furmaniana, ubi non solum de [[lingua]], [[litterae|litteris]], [[cultura|cultuque civili]] Francogallicis docere, sed etiam interdum, priore gradu doctorali nixus, de [[ius publicandi|iure publicandi]].<ref>Vide exempli causa hunc syllabum scholae ad quam perficiendam non vixit: http://millie.furman.edu/morgan/copyright.htm</ref> |
Inde ab anno [[1993]], munere quaestuoso functus est professoris [[lingua Francogallica|linguae Francogallicae]] in Universitate Furmaniana, ubi non solum de [[lingua]], [[litterae|litteris]], [[cultura|cultuque civili]] Francogallicis docere, sed etiam interdum, priore gradu doctorali nixus, de [[ius publicandi|iure publicandi]].<ref>Vide exempli causa hunc syllabum scholae ad quam perficiendam non vixit: http://millie.furman.edu/morgan/copyright.htm</ref> |
||
Vir versutissimus, paene nulli arti defuit. Argute canere potuit, tam [[clavile|clavili]] quam [[vox|voce]]. |
Vir versutissimus, paene nulli arti defuit. Argute canere potuit, tam [[clavile|clavili]] quam [[vox|voce]]. Linguas [[lingua Francogallica|Francogallicam]], [[lingua Hispanica|Hispanicam]], [[lingua Germanica|Germanicam]], [[lingua Italica|Italicam]], et [[lingua Latina|Latinam]] tanta volubilitate et peritia callebat, ut multi eum pulchrius quam sermone patrio [[lingua Anglica|Anglico]] eloqui crederent. Et alias linguas citissime discere poterat: |
||
{{citatio |
{{citatio |
||
Emendatio ex 21:20, 9 Februarii 2013
David Wells Morgan (gen. Davīdis) (natus 22 Iulii 1959, mortuus 6 Februarii 2013[1]), natione Cherokeensis, civitate Americanus, fuit professor Linguae Francogallicae in Universitate Furman.
Vita
Morgan natus est 22 Iulii 1959, parentibus Thomá Gulielmo et Dorotheá Wells Morgan. Gradum baccalaurealem adeptus est cum artium tum scientiarum, anno 1981, a Collegio Wofford. Primum gradum doctoralem, Iuris Doctoratum ab Universitate Vanderbiltia, adeptus, munere iuris consulti per aliquot annos Novi Eboraci fungebatur, legum ad corporationes sive societates quaestuosas pertinentium peritus. A quo munere pecuniam haud minorem accepit, et vitam, ut serioribus annis solebat ipse iudicare, satis dissipatam vivebat.
At tandem aliquando illum taeduit gaudiorum cito evanescentium, et hominibus circumspectis quos noverat, animadvertit professores universitarios videri beatissimos et omnium maxime muneribus suis contentos. Itaque subito multis mirantibus munus quod habuit abiecit, et linguae Francogallicae iin Universitate Princetoniensi operam dare coepit. Ibi adeptus est gradus magistralem et doctoralem in lingua litterisque Francogallicis.
Inde ab anno 1993, munere quaestuoso functus est professoris linguae Francogallicae in Universitate Furmaniana, ubi non solum de lingua, litteris, cultuque civili Francogallicis docere, sed etiam interdum, priore gradu doctorali nixus, de iure publicandi.[2]
Vir versutissimus, paene nulli arti defuit. Argute canere potuit, tam clavili quam voce. Linguas Francogallicam, Hispanicam, Germanicam, Italicam, et Latinam tanta volubilitate et peritia callebat, ut multi eum pulchrius quam sermone patrio Anglico eloqui crederent. Et alias linguas citissime discere poterat:
Vir erat doctissimus, sed modestus: v.g. se nescire linguam Lusitanicam aiebat; sed quodam die, dum autocineto meritorio per quasdam illius urbis vias vehimur, cum autocineti gubernatore non minus quindecim temporis minutis Lusitanice vel Brasiliane tam fluenter locutus est, ut ego non palatia, non tabernas, non feminas vestibus multicoloribus indutas observarem, sed Davidem Lusitanice loquentem obstupefactus intentusque auscultarem.– Victorius Ciarrocchi, Epistula ad Gregem Latine Loquentium, 8 Februarii, 2013
Die 6 Februarii anni 2013 Carolini, iecinore captus, de vitá decessit.
De re Latina
Morgan usque ad annum 2007 Conventiculum Latinum Lexintoniense frequentare solebat. Aliis etiam interfuit Latinitatis vivae conventiculis et rusticationibus, et Conventiculo Bostoniensi moderabatur. Multorum etiam conventuum Europaeorum particeps fuit, et sodalis Academiae Latinitati Fovendae. Amicus fidelis Aloisii Miraglia, nonnumquam scholas acroasesve dedit apud Vivarium Novum.
Lexicon novum Anglico-Latinum Latinitatis recentioris concinnabat, primum cum Terentio Tunberg et Milena Minkova, dein ipse solus, de quo quid futurum sit post mortem eius praematuram incertum est.
Opera
- 1992: La querelle de la chaire: eloquence and religious oratory in the Ancien régime (dissertatio inauguralis Princetoniensis)
- 1996: De la morale à l'économie politique : dialogue franco-américain sur les moralistes français: actes du colloque de Columbia University (New York) 14-15-16 octobre 1994 (cum Petro Force, Vincentio Desrosches)
- 1999: "De Adami Schall Historica Narratione: Quo Modo Sinae Sint Latinae Factae", in Retiario n° 1.2a
- 1999: "Floret Latinitas in America Foederata", in Melissa, n° 93, anno 1999, pp. 6–8.
- 2001: "De Seminario Brasiliensi", in Melissa, n° 102, anno 2001, pp. 1–2.
- 2005–2012: Adumbratio Lexici Anglici et Latini (Versio publica, alia, forma doc)
- 2005–2013: Silva ad Lexicum Anglicum et Latinum (Versio publica, situ alio)
Vide etiam
Notae
- ↑ Obitus nuntiatus in The Greenville News.
- ↑ Vide exempli causa hunc syllabum scholae ad quam perficiendam non vixit: http://millie.furman.edu/morgan/copyright.htm
Nexus externi
- Pagina interretalis Davidis Morgan, facweb.furman.edu
- Pellicula Morgan docentis, www.youtube.com
- Altera pellicula Morgan docentis, www.youtube.com
- Laus Morgan, groups.google.com
- Obitus a Vivario Novo nuntiatus
- Obitus Hungarice nuntiatus, et laudes
De hac re nexus intervici usque adhuc absunt. Adde, si reppereris.