Vladimirus Putin

Formula:Data hominisVladimirus Vladimiri filius Putin (Russice: Владимир Владимирович Путин, tr. Vladimir Vladimirovič Putin; natus 7 Octobris 1952 Leninopoli) est rerum politicarum peritus Russicus, praeses Foederationis Russicae annis 2000–2008 et ab anno 2012. Annis 1999–2000 et 2008–2012 erat minister primus Russiae.

Biographia

Vladimirus Putin annis 1970–1975 in facultate iuridica Universitatis Publicae Leninopolitanae studebat. Illo tempore, factus fuit sodalis Factionis Communisticae Unionis Sovieticae, cuius sodalis ad prohibitionem illius (anno 1991) mansit.

Annis 1975–1990, Putin in Commissione Securitatis Publicae (Комитет государственной безопасности, КГБ; tr. Komitet Gosudarstvennoj Bezopasnosti, KGB) Unionis Sovieticae laborabat. Deinde quosdam locos tenuit, e.g., in administrationibus Petropolitana et Foederationis Russicae. A die 25 Iulii 1998 director Officii Securitatis Foederalis (Федеральная служба безопасности, ФСБ, tr. Federal'naja služba bezopasnosti, FSB), et a die 29 Martii 1999 etiam secretarius Consilii Securitatis Foederationis Russicae erat, quae officia ad diem 9 Augusti anni 1999 tenuit, postquam praeses Consilii Ministrorum (i.e. minister primus) Russiae factus est.

Die 26 Martii 2000, Putin electus et 14 Martii 2004 reelectus est praeses Russiae. Die 7 Maii 2008, secundum Constitutionem Russiae, tempus maximum imperii eius ut praesidis finitum est. Eadem die factus est praeses factionis Russiae Unitae (Russice: «Единая Россия», tr. Edinaja Rossija), in quo officio a diem 26 Maii anni 2012 mansit. Die sequente, minister primus Foederationis Russicae factus est. Die 4 Martii 2012 iterum praeses Russiae electus est, die 7 Maii eodem anno inauguratus.

Nexus externi

Vicimedia Communia plura habent quae ad Vladimirum Putin spectant (1, 2).

• Situs Vladimiri Putin ut candidati ad officium praesidis Russiae anno 2012
• Ephemeris: Caesar unius Russiae

Antecessor: Boris Ieltsin	Praeses Russiae 2000–2008	Successor: Demetrius Medvedev
Antecessor: Demetrius Medvedev	Praeses Russiae 2012–	Successor: -