Ecclesia Orthodoxa

Ecclesia orthodoxa Russica Genavae

Ecclesiae Orthodoxae (Graece: ορθός ,rectus‘ δόξα ,veneratio sive fides‘, Slavonice: pravoslavnaja cerkov) se ecclesiae Ritus Byzantini vocant et praesertim in Europa Orientali, et Asia Occidentali inveniuntur. Fidem accipiunt Christianam sicut a primis septimis Conciliis Oecumenicis praesentatur. Omnis Ecclesia Orthodoxa caput habet in patriarcha qui ecclesiam autocephalam (i.e. "sui capitis") gubernat, recentibus saeculis generaliter sui civitatis. Saepe communionem inter se habent. Patriarcha Oecumenicus Constantinopolitanus primatum honoris inter orthodoxos habet.

In theologia, paulatim tantum differunt a Ecclesia Catholica Romana, sed ministerium papalis punctum est divisionis. Separatae sunt ab ecclesia Catholica schismate, quod anno 1054 solidificabatur, papa Leone IX regnante, et a variis luctis praeteriis et theologicis, sicut illud de locutione filioque in Credo, et culturae, sicut discrimen inter linguas Graecam et Latinam.

Orthodoxi intellegunt se esse

• qui sint subsequentes primae communitatis Christianae, conditae ab Iesu Christo et duodecim Apostolis, infractum vinculum conservantes inter clericos et Apostolos per successionem Apostolicam.
• ecclesiam in qua quam firme serventur traditiones priscae ecclesiae.
• ecclesiam quae rectissime sequatur regulas primorum septem oecumenicorum conciliorum, conventorum inter saecula 4 et 8.

Crux ecclesiae orthodoxae

Index Ecclesiarum Orthodoxarum

• quattuor (ex quinque) patriarchatus antiqui
  • Patriarchatus Oecumenicus Constantinopolitanus (Sedes: Constantinopolis), cui, etsi ecclesia in Turcia hodie admodum parva est, toto orbe terrarum dioeceses et archidioeceses proprio patriarcha carentes subiectae sunt, necnon partes orientales Graeciae (circa Thessalonicam, insulae Graecae et 20 monasteria rei publicae monasticae Athi; liturgia Lingua Graeca antiqua celebrari solet; Patriarcha Oecumenicus Constantinopolitanus caput honorarium Ecclesiarum Ortodoxarum agnoscitur.
  • Patriarchatus Alexandrinus (Sedes: Cairus), Liturgia praecipue Lingua Graeca antiqua celebratur, sed etiam aliquibus linguis Africanis;
  • Patriarchatus Antiochenus (Sedes: Damascus, Liturgia usque ad saeculum vicesimum Aramaice, hodie autem plerumque Arabice celebratur;
  • Patriarchatus Hierosolymitanus, Liturgia: Lingua Graeca antiqua;
• Patriarchatus post vel extra Imperium Romanum Orientale:
  • Ecclesia Orthodoxa Apostolica Georgiana, Liturgia: Georgiane;
  • Ecclesia Orthodoxa Bulgarica, Liturgia: Lingua Slavica Ecclesiastica;
  • Ecclesia Orthodoxa Russica sive Patriarchatus Moscuensis et totius Russiae, Liturgia: Lingua Slavica Ecclesiastica;
  • Ecclesia Orthodoxa Serbica, Liturgia: plerumque Serbice, raro Lingua Slavica Ecclesiastica;
  • Ecclesia Orthodoxa Dacoromanica, Liturgia: Dacoromanice;
• Aliae ecclesiae autocephalae:
  • Ecclesia Orthodoxa Cypria, Liturgia: Lingua Graeca antiqua;
  • Autocephala Orthodoxa Archidioecesis Graeciae (cui maxima pars Graeciae continentalis subiecta est), Liturgia: Lingua Graeca antiqua;
  • Ecclesia Orthodoxa Polonica
  • Ecclesia Orthodoxa Autocephala Albaniae, Liturgia: Albanice;
  • Ecclesia Orthodoxa Autocephala Cechiae et Slovaciae
  • Ecclesia Orthodoxa in America, cuius Autocephalia ab Ecclesia Orthodoxa Russica praebita est, quae autem a ceteris ecclesiis autocephalis tantum ut autonoma agnoscitur. Liturgia: Anglice (vel lingua terrae adventiciae).
• Ecclesiae autonomae (aliae ecclesiae in capite eligendo partim subiectae)
  • Ecclesia Apostolica Orthodoxa Estoniae (Autonomia a Patriarchatu Moscuensi non agnoscitur)
  • Ecclesia Orthodoxa Finnica, Liturgia: Finnice;
  • Autonoma Archidioecesis Orthodoxa Iaponiae, Liturgia: Iaponice;
  • Ecclesia Orthodoxa Russica in exteris (ab anno 2007), Liturgia: Russice, Anglice, Theodisce;
  • Autonoma Archidioecesis Orthodoxa Montis Sinai (minus quam 1000 fidelium complectens, e Monasterio Sanctae Catharinae et quibusdam familiis Beduinis constans)

Ceterae Ecclesiae Ortohdoxae alicui ecclesiae autocephalae subiectae sunt.

Nexus externus

Vicimedia Communia plura habent quae ad Ecclesia Orthodoxa spectant.

Haec stipula ad religionem spectat. Amplifica, si potes!