Cechia

Res publica Cecha
Vexillum (ab anno 1920 vexillum Cechoslovaciae) Magnum rei publicae insigne (ab anno 1993) Parvum rei publicae insigne (ab anno 1993) Vexillum praesidis rei publicae (ab anno 1993)
Sententia civitatis: Veritas vincit (Bohemice: Pravda vítězí)
Situs Cechiae
Lingua	Bohemica
Caput	Praga
Constitutio rei publicae	Libera res publica
Praeses rei publicae	Venceslaus Klaus
Primarius rei publicae	Petrus Nečas
Res publica orta die	1 Ianuarii 1993
Amplitudo terrae	78 886 km2 (114.)
- % aquae	2,0 %
Numerus incolarum	10 230 060 (2001, 78.)
- spissitas incolarum	130 pro km2
Nummi	Corona Cecha (CZK, Kč)
Zona temporalis	UTC+1 (aestate +2)
Hymnus gentilis	Kde domov můj? (Ubi patria mea?)
Notaculum vehiculorum	CZ
Abbreviatio interretialis	.cz
Praefixum telephonicum	+420

Cechia, sive Czechia sive Čechia sive Tzechia (Bohemice: Česko), nomine politico Res Publica Cecha sive Res publica Czecha (Bohemice: Česká republika) sive Res publica Bohemorum, vel apud nonnullos etiam Res Publica Bohemica, sive minus recte Bohemia, est civitas in media Europa sita a septentrionibus atque oriente Poloniae, ab occasu solis ac septentrionibus Germaniae, a meridie Austriae, ab oriente sole Slovaciae finitima. Civitas uno nomine rato ac firmo nuncupari nequit, quippe quae ex tribus terris historicis, quae sunt Bohemia, Moravia, Silesia Cecha, constet atque ab anno 1918 usque ad annum 1992 pars Cechoslovaciae fuerit. Urbs Praga, quae huius civitatis caput est atque urbs maxima, ob pulchritudinem suam apud exteras gentes adeo innotuit ut quotannis plurimos advenas alliceret.

Cechia haec civitatum foedera subscripsit:

• Consociatio ex pacto Atlantico Septentrionali (ab anno 1999)
• UE (ab anno 2004)
• Consociatio Cooperationis et Evolutionis Oeconomicarum (ab anno 1995)
• Syndicatus Mercaturae Mundanae (ab anno 1993)
• Consilium Europae (ab anno 2004)
• Circulus Felicis Lacus

Proelio Amantiae anno 1526 commisso, terrae Coronae regni Bohemiae partim, ut in Moravia vel Silesia, acceperunt, partim vero, ut in Bohemia, regem ex stirpe Habsburgensium libere creaverunt. Quo facto iam inde ab illo anno persona regis cum Austria et Hungaria coniunctae una cum aliis civitatibus quasi fundamentum fuerunt eorum, quae post aliquot saecula orta sunt, Imperii Austriaci et Austro-Hungarici. Collapso in fine Belli Orbis Terrarum I imperio, libera res publica Cechoslovaca anno 1918 creata est quae populos Cechorum Slovacorumque iungeret; quae quidem inter Bellum Orbis Terrarum II a Nazistica Germania occupata in eiusdem belli fine denuo restituta est. At anno 1948, subitanea rerum conversio Cechoslovaciam cum factionis Sovieticae civitatibus iunxit. Anno 1968, dum de re publica necnon oeconomica regenda dissensio crescit, conatus regimen communisticum reformandi, qui Ver Pragense appellantur, Pacti Varsoviensis exercituum invasione oppressi sunt. Postquam anno 1989 regimen communisticum corruit, Kalendis Ianuariis anni 1993 civitas in duas civitates separatas, Cechiam et Slovaciam pacifice est divisa.

Res publica Cecha est libera res res publica, ubi complures sunt factiones, democratica et parlamentaria, cuius dux gubernationis est primus minister et cuius dux civitatis est praeses.

Toponymia

Nomen Res Publica Bohemica modo ad partem occidentalem civitatis hodiernae recte attineret, tamen Res Publica Bohemica est nomen quo multae magni momenti societates et rei publicae ministeria utuntur; ergo nomen publicum esse videtur non solum usu, sed etiam lexicis maximi ponderis probatum. Nomina vero, quae suntCechia et Czechia, quoque in usu sunt.

Bohemia et Moravia ex universo (Sept. 2003)

Aetate quae media dicitur, Carolo IV, S.R.I. imperatore, Regnum Bohemiae et Marchionatus Moraviae et Principatus Silesiae et Lusatia Inferior et Lusatia Superior et Palatinatus Superior (Nova Bohemia dictus) et Egra et Luxemburgia unius foederis partes factae sunt, quod foedus "Corona Regni Bohemiae" usque ad initium saeculi vicensimi appellabatur. Hoc nomen datum est, quia Bohemia inter has terras maximi momenti erat; Moravia, Silesia etc. tamen civitates liberae erant, non ipsius Bohemiae, sed Coronae Regni Bohemiae partes ipsi Coronae feudali sive clientelae vinculo subiunctae. Medio aevo, Cechiae hodiernae territorium tribus ex terris — Bohemia, Moravia, Silesia (cuius pars maior nunc ad Poloniam pertinet)—constabat. Bohemia a Slavis illius regionis Čechy usque ad hanc nostram aetatem vocatur; rarissime vero synonymum Česko usurpabatur. Humanistae autem Bohemici e stirpe Slavica prognati cum terram suam nomine vernaculo nuncupare vellent, nomen Czechia excogitaverunt; quod nomen secundum varias pronuntiandi rationes diversis inter se modis scribitur — qua re non solum vox Czechia, quae antiquissima habetur, sed etiam Cechia, Tzechia, Tzekia, Tsechia, Tsekia inveniri queunt.

Postquam saeculo undevicensimo Slavi Bohemici Moravicique gentem unam constituerunt, terras suas (et Slovaciam) anno 1918 in Cechoslovaciam coagmentaverunt, Theodiscos anno 1945 expulerunt et praesertim postquam Slovacia et Cechia anno 1993 duae civitates liberae factae sunt, nomen Česko ex oblivione revocari coeptum est, nunc igitur non Bohemiam solam, sed etiam Moraviam et Silesiae partem, ergo totam civitatem hodiernam significat. Eodem tempore, haec civitas Anglice Czech Republic sive Czechia, Francogallice République tchèque sive Tchéquie, Hispanice República Checa sive Chequia, Italiane Repubblica Ceca sive Cechia, Theodisce Tschechien sive Tschechische Republik, Russice Чехия /Čechija/ sive Чешская Республика /Češskaja Respublika/ appellatur.

Nonnulli quoque homines rem publicam nomine tantum Bohemiae appellare solent (quippe quod Bohemi in re publica Bohemica lingua Bohemica loquantur); at hoc pacto sat difficile est iudicatu, ubi verba de tota re publica Bohemica, ubi vero tantum de Bohemia fiant. Hodiernae autem terrae nomen geographicum Bohemia et Moravia maneat, si ambae gentes ibi usque ad annum 1945 viventes (Cechi et Theodisci) tractentur. Exempli gratia, Franciscus Kafka Cechus non erat, tamen in Bohemia non ut peregrinus vivebat; etenim Bohemus erat Theodisce loquens. Simili modo Gregorius Mendel non Cechus, sed Moravus habetur. At vero Iohannes Amos Comenius, paedagogus praeclarus, his de se ipse verbis usus est, quae rationi superius adumbratae quadam ex parte contraria videntur: Moravus ego natione, lingua Bohemus.

Historia

Thomas Garrigue Masaryk, primus praeses Cechoslovaciae.

Bohemia et Moravia exeunti saeculo nono ortae sunt, cum a Premyslidis unificatae sunt. Regnum Bohemiae ponderis loci potentia erat, sed religiosi conflictus velut saeculi quinto decimo Bella Hussitica et saeculi septimi decimi Bellum tricennale vastifici fuerunt. Posterioribus in temporibus in Habsburgensium dicione fuit et Imperii Austro-Hungarici pars facta est.

Hac civitate collapsa post Bellum Orbis Terrarum I, Cechi et eorum vicini Slovaci se iunxerunt et liberam Cechoslovacam rem publicam anno 1918 constituerunt. Res publica Theodiscos sicut 22.95% incolarum Cechoslovaciae pro allophylis putabat, qui ergo Cechoslovaciam ad dissolutionem^?adduxeret: Germania eos Pacto Monacensi anno 1938 annectere consecuta et Slovacia quoque se separavit. Relicta Cecha civitas a Germania anno 1939 capta est.

Post Bellum Orbis Terrarum II, Cechoslovacia sub ponderis sphaera Sovietica cecidit. Anno 1968, e Pacti Varsoviensis copiarum parte invasio ad finem conamina ducum civitatis liberalizandarum^? factionis normarum et creandi "Socialismi cum humana facie" per Ver Pragense adduxit. Anno 1989, Cechoslovacia libertatem cum nova pacifica revolutione, "Rebus Novis Holosericis", recuperat. Kalendis Ianuariis anni 1993, civitas Cechoslovaca pacifice se scidit, et Cechia et Slovacia genitae sunt.

Respublica Cecha Consociationi ex pacto Atlantico Septentrionali anno 1999 et Unioni Europaeae anno 2004 se iunxit.

Geographia

Montana in Greylichs(Bohemice: Králický Sněžník).

Cecha topia valde varia sunt. Bohemia, oriente, sinu conformatur qui Albe et Multavia (Bohemice: Labe et Vltava, respective^?) epotatur,^? et praesertim humilibus montibus circumdatur, inter quos Sudetorum (Bohemice: Sudety) Montes Gigantei (Bohemice: Krkonoše), ubi altissimus locus in civitate, Sněžka (Polonice: Śnieżka 'Mons Niveus') 1602 metrorum altus, situs est. Moravia, orientalis civitatis regio, etiam montana est, et Maro fluvio potatur, sed ibi etiam Viadri (Bohemice: Odra) fons est. Cechiae aquae in tria dissimilia maria influunt: in Mare Germanicum ex Bohemia, Mare Balticum ex Silesia, et Pontum Euxinum ex Moravia, quamquam Cechia litus non habet. Cechia Hamburgensium navalium zonam conducit, quae ei secundum Foedus Versaliis sancitum donata est ut civitatis bonorum motus in mare permitteretur. Territorium in Germaniae manus anno 2028 redibit.

Šance Agger, pars Beskidarum Moravo-Silesiacarum

Silvae fere tertiam terrae partem tegunt et Medii-Europaei generis sunt, cum quercetis in inferioribus terris et fagineis silvis in superioribus et etiam cum pinophytis, inter quas abies, Pinus sylvestris, et picea.

Clima est continentale. Media Pragae temperatura e 0º Ianuario in 20 °C Iulio variat. Minimae -10º in Bohemicis montibus attingere possunt. Pluviositas inter 500 mm pro anno in Bohemicis planitiebus usque ad 1000 mm in septentrionalibus montibus oscillat; maxima Iulio et minima Februario accidit.

Terrae

Cechia omnis divisa est in terras tres:

• Bohemia (Bohemice: Čechy, Theodisce: Böhmen)
• Moravia (Bohemice: Morava, Theodisce: Mähren)
• Silesia Cecha (Bohemice: České Slezsko, Theodisce: Tschechisch-Schlesien, Polonice: Śląsk Czeski)

Anno 1920 regiones parvae, quibus nomina České Velenice, Regio Witrensis (Bohemice: Vitorazsko), Regio Valticensis (Bohemice: Valticko) et Triangulum Tyense (Dyjský trojúhelník) sunt, quondam partes Austriae Inferioris et Austriae Superioris, ad Bohemiam et Moraviam adiunctae sunt.

Fluvii

• Albis (Labe)
• Egra (Ohře)
• Misa (Mže, Berounka)
• Marus (Morava)
• Nissa (Nisa)
• Viadua (Viadrus, Odra)
• Multavia (Vltava)

Montes

• Montium Moles Bohemica
  • Sudeti (Sudeta Ore, Sudeta Montes, Montes Sudetica)
    • Montes Gigantei (Montes Corcontica)
    • Asciburgii Montes
  • Montanus Metallifer (Tractus Metallifer)
  • Porta Bohemica
  • Silva Bohemica
  • Silva Gabreta
  • Silva Nortica
• Carpathi
  • Beskidae Moravo-Silesiacae
  • Porta Moravica

Civilitas et gubernatio

Res publica Cecha est multifactionalis et repraesentativa democratia parlamentaria. Primus minister dux gubernationis, dum praeses dux civitatis est, a coniuncta Parlamenti sessione uno quinquenni praesidatui electus, sed munus suscipere bis consecutive nequit. Praesidi sunt potestates diserte angustae, inter quas leges a Parlamento iussas reformare, Tribunalis Constitutionalis iudices nominare qui Senatui probandi sunt et Parlamentum sub quibusdam specialibus inusitatisque condicionibus dissolvere potest. Etiam primum ministrum et alios consilii socios designat, quos ei primus minister proponit. Primus minister, vicissim, gubernationem ducit et amplos exsecutivas potestates habet, inter quas statuendorum de externis internisque rebus agendorum et eligendorum gubernationis ministrorum ius.

Parlamentum Rei Publicae Cechae (Bohemice: Parlament České republiky) est corpus bicamerale, a Camera Deputatorum (Bohemice: Poslanecká sněmovna), a ducentis sociis formata, et a Senatu, ab octoginta uno sociis formato, integratum. Camerae Deputatorum socii per quattuor annos secundum repraesentationis proportionalis methodon cum minimo limite 5% ut factio ibi repraesentari possit eliguntur. Quattuordecim circumscriptiones comitiales sunt, administrativis circulis identicae.^? Senatores secundum scrutinii uninominalis maioritarii modum unius sedis pro circumscriptione, cum duabus suffragiorum vicibus uni sexenio eliguntur. Biennia singula, tertia Senatus pars eligitur. Circumscriptiones fere eiusdem magnitudinis et adeo duae suffragiorum vices sunt.

Euroregio

• euroregio Albis
• euroregio Carpathi Alba
• euroregio Egrensis
• euroregio Glacensis
• euroregio Nissa
• euroregio Silesia
• euroregio Silva Bohemica
• euroregio Silva Nortica

Divisio administrativa

Iam medio aevo Bohemia in regiones dividebatur, quae circuli (Bohemice: kraje) appellabantur. Ex anno 2000, Respublica Cecha in circulos tredecim et in capitalem urbem Pragam divisa est. Singuli circuli singulos Circuli Conventus (Bohemice: krajské zastupitelstvo) et singulos praefectos sive praeside (Bohemice: hejtman) habent. Pragae, eorum potestates a conventu urbano et urbis praefecto exercentur.

Antiqui septendecim sex districtus (Bohemice: okresy), inclusis^? tribus "urbibus statutoriis" (Praga excepta, cui est specialis status) maximam ponderis partem anno 1999 administrativa in reformatione perdidit; velut territoriales divisiones et variorum civitariae administrationis ramorum sedes manent.

Tabula Bohemiae cum circulis anni 1744.

Tabula Reipublicae Cechae cum circulis.

(notaculum autocineti)	Circulus	Caput	Incolae (2004 aest.)	Incolae (2008 aest.)
A	Praga, capitalis urbs (Bohemice: Hlavní město Praha)		1 170 571	1 223 368
S	Circulus Mediobohemicus (Bohemice: Středočeský kraj)	graphea Pragae sita	1 144 071	1 214 356
C	Circulus Meridibohemicus (Bohemice: Jihočeský kraj)	Budovicium (Bohemice: České Budějovice)	625 712	634 408
P	Circulus Pilsnensis (Bohemice: Plzeňský kraj)	Pilsna (Bohemice: Plzeň)	549 618	565 029
K	Circulus Carolinus (Bohemice: Karlovarský kraj)	Thermae Carolinae (Bohemice: Karlovy Vary)	304 588	308 450
U	Circulus Ustiensis (Bohemice: Ústecký kraj)	Ustia apud Albim (Bohemice: Ústí nad Labem)	822 133	835 260
L	Circulus Reichenbergensis (Bohemice: Liberecký kraj)	Libercum (Bohemice: Liberec]	427 563	435 755
H	Circulus Reginaehradecensis (Bohemice: Královéhradecký kraj)	Reginogradecium (Bohemice: Hradec Králové)	547 296	553 503
E	Circulus Pardibensis (Bohemice: Pardubický kraj)	Pardibus (Bohemice: Pardubice)	505 285	513 949
M	Circulus Olomucensis (Bohemice: Olomoucký kraj)	Olomucium (Bohemice: Olomouc)	635 126	641 897
T	Circulus Moravo-Silesiacus (Bohemice: Moravskoslezský kraj)	Ostravia (Bohemice: Ostrava)	1 257 554	1 250 066
B	Circulus Meridimoravicus (Bohemice: Jihomoravský kraj)	Bruna (Bohemice: Brno)	1 123 201	1 143 389
Z	Circulus Zlinensis (Bohemice: Zlínský kraj)	Zlín (Bohemice: Zlín)	590 706	591 026
J	Circulus Montanus (Bohemice: Vysočina)	Iglavia (Bohemice: Jihlava)	517 153	514 470

Tabula cum districtibus.

Circulus (Bohemice: Kraj)	Districtus (Bohemice: Okres)	Area (km2)	Incolae (2002)	Numerus communium
Circulus Carolinus (Bohemice: Karlovarský kraj)	Egra (Bohemice: Cheb)	933	89 107	39
	Thermae Carolinae (Bohemice: Karlovy Vary)	1628	121 886	55
	Valkenaw (Bohemice: Sokolov)	753	93 227	38
Circulus Mediobohemicus (Bohemice: Středočeský kraj)	Beneschovium (Bohemice: Benešov)	1524	93 220	115
	Verona (Bohemice: Beroun)	662	76 101	85
	Cladna (Bohemice: Kladno)	692	150 181	100
	Colonia iuxta Albim (Bohemice: Kolín)	846	95 523	100
	Montes Cuthni (Bohemice: Kutná Hora)	917	73 337	88
	Melnica (Bohemice: Mělník)	712	94 868	70
	Neo Boleslavia (Bohemice: Mladá Boleslav)	1058	114 042	123
	Nova urbs (Bohemice: Nymburk)	876	84 784	87
	Praga Orientalis (Bohemice: Praha-východ)	584	98 453	91
	Praga Occidentalis (Bohemice: Praha-západ)	586	86 777	80
	Pribram (Bohemice: Příbram)	1628	107 260	120
	Racona (Bohemice: Rakovník)	930	54 128	84
Circulus Reginaehradecensis (Bohemice: Královéhradecký kraj)	Reginogradecium (Bohemice: Hradec Králové)	875	159 622	101
	Gitzinum (Bohemice: Jičín)	887	77 368	111
	Nachod (Bohemice: Náchod)	851	112 448	78
	Richnow (Bohemice: Rychnov nad Kněžnou)	998	79 003	83
	Trutina (Bohemice: Trutnov)	1147	119 996	75
Circulus Reichenbergensis (Bohemice: Liberecký kraj)	Lipa (Bohemice: Česká Lípa)	1137	106 411	59
	Gablona (Bohemice: Jablonec nad Nisou)	402	88 232	34
	Reichenberga (Bohemice: Liberec)	925	158 988	57
	Semilae (Bohemice: Semily)	699	74 660	65
Circulus Moravo-Silesiacus (Bohemice: Moravskoslezský kraj)	Vrudental (Bohemice: Bruntál)	1658	104 480	67
	Parienna (Bohemice: Frýdek-Místek)	1273	226 592	72
	Carvina (Bohemice: Karviná)	347	277 244	17
	Tyczin (Bohemice: Nový Jičín)	918	159 473	53
	Oppavia (Bohemice: Opava)	1144	180 769	77
	Ostravia (Bohemice: Ostrava)	214	314 102	13
Circulus Olomucensis (Bohemice: Olomoucký kraj)	Vriwald (Bohemice: Jeseník)	719	42 251	24
	Olomucium (Bohemice: Olomouc)	1451	224 156	92
	Prerovia (Bohemice: Přerov)	884	138 895	104
	Prostanna (Bohemice: Prostějov)	770	109 524	96
	Pulchromontium (Bohemice: Šumperk)	1316	125 924	78
Circulus Pardibensis (Bohemice: Pardubický kraj)	Chrudima (Bohemice: Chrudim)	1030	104 748	113
	Pardibus (Bohemice: Pardubice)	889	160 251	115
	Svitavia (Bohemice: Svitavy)	1335	101 832	113
	Vzci (Bohemice: Ústí nad Orlicí)	1265	138 753	111
Circulus Pilsnensis (Bohemice: Plzeňský kraj)	Tusta (Bohemice: Domažlice)	1140	58 895	86
	Clatovia (Bohemice: Klatovy)	1939	87 680	95
	Pilsna (Bohemice: Plzeň)	125	163 791	15
	Pilsna Meridionalis (Bohemice: Plzeň-jih)	1080	68 495	90
	Pilsna Septentrionalis (Bohemice: Plzeň-sever)	1323	73 610	98
	Rokyczana (Bohemice: Rokycany)	575	45 574	68
	Tachovia (Bohemice: Tachov)	1379	51 329	51
Praga urbs capitalis (Bohemice: Hlavní město Praha)	Praga (Bohemice: Praha)	496	1 181 610	1
Circulus Meridibohemicus (Bohemice: Jihočeský kraj)	Budovicium (Bohemice: České Budějovice)	1625	178 523	107
	Crumlovia (Bohemice: Český Krumlov)	1615	59 817	46
	Henrici Hradecium (Bohemice: Jindřichův Hradec)	1944	92 846	106
	Arena (Bohemice: Písek)	1138	70 419	76
	Prachatice (Bohemice: Prachatice)	1375	51 410	65
	Straconicium (Bohemice: Strakonice)	1032	69 496	112
	Taborum (Bohemice: Tábor)	1327	102 586	111
Circulus Meridimoravicus (Bohemice: Jihomoravský kraj)	Blaneca (Bohemice: Blansko)	943	107 454	130
	Brecizlavia (Bohemice: Břeclav)	1173	123 265	69
	Bruna (Bohemice: Brno)	230	729 509	1
	Bruna-rus (Bohemice: Brno-venkov)	1108	161 269	137
	Hodonin (Bohemice: Hodonín)	1086	158 602	81
	Vyškov (Bohemice: Vyškov)	889	114 061	81
	Znoyma (Bohemice: Znojmo)	1637	114 061	148
Circulus Ustiensis (Bohemice: Ústecký kraj)	Helcipolis (Bohemice: Chomutov)	935	124 744	44
	Dasena (Bohemice: Děčín)	909	133 631	52
	Litomericium (Bohemice: Litoměřice)	1032	114 497	105
	Luna (Bohemice: Louny)	1118	85 830	70
	Pons (Bohemice: Most)	467	116 786	26
	Teplicia (Bohemice: Teplice)	469	126 635	34
	Ustia apud Albim (Bohemice: Ústí nad Labem)	405	117 589	23
Circulus Montanus (Bohemice: Vysočina)	Broda Germanica (Bohemice: Havlíčkův Brod)	1265	94 778	120
	Iglavia (Bohemice: Jihlava)	1180	108 404	121
	Pilgramium (Bohemice: Pelhřimov)	1290	72 219	120
	Trebitium (Bohemice: Třebíč)	1518	116 415	173
	Sdyar (Bohemice: Žďár nad Sázavou)	1672	118 216	195
Circulus Zlinensis (Bohemice: Zlínský kraj)	Cromesir (Bohemice: Kroměříž)	799	107 852	80
	Hradistia (Bohemice: Uherské Hradiště)	991	143 763	78
	Setteincz (Bohemice: Vsetín)	1143	145 875	59
	Zlín (Bohemice: Zlín)	1030	192 994	87

Demographia

Incolarum numerus et compositio

Numeri incolarum in Cechia

Anno	Totum	Mutatio	Anno	Totum	Mutatio
1857	7 016 531	—	1930	10 674 386	+6,6%
1869	7 617 230	+8,6%	1950	8 896 133	-16,7%
1880	8 222 013	+7,9%	1961	9 571 531	+7,6%
1890	8 665 421	+5,4%	1970	9 807 697	+2,5%
1900	9 372 214	+8,2%	1980	10 291 927	+4,9%
1910	10 078 637	+7,5%	1991	10 302 215	+0,1%
1921	10 009 587	-0,7%	2001	10 230 060	-0,7%

Bohemia (viriditer), Moravia (caerulee) et Silesia Cecha (flave) cum finibus circulorum hodiernorum Cechiae.

Secundum anni 2001 censum, maxima pars incolarum Cechiae sunt Cechi (94.24%, quorum 3.7% Moravi et 0.1% Silesiaci appellari volunt, dum Moravia circa 30% et Silesia circa 10% incolarum Cechiae continent). Numerosissimi allophyli sunt: Slovaci (1.89%), Poloni (0.51%), Theodisci (0.38%), Ucraini (0.22%), Vietnamici (0.17%), Hungari (0.14%), Russi (0.12%), Acingani (0.11%), Bulgari (0.04%); Graeci (0.03%). Secundum aliquas aestimationes, in praesenti amplius 200 000 Acinganorum Cechiam incolunt.

Fere 436 116 advenarum civitatem Octobri anni 2009 habitantium, secundum Ministerium Rerum Internarum Cechum inter quos praecipui cives Ucrainae (132 481), Slovaciae (75 210), Vietnamiae (61 102), Russiae (29 976), Poloniae (19 790), Germaniae (14 156), Moldaviae (10 315), Bulgariae (6 346), Mongoliae (5 924), Civitatum Foederatarum Americae (5 803), Rei Publicae Popularis Sinarum (5 314), Britanniarum (4 461), Rutheniae Albae (4 441), Serbiae (4 098), Romaniae (4 021), Kazachstaniae (3 896), Austriae (3 114), Italiae (2 580), Nederlandiae (2 553), Franciae (2 356), Croatiae (2 351), Bosniae et Herzegovinae (2 240), Armeniae (2 021), Uzbekiae (1 969), Rei publicae Macedonicae (1 787) et Iaponiae (1 581) sunt.

Iudaei Bohemici et Moravici, 118 000 secundum anni 1930 censum, a Nazistis per Holocaustum propremodum annihilati sunt. Circa 4000 Iudaeorum in Cechia anno 2005 erant. Ioannes Fischer, Cechus primus minister, originis religionisque Iudaeus est.

Theodiscorum qui in Bohemia, Moravia, et Silesia ab saeculo 12 vivebant duo tresve milliones post annum 1945 expulsi sunt.

Index fertilitatis humile 1.5 filiorum pro femina est. Immigratio incolarum numerum fere 1% anno 2007 auxit. Circiter 77 000 novorum advenarum in Cechia pro anno resident. Vietnamici immigrantes in Cechia per Communisticam perihodon residere coeperunt, ubi a Cecha gubernatione velut operarii peregrini invitati sunt. Hodie, 70 000 Vietnamicorum in Cechia aestimantur. Collato cum Ucrainis, Vietnamici in Cechiam ad perpetuo vivendum veniunt.

Exeunti saeculo vicensimo et ineunti vicensimo uno, Sicagum tertia urbs cum maximo Cechorum numero post Pragam et Vindobonam erat. Secundum anni 2006 Statunitensem censum, 1 637 218 incolarum Civitatum Foederatarum cum tota aut partiali Cecha origine.

Praecipuae urbes

											Praga Praga Bruna Bruna
	urbs	incolae	ciculus			urbs	incolae	circulus
1	Praga	1 285 995	Praga Urbs Capitalis		11	Havířov	83 180	Circulus Moravo-Silesiacus
2	Bruna	405 337	Circulus Meridimoravicus		12	Zlín	77 288	Circulus Zlinensis
3	Ostravia	314 666	Circulus Moravo-Silesiacus		13	Cladna	71 654	Circulus Mediobohemicus
4	Pilsna	173 932	Circulus Pilsnensis		14	Pons	67 216	Circulus Ustiensis
5	Reichenberga	105 240	Circulus Reichenbergensis		15	Carvina	63 193	Circulus Moravo-Silesiacus
6	Olomucium	102 112	Circulus Olomucensis		16	Parienna	59 821	Circulus Moravo-Silesiacus
7	Ustia apud Albim	98 862	Circulus Ustiensis		17	Oppavia	59 793	Circulus Moravo-Silesiacus
8	Reginogradecium	95 890	Circulus Reginaehradecensis		18	Thermae Carolinae	53 691	Circulus Carolinus
9	Budovicium	95 709	Circulus Meridibohemicus		19	Teplicia	53 193	Circulus Ustiensis
10	Pardibus	90 765	Circulus Pardibensis		20	Dasena	52 589	Circulus Ustiensis

Oppida alia sunt exempli gratia Broda Bohemica (Český Brod), Halže et Sicca (Sušice) in Bohemia, Civitas Nova (Uničov) et Hunnobroda (Uherský Brod) in Moravia et Carnovia (Krnov) in Silesia.

Religio

Cechia, iuxta cum Estonia, inter religiosos homines minimorum numerorum unum tota in Europa habet. Secundum anni 2001 censum, 59% incolarum agnosticum, atheum aut incredens, 26.8% Catholicum Romanum et 2.5% Protestans. Secundum recentissimam Eurobarometri demoscopiam anno 2005, 19% Cechorum civium "se Deum esse credere" respondit (secunda minima ratio inter Unionem Europaeam post Estoniam cum 16%), dum 50% "se quendam spiritum aut vim vitalem esse" credere respondit et 30% "se nullum spiritum aut vim vitalem credere" dixit.

Ethnoregio

• Chodovia
• Hanakia
• Horakia
• Lachia
• Moravia Slovaca
• Sudetia
• Valachia Moravica

Oeconomia

Societas Škoda Auto maximarum societatum autocineticarum una in Europa media est. Anno 2007, 630 032 autocineta totum per orbem terrarum venta sunt, monumentum huic societati.

Cechia evolutam magni reditus oeconomiam cum PDG pro capite 82% Unionis Europaeae mediae possidet. Una inter constantissimas et secundissimas civitates postcommunisticas, Cechia incrementum circa 6% pro anno ultimis in tribus annis vidit. Recens incrementum exportationibus in Unionem Europaeam, praesertim a Germania et externa collocatione pecuniaria, ductum est, dum domesticum quaesitum resuscitat.

Maxima oeconomiae pars privatiata^? est, inclusis^? argentariis telecommunicationibusque. Praesens medio-dexteristica gubernatio in animo privatiationem^? extendere habet, inclusis^? energetica industria et Pragensi aeroportu. Nuperrime veno 7% actiarum^? in societate productoria energiae ČEZ cum veno bracinae^? Budějovický Budvar etiam indisputato^? assentitur.

Civitas omnino Foedus Schengenense perfecit et ergo, limitanea^? inspectionis tuguria abolevit, integre suos limites cum suis vicinis, Germania,Austria, Polonia, et Slovacia, die 21 Decembris anni 2007 aperiens. Cechia Syndicatus Mercaturae Mundanae socia facta est.

Ultima Cecha gubernatio, a sociali-democraticis ducta, desiderium adoptandi euronis anno 2010 expressit, sed praesens medio-dexterae gubernatio hoc propositum anno 2007 suspendit. Exacta dies non indicta est, sed Ministerium Fiscale adoptionem anno 2020 realisticam^? descripsit, si fiscalis reformulatio rata fit. Nihilominus, recentissima adumbratio de proposito adoptandi euronis ullam notitiam dare omittit. Quamquam civitas oeconomice melius posita est quam Unionis Europaeae civitates ad euronem adoptandum, mutatio non ante annum 2013 politicam ob involutatem de re exspectatur.

Kalendis Ianuariis anni 2009, Miroslaus Topolánek vetus Cechus Primus Minister Kalendis Novembribus anni 2009 Cecham gubernationem fixam diem adoptandi euronis praedicaturam esse enuntiavit, quia civitas "in praesenti omnia criteria ad adoptandum euronem implebat," sed eius consequens demissio hanc summam diem incertam reddidit. Attamen aliquot difficultates sunt. Corruptionis index maximorum unum inter alias evolutas Consociationis Cooperationis et Evolutionis Oeconomicarum civitates manet et dispensatio oeconomica cum lacunis aerarii manet, neglecto magno oeconomiae incremento recentibus in annis. Attamen, anni 2007 lacunae 1.58% PDG fuere et lacunae anno 2008 exspectatae 1.2% PDG erant secundum regulas computatorias Unionis Europaeae, multo melius quam originales proiectiones.

Programma Internationalis Studentium Assessionis (PISA), a Consociatione Cooperationis et Evolutionis Oeconomicarum, in praesenti Cechum educativum systema loco quindecim inter mundi optima collocat, maius Consociationis Cooperationis et Evolutionis Oeconomicarum mediā.

Infrastructura

Nova tramina commeantia, CityElefant vocata et a societate Škoda Works prope magnas urbes operatur.

Cechum autoviarum systema.

Aeroportus Internationalis Ruzynensis praecipuus aeroportus in civitate est. Anno 2007, 12.4 milliones viatorum tractavit qui eum unum navorum aeroportuum in Europa Centrali fecerunt. Summatim, Cechia quadraginta sex aeroportus cum bituminatis aditibus habet, quorum sex aereas diaconias inter gentes suppeditant.

České dráhy praecipuae societas ferriviaria in Cechia, cum 180 millionibus viatorum quotannis portatorum, est. Cuius oneraria pars, ČD Cargo, quinta maxima ferriviaria oneraria societas in Unione Europaea est.

Secundum Officium Statisticum Cechum, 65.4% electridis in vaporis, combinationis et combustionis (praecipue carbonariae) ergasteriis; 30% in ergasteriis nuclearibus; et 4.6% e fontibus qui renovari possunt, inclusa^? hydroelectride,^? producitur. Russia, via oleiductuum per Ucrainam et, minore ex parte, Norvegia, via oleiductuum per Germaniam, Cechiae liquidum naturaleque gasium praebent.

Cechia suam obnoxietatem^? a valde contaminante paucae qualitatis lignito velut energiae fonte reducit. Hodierna vis nuclearis circiter 30% totarum energeticarum necessitatum praestat, cuius participatio usque ad 40% augeri proponitur. Gasium naturale a Russica societate Gazprom, fere tres partes domesticae consumptionis, procuratur et a Novergicis societatibus, quae maximam relictae quartae partis partem constituunt. Russicum gasium via Ucrainae per oleiductum Amicitiae (Bohemice: Ropovod Družba) importatur, Novergicum gasium trans Germaniam transfertur. Gasii consumptio (circiter 100 TWh inter annos 2003 et 2005) fere bis maior electridis consumptione est. Moravia Meridionalis petrolei et gasii congestus habet.

Interrete

Cechia maximum Wi-Fi subnotatorum numerum in Unione Europaea habet. Ineunti anno 2008, circiter octingenti plerumque loci provisoria servitiorum interretialium asyrmatorum (Anglice; WISP) erant, cum circiter 350 000 subnotatorum anno 2007. Interrete per gestabile est populo gratum. Diaconiae in GPRS, EDGE, UMTS, aut CDMA2000 fundatae ab omnibus tribus telephoniae cellularis societatibus (T-Mobile, Vodafone, Telefónica O2) et U:fon offeruntur. Český Telecom, gubernationalis proprietas, eurytaeniae (Anglice: broadband) penetrationem retardavit. Ineunti anno 2004, disgregatio gyri localis}^? (Anglice: local-loop unbundling) exorditur et alternativae societates telecommunicativae ADSL et quoque SDSL offerre coeperunt. Haec et posterior societatis Český Telecom privatizatio pretia deminuere fecere.

Kalendis Iuliis anni 2006, societas Český Telecom a globalizata societate (Hispanicae proprietatis) Grupo Telefónica adquisita est quae novum nomen Telefónica O2 Czech Republic adoptavit. Ex Ianuario anni 2006, ADSL2+ multis in variantibus, omnibus cum datorum limite et cum aut sine velocitatibus usque ad decem megabit pro secundo offertur. Interrete caplare auram popularem cum suis maioribus deonerationis velocitatibus inter duo et centum megabit pro secundo adipiscitur. Maximum provisorium servitiorum interretialium, UPC, (quod nuper aliud provisorium interretiale et televisionis caplaris Karneval anno 2007 adquisivit), suas diaconias in Pragae, Brunae et Ostraviae urbibus praebet.

Periegesis

E Saeptorum Ferreorum collapsu anno 1989 Praga una visitatissimarum urbium in Europa facta est.

Cecha oeconomia substantialem^? reditum e periegese consequitur. Anno 2001, totus reditus e periegese 118.19 miliardorum coronarum Cecharum attigit, quod 5.5% producti domestici grossi et 9.3% totius reditus exportationum constituit. Industria amplius 110 000 hominum, magis quam 1% incolarum, detinet. Anno 2008, nihilominus, in periegetarum numero decrementum Pragae, possibiliter propter fortem coronam Cecham civitatem nimis caram salutatoribus facientem, collatam cum diaconiarum promptarum quantitate.

Civitatis fama ob itineraria et periegetas immoderata pretia aliquorum taxiraedariorum et sectorum zonariorum problemata referentia etiam affecta est. Ex anno 2005, Paulus Bém, Pragensis praefectus, ad ameliorandam hanc famam duro ictu infligendo contra parvum delictum laboravit, et, his problematibus exceptis, Praga relative^? est secura urbs; pleraeque areae securae deambulando etiam praecipiti iam die sunt. Etiam Cechia tota parvum scelerum indicem habet.

Aliquot periegeticae activitatis^? media sunt. Pragensis historica urbs praecipua periegetica attractio est, dum urbs etiam communissimum punctum aditus periegetis alias civitatis partes visitaturis est. Pleraeque aliae urbes in civitate significativum periegetarum numerum attrahunt, sed urbes thermarum, velut Thermae Carolinae, Thermae Mariae, et Thermae Francisci (Bohemice: Karlovy Vary, Mariánské Lázně et Františkovy Lázně, respective^?), loci destinati populares praesertim diebus festis sunt. Alii populares periegetici loci plurima castella et burgi sunt, inter quae in Carlosteino, Crumloviae et in regio inter Lednice et Valtice (Bohemice: Karlštejn, Český Krumlov, et Lednicko-valtický areál, respective^?) sita. Procul urbibus, regiones velut Paradisus Bohemicus, Silva Bohemica, et Montes Gigantei (Bohemice: Český ráj, Šumava et Krkonoše, respective^?) salutatores subdiales activitates^? quaerentes attrahunt.

Civitas quoque celebris est propter suam caritatem neuropasticae et neuropastorum cum numerosis neuropasticis festivalibus per civitatem. Pilonici modi cervesia occidentali Bohemica urbe Pilsnae orta est et longius in Bohemia meridionali urbs Budovicium huic cervesiae nomen imposuit, denique notae velut Theodisce Budweiser Bier Bürgerbräu, scilicet Budweiser.

Cultura

Gastronomia

Suilla assa cum globulis et brassica condita (Bohemice: Vepřo-knedlo-zelo).

Budweiser Budvar Theodisce sive cervisia Budoviciensis Latine, Cecha cervesia, maximi ponderis pars in gentis cultura est.

Cecha gastronomia propter fortem emphasin in cibis carnis nobilitatur. Suilla communissima est; bubula et gallinacea quoque populares sunt. Anser, anas, cuniculus, et caro ferina apponuntur. Piscis rarus est, cum aliquando exceptione recentium tructae et cyprini, qui Christi Natali ministrantur.

Praeter slivovitzum, quasi vinum ex prunis factum (Bohemice: slivovice), et Cecham cervesiam vinumque, Cechi quoque duos unicos Cechos spiritus producunt: Fernet Stock et Becherovka. Kofola non alcoholica gentilis colae levis potio cum Coca-Cola et Pepsi de plebis favore contendens est.

Artes athleticae

Ludus athleticus in multorum Cechorum vita munus gerit, qui plerumque fidi dilectorum turmarum aut hominum singulorum asseculae sunt. Duo praecipui disportus in Republicá Cechá pediludium et alsulegia glacialis sunt, ambo tam mediorum quam assecularum attentionem ad se convertentes. Teniludium quoque est magnus ludus in Cechiá. Inter multos alios ludo cum ligis structurisque professionalibus sunt canistriludium, follis volaticus, manufollium, ludus gymnicus campestris, et unialsulegia.

Ludus athleticus est fons magnarum patriotismi undarum, ex more aliquot diebus aut hebdomadibus ante eventum ascendentis et aliquot diebus postea cadens. Eventus a Cechis fautoribus maximi ponderis putatus sunt: Campionatus Mundanus Alsulegiae Glacialis, Certamen Olympicum Alsulegiae Glacialis, Campionatus Europaeus Pediludii UEFA, Cantharus Mundanus FIFA et qualificationis certamina talibus eventibus. In genere, quodvis gentium certamen turmae gentilis Cechae alsulegiae glacialis sive pediludii attentionem ad convertit, imprimis certando contra traditionalem aemulam: Germaniam et Nederlandiam in pediludio; Russiam, Sveciam, et Canadam in alsulegia glaciali; et Slovaciam in ambobus.

Scientiae

Diagramma leges Mendelianas illustrans.

Cechia locupletem scientificam traditionem habet. Ex hodiernarum lentium adhaesivarum inventione et generum sanguineorum separatione in displosivae plasticae Semtex productionem, mundus egregibus Bohemis et Moravis scientificis suae scientificae notionis plurimum debet, inter quos:

• Iohannes Amos Comenius (1592–1670), educator et gentilis heros, saepenumero modernae educationis conditor propter suum opus in pedagogia putatus,
• Venceslaus Procopius Divis (1698–1765), apagogi fulminis inventor; libere a Beniamino Franklinio,
• Bernardus Bolzano (1781–1848), inclitus mathematicus, logicus, philosophus et pacifista,
• Iosephus Ressel (1793–1857), helicae inventor,
• Gregorius Mendel (1822–1884), saepe "pater geneticae" vocatus, praeclarus est propter suam investigationem de geneticarum proprietatum hereditate,
• Fridericus Hrozný (1879–1952), linguam Hetthaeam interpretatus est,
• Iaroslaus Heyrovský (1890–1967), primus Cechus Praemio Nobeliano laureatus, praemium anno 1959 propter antecessoriam investigationem de polarographia et chemia analytica accepit,
• Otto Wichterle (1913–1998) et Drahoslaus Lím (1925–2003), Cechi chemici responsales inveniendarum modernarum lentium adhaesivarum.

Aliorum scientistarum quoque aliquatenus cum Bohemia et Moravia conexi sunt, inter quos astronomi Iohannes Keplerus et Tycho Brahe, psychiatricae scholae psychanalyticae conditor Sigismundus Freud, physici Ernestus Mach, Albertus Einstein et logicus Curtius Gödel.

Musica

Burgi Okoř parietinae per Ocorensia Festivalia anno 2004.

Musica in Cechia radices tam in cultissimá operá symphoniáque quam in Bohemiae et Moraviae musicá traditionali^? habet. Pollinatio reciproca et diversitas ponderis aspectus Cechae musicae sunt. Compositores saepe musica antiqua adfecti sunt; musica jazz et poae (Anglice: bluegrass) populares factae sunt; musica popularis partim in Anglice cantilenis vulgaribus Bohemice cantis (praesertim inter annos 1960 et 1989) consistit. Inter inclitos Cechos compositores sunt Leo Janáček, Antoninus Dvořák, Bohuslaus Martinů, Fridericus Smetana. Clari classici compositores velut Ludovicus van Beethoven et Wolfgangus Amadeus Mozart arte conexi Bohemiae per Imperii Habsburgensis aevum sunt.

Litterae

Litterae Cechae litterae a Cechis aut aliis Cechae civitatis incolis scriptae sunt, praesertim Bohemice quamquam Cechi praecipue olim quoque aliis linguis velut Slavonica antiqua, Latina aut Theodisca utebantur. Hodierni auctores e Bohemo–Moravico territorio qui aliis linguis (v.g. Theodisce) scribere quomodocumque interdum seorsum habentur, hoc modo Franciscus Kafka, verbi gratia, qui Theodisce scripsit (etsi Bohemice fluens erat), Austriacarum Germanicarumve litterarum pars saepe habetur.

Litterae Cechae in aliquot praecipua temporalia^? perihoda^? divisa est quae sunt: Medium Aevum; aetas Hussitica; novae Catholicizationis^? et baroci anni; Illuminatio et resuscitatio Cecha saeculo undevicensimo; aetatates interbellicae prima acies; communismi et Veris Pragensis anni; et postcommunisticae Cechiae litterae. Cechae litterae culturaeque praecipuo munere saltem duabus in occasionibus funguntur, ubi Cecha societas sub oppressione vivebat et nulla politica activitas possibilis erat. Ambabus in occasionibus, ineunti saeculo undevicensimo et postea denuo decennio 197, Cechi suo culturali litterarioque conatu usi sunt ut politica libertas crearetur, statuenda confidenti et politice conscia gente.

Theatrum

Reipublicae Cechae theatrum locupletem traditionem cum radicibus in Medio Aevo habet. Saeculo undevicensimo, theatrum praecipuo munere in gentili resuscitatorio motu fungitur et postea, saeculo vicensimo, hodiernae Europaeae thearalis^? artis pars factum est.

Classificationes civitatis

• Index Pacis Globalis anno 2009 Cechiam in numero 11º inter 144 civitates conlocat.
• Index Evolutionis Humanae anno 2007 eam in 32º inter 178 civitates.
• Index Libertatis Oeconomicae anno 2007 eam in 31º inter 157 civitates.
• Relatorum Sine Finibus orbis terrarum libertatis preli index anno 2007 eam in 14º inter 169 civitates conlocat.
• Relatio Competitivitatis Globalis anno 2006 eam in 29º inter 125 civitates conlocat.
• Index Democratiae (Ianuario anni 2007) eam in 18º inter 167 civitates conlocat (in maxima classe "fungentis democratiae" iuxta cum solum aliis 27 civitatibus).
• Etiam velut prima alcoholis comsumptoria civitas hebdomadalibus commentariis The Economist anno 2006 classificata est.

Vide etiam

Porta Unionis Europaeae

• Carolus IV
• Lingua Bohemica
• Sudetia

Nexus externi

• http://www.czech.cz/
• Lexicum nominum geographicorum latinorum—Cechia

Civitates et territoria Europae

Porta geopolitica • Nationes mundi • Europa

Capsae cognatae: Africa • America • Asia • Oceania

Civitates sociae Unionis Europaeae

Austria • Belgica • Bulgaria • Cechia • Croatia • Cyprus • Dania • Estonia • Finnia • Francia • Germania • Graecia • Hibernia • Hispania • Hungaria • Italia • Lettonia • Lituania • Luxemburgum • Melita • Nederlandia • Polonia • Portugallia • Romania • Slovacia • Slovenia • Suecia Opus geopoliticum • Porta Unionis Europaeae • Duces civitatum Europaearum hodiernarum Capsae cognatae: Duces civitatum • Primi ministri