Ludovicus van Beethoven

Formula:Data hominis Ludovicus van Beethoven, Theodisce Ludwig van Beethoven, (Bonnae, 16 Decembris 1770; Vindobonae, 26 Martii 1827) fuit compositor et clavilista Germanicus, tertius ex praestantissimis aetatis classicae musicis (post Haydn et Mozart). Et apud peritissimos unum ex altissimis culminibus musicalis historiae habetur, et non peritis popularissimus semper manet.

Natus Bonnae, in urbe tum capite Principis Dicionis Coloniae et Sacri Imperii Romani parte, Beethoven viginti unum annos natus Vindobonam immigravit. Hic discipulus Iosephi Haydn fuit et mox famam clavilistae praestantissimi habuit. Ante autem tricesimum annum, audiendi sensus eius corrumpi coepit, sed in compositione et perfunctione musicae (ut musicus vel orchestrae dux) persistebat, etiam cum omnino surdus factus esset.

Vita

Ludovicus van Beethoven Bonnae natus est mense decembri anno 1770, die fortasse 16 (dies ortus eius non pro certo habetur).

Ludovicus unus ex tribus filiis fuit qui supervixerunt. Maximus natu habuit duo fratres, Carolus Iohannesque van Beethoven.

Pater eius, Iohannes van Beethoven, exemplari pueri Mozart adductus, volebat quoque parvum Ludovicum mirum puerum reddere. Itaque iam a prima pueritia eum clavile, organum tibiaque docobet.

Ludovici pater erat alcoholicus et mater eius, Maria Magdalena Keverich, saepe aegrotabat.

Agens septimum annum, die 26 Martii anno 1778, primum in publico Coloniae clavili cecinit. Pater eius praenuntiavit puerum sex annos natum esse quo puerulus Ludovicus etiam mirior videretur. Qua de causa Beethoven se ipse usque ad adultam aetatem pro iuniore haberetur.

Primus Ludovico praestans magister fuit Christianus Gottlob Neefe.

Anno 1782 undecimum annum agens Beethoven primum opus edidit.

Anno 1787 primum iter ad Vindobonam fecit, auctore comite Ferdinando von Waldstein. Fertur Vindobonae Beethoven fugaciter Mozart invenire, sed huius rei non est ullum certum testimonium. Sencundum fabulam Mozart dixisset: "Mementote nomen eius; per orbem terrarum divulgabitur". Paulo post quam Vindobonam pervenit, nuntium per patris litteras accepit matrem grave aegrotam esse eique Bonnam redeundum esse. Mater denique e phthisi mortua est die 17 Iulii anno 1787.

Eius nonam et ultimam symphoniam claudit praeclarum in musicam redditum poema Friderici Schiller, An die Freude (Pro Gaudio), qui incipit "Freude, schöner Götterfunken" ('Delectatio, pulchra scintilla divina'). Haec melodia facta est hymnus Unionis Europaeae ("Hymnus Europae"), verbis novis "Est Europa nunc unita."

Triginta annos natus, Beethoven surdus fieri coepit, tamen usque ad finem vitae novas symphonias et plures concentus composuit.

Opera notissima

• Missa Sollemnis
• Symphonia 9

Nexus externi

Vicimedia Communia plura habent quae ad Ludovicum van Beethoven spectant.

Bibliographia

• Clive, Peter. 2001. Beethoven and His World: A Biographical Dictionary. Oxford University Press. ISBN 0-19-816672-9.
• Cooper, Barry. 2008. Beethoven. Oxford University Press US. ISBN 978-0-19-531331-4.
• Landon, H. C. Robbins, et August Göllerich. 1970 Beethoven: a documentary study. Macmillan. OCLC 87180.
• Lockwood, Lewis B. 2005. Beethoven: The Music and the Life. Novi Eboraci: W. W. Norton. ISBN 978-0-393-32638-3.
• Sachs, Harvey. 2010. The Ninth: Beethoven and the World in 1824. Londini: Faber. ISBN 978-0-571-22145-5.
• Solomon, Maynard. 2001. Beethoven. Ed. 2a. Novi Eboraci: Schirmer Books. ISBN 0-8256-7268-6.
• Stanley, Glenn, ed. 2000. The Cambridge Companion to Beethoven. Cantabrigiae: Cambridge University Press. ISBN 0-521-58074-9.

Formula:Link FA Formula:Link FA Formula:Link FA Formula:Link FA Formula:Link FA Formula:Link GA Formula:Link GA Formula:Link GA