Quantum redactiones paginae "Melopsittacus undulatus" differant

E Vicipaedia
Content deleted Content added
Linea 62: Linea 62:
* [http://www.budgerigar.co.uk/ www.budgerigar.co.uk – Situs interretialis de alendis ''M. undulatis''].
* [http://www.budgerigar.co.uk/ www.budgerigar.co.uk – Situs interretialis de alendis ''M. undulatis''].
* [http://www.pappasimpa.it/cose-da-sapere/95-i-colori-dei-cocoriti.html Colores ''M. undulatorum'']. {{Ling|Italiane}}
* [http://www.pappasimpa.it/cose-da-sapere/95-i-colori-dei-cocoriti.html Colores ''M. undulatorum'']. {{Ling|Italiane}}
* [https://www.youtube.com/watch?v=cUpGRQK7o78 Vide gregem ''M. undulatorum'' bibentium atque e [[falco<nowiki>]]</nowiki>ne effugientium.]
* [https://www.youtube.com/watch?v=cUpGRQK7o78 Vide gregem ''M. undulatorum'' bibentium atque e falcone effugientium.] apud [www.youtube.com YouTube].


== Notae ==
== Notae ==

Emendatio ex 21:47, 23 Novembris 2012

Melopsittacus undulatus

Classis : Aves 
Ordo : Psittaciformes 
Familia : Psittacidae 
Subfamilia : Psittacinae 
Tribus : Platycercini 
Genus : Melopsittacus 
Species : M. undulatus 
Melopsittacus undulatus 
Shaw, 1805  
Conservationis status
Territorium
Habitationes Melopsittaci undulati.

Melopsittacus undulatus est psittaculus Australiā oriundus atque ample in captivitate retentus; sola est species generis Melopsittacus.

Verbum Melopsittacus originem a linguā Graecā trahit: nam componitur ex verbis μελῳδός melōdós, "melodus",[2] atque ψίττακος, "psittacus", ad quae verbum Latinum "undulatus" accedit propter plumarum lineamenta.

Proprietates

Cera caerulea marem indicat.
Cera aquila feminam indicat.

Psittacus corpore parvo est, plerumque 15–20 cm longus, cuique pondus 30–40 g est. Tergum et venter virides sunt; alae induuntur plumis nigris, quae flavis delineantur undulis; cauda longa et caerulea vel glaucoviridis est. Caput solidum, flavum itemque nigris cinereisve delineatum undulis; oculi sunt nigri, irides gilvae vel albidulae; rostrum aduncum sed minime prominens, in primā cuius parte est cera, in quā sunt nares. Cera caerulea maribus est, fusca autem vel rosea feminis iuvencisque.

Tamen colores M. undulatorum domesticorum varii et plurimi sunt. Nam videmus M. undulatos caeruleos, caesios, albinos, gilvos et alios.

Quaedam est varietas, quae Anglica dicitur,[3] artificiose ab avicultoribus selecta. Huius varietatis psittaculi sunt ampliores quam silvatici (20–24 cm), fronte prominentiore eminentique pectore.

Aetas eorum 8–12 annos circiter attingit; longaevissimus obiit 21 annos natus. [4]

Habitatio

M. undulati habitationes per silvas et prata et tesqua Australiae patent, dummodo sint aquae; sin autem, usque ad litora movere possunt.

Praeterea amplissime in captivitate retinentur.

Amplus grex M. undulatorum.

Habitus

Congregant in greges et exiguos et amplos pro fortunis.

Cavis arboreis plerumque utuntur nidis. Deponunt circa 2–10 ova, quae 17–22 dies incubantur; a parentibus pulli secreto pascuntur oleoso quod a glandulis aptis gignitur. Desinunt auxilio egere parentum circiter 45 dies nati.

Alacriter pipiant canuntque, nec non memoriā tenere possunt verba atque modulationes—unde nomen.

Fontes

Nexus externi

Vicimedia Communia plura habent quae ad Melopsittacum undulatum spectant.

Notae

  1. IUCN Index Ruber ─ Melopsittacus undulatus (mense Novembris 2012)
  2. G. Campanini, G. Carboni; Nomen – il nuovissimo Campanini Carboni. Latino–Italiano, Italiano–Latino. ISBN 8839551506
  3. Vide fontem, De varietate Anglica.
  4. http://genomics.senescence.info/species/entry.php?species=Melopsittacus_undulatus