Salvator Fisichella

Salvator Fisichella, cui cognomen est Rino (natus Cotonei, apud Laudem Novam, in Italia, die 25 Augusti 1951), est theologus archiepiscopusque Italicus.

Vita

Ordinatus est presbyter anno 1976 Romae, in Paroecia Sanctorum Protomartyrum Romanorum, et munere vicarii paroecialis in eadem paroecia functus est ab illo fere tempore usque ad annum 1979.

Multos per annos (ab anno scilicet 1983 usque ad annum 1998), postquam lauream doctoris, dissertatione de theologia Ioannis Ursini de Balthasar confecta, anno 1980 consecutus est, theologiam fundamentalem in Pontificia Universitate Gregoriana docuit.

Ab anno 2002 est etiam Pontificiae Universitatis Lateranensis rector et ab eodem tempore usque ad annum 2006 fuit praeses Pontificii Instituti "Ioannes Paulus II" Studiorum Matrimonii ac Familiae.

Salvator Fisichella fuit episcopus auxiliaris Romae ab anno 1998 usque ad annum 2008.

Die 18 Iunii 2008 a papa Benedicto XVI praeses Pontificiae Academiae pro Vita et archiepiscopus titularis Vicohabentiae factus est .

Anno 2005 Fisichella salutationem controversam diurnariae Italicae Orianae Fallaci ad papam Benedictum XVI paravit.

Cum die 29 Iunii 2010 papa Benedictus XVI Pontificium Consilium ad Novam Evangelizationem Fovendam creavisset, Salvator Fisichella huius praeses factus est.

Salvator Fisichella, Laude Nova, anno 2006.

Apostolica sententia eius

VIAM VERITATIS ELEGI

Opera

• Dictionary of Fundamental Theology, Abingdon Press 1999, ISBN 0-8245-1834-9, cum Renato Latourelle
• Dio è amore. Commento teologico-pastorale a Deus Caritas est., Lateran University Press 2007, ISBN 978-88-465-0551-4

Nexus externus

• De Salvatore Fisichella apud catholic-hierarchy.org