Orchoë

Orchoe (-es, f.) (Sumerice: Un-ug; Accadice: Uruk; Hebraice: Erech; Graece: Όρχόη; Arabice: Warqa) fuit antiqua urbs et urbs-civitas Sumeria in Mesopotamia ad ripas Euphratis locata, quae floruit in Aenea Aetate Mesopotamica. In tempore maximae opulentiae, Orchoe erant inter 60 000 et80 000 incolarum intra moenia, ita erat maxima urbs in orbe.

Orchoe orta est in periodu Eridu. Primus ex viculis erat ille nominatus "Kullaba", ubi aderant templa; tandem vocatus est "vicus Ani". Secundus viculus erat "vicus Nanaeae" et ibi aderant aedificia publica et fabricae. Vicus Ani erat munitus, sed vicus Nanaeae extra moenia fuit. Dicitur etiam Gilgamum regem Orchoensem esse.

Chronologiae Orchoes

Facies archaeologicae

• Orchoe XVIII (c 5000 a.C.n.); conditio Orchoes
• Orchoe XVIII-XVI (4800–4200 a.C.n.); cultura materialis propria Ubeidensis 2-3
• Orchoe XVI-X (4000–3800 a.C.n.); Periodus Orchoensis prisca
• Orchoe IX-VI (3800–3400 a.C.n.); Periodus Orchoensis media
• Orchoe V-IV (3400–3100 a.C.n.); Periodus Orchoensis posterior. Prima aedificia monumentalia erecta.
• Orchoe III (3100–2900 a.C.n.); Periodus Iemdet Nasr. Moenia aedificata.
• Orchoe II et I: Periodus praedynastica et dynastica

Dynastiae regiae (chronologia media)

Tam in periodu Orchoense quam in aetate praedynastica, Orchoe fuit una inter maximas civitates Sumerias, et fuerunt dynastiae Orchoenses variae in aetate Aenea:

• I dynastia Orchoes (2900–2800 a.C.n.)
• II dynastia Orchoes (2800–2600 a.C.n.): Orchoe recta est ab Ur.
• III dynastia Orchoes (2600-2334 a.C.n.): Lugalzagesi regnante (2360-2335 a.C.n.), Orchoe fuit caput Sumeriae.
• IV dynastia Orchoes (2334-2119 a.C.n.): Dynastia regulorum sub potestate Accadiorum
• V dynastia Orchoes (2119–2112 a.C.n.): Orchoenses rebellaverunt contra Gutios sed tandem ab Ur victi sunt.

Vide etiam

• Accad
• Lagash
• Ur