Quantum redactiones paginae "Mayae" differant

E Vicipaedia
Content deleted Content added
No edit summary
No edit summary
Linea 2: Linea 2:


[[Fasciculus:Maya region w german names.png|right|thumb|Pristina regio Maiarum]]
[[Fasciculus:Maya region w german names.png|right|thumb|Pristina regio Maiarum]]
'''Maia'''<ref>{{Fontes desiderati}}</ref> non solum dicitur populus indigena [[America Centralis|Americae Mediae]] qui in praesentia paeninsulam incolit mexicanam cui nomen Yucatan, sed cuius cognatione iunguntur aliis populis in [[Mexicum|Mexico]], [[Beliza]], [[Guatimalia]] et [[Honduria]].
'''Maia'''<ref>{{Fontes desiderati}}</ref> non solum dicitur populus indigenus [[America Centralis|Americae Mediae]] paeninsulam mexicanam incolens cui nomen Yucatan, sed eadem cognatione iunguntur aliis populis in [[Mexicum|Mexico]], [[Beliza]], [[Guatimalia]] et [[Honduria]].


== Historia ==
== Historia ==

Emendatio ex 11:14, 5 Augusti 2012

Vide etiam paginam discretivam: Maia (discretiva)

Pristina regio Maiarum

Maia[1] non solum dicitur populus indigenus Americae Mediae paeninsulam mexicanam incolens cui nomen Yucatan, sed eadem cognatione iunguntur aliis populis in Mexico, Beliza, Guatimalia et Honduria.

Historia

Historia populi Maiae in tres partes dividitur: origines (anno 2000 a.Ch.n. ad annum 250 p.Ch.n), fastigium (anno 250 ad annum 950 p.Ch.n.) et decadentiam (anno 950 ad annum 1500).

Origines

Tertio millenio a.Ch.n. convenerunt gentes, ex quibus populus Maia oriundus est. Hae gentes per tribus cogebantur. Agros colebant; fictili studebant arti; molis utebantur, et, ut videtur, milium colebant. Inde ab anno 300 a.Ch.n., iam primas instituerunt scripturas; pyramides cum suspensuris exstruerunt; longioribus temporis compositionibus utebantur; stelas erigebant in rerum memoriam. Signa futuri fastigii temporis iam exhibebant.

Fastigium

Populus Maia peperit quandam scripturam hierographicam, quam peritissimi nostri temporis (inter quos David Stuart) tantum in parte potuerunt explicare. Annum trecentorum sexaginta quinque dierum composuerunt; summa cum peritia aedes, pyramides templaque funesta fabricaverunt. Verumtamen, licet astra diligentissime observarent, oppida optime ornarent, civium gradus religiose custodirent, non noverunt rotam, non usi sunt animantibus, quae vehicula traherent, non conflaverunt metalla. Intrumenta, quibus usi sunt, fuerunt lapidea tantum et lignea. Maiae non statuerunt domicilium imperii, sed quodque oppidum habuit suam administrationem; neque omnes eadem locuti sunt lingua. Haec forte est causa, cur scriptura eorum difficillima sit explicatu.

Decadentia

Circa annum 950, ob causas in praesentia omnino ignotas, cultus et humanitas populi Maiae subito corruit. Alius populus, qui dicitur Tolteca, quaedam vitae praecepta populi Maiae conatus est servare. Sex autem post saeculis, nautae Hispanici, constituendarum coloniarum causa, petierunt regionem Maiarum.

Praesens rerum status

Populus, qui dicit se esse Maiae progeniem, in praesentia agriculturae studet. Plerique eorum sequuntur religionem catholicam, sed antiquos observant ritus. Praeter Hispanicam, utuntur lingua indigena eiusdem generis atque Maiae et Huastecae.

Vide etiam

Notae

  1. Fons nominis Latini desideratur (addito fonte, hanc formulam remove)