Quantum redactiones paginae "Alcohol" differant
m r2.6.4) (automaton addit: kk:Алкогольдер |
|||
| Linea 39: | Linea 39: | ||
== Notae == |
== Notae == |
||
{{Reflist}} |
|||
<div class="references-small"><references/></div> |
|||
[[Categoria:Alcohol|!]] |
[[Categoria:Alcohol|!]] |
||
Emendatio ex 10:47, 1 Augusti 2011
Alcohol vel alcool (-is, n.)[1] (a nomine Arabico الكحل al-kuḥl) est liquor sine colore, qui fermentatione in fructuum suco facta exsistit, quique, cum est potus, ebrietatem in hominibus et animalibus efficit. Destillatione proportio alcoholis in temeto augeri potest.
Apud chemicos "alcohol" plerumque "ethanol" appellatur, qui "alcoholis" nomine alias quoque substantias ethanoli cognatas significent, quarum formula chemica est: R-OH (vide etiam imaginem).
Etymologia
Nomen alcoholis deductum est ab Arabico الكحل al-kuḥl.[2] Hoc nomine Arabes pulverem nigrum subtilem appellabant, quo palpebras pingere solebant, quique e stibio sublimato conficiebatur. Inde apud Europaeos (ab saeculo tertio decimo) alcohol pulverem subtilem non tantum stibii, sed cuiusvis substantiae siccae notabat. Quam significationem postea Paracelsus (1493-1541) amplificavit ut partem subtilissimam purissimamque, i.e. essentiam, cuiusvis substantiae, vel siccae vel liquidae, notaret, quam sublimando vel destillando parari poterat. Sic ab eodem pro "essentia vini" seu "spiritu vini" saepissime "alcool vini" scribebatur. Quo usu a plerisque ceteris recepto postea illud "vini" magis magisque omittebatur, ita ut nunc "alcohol" solum per se "spiritum vini" significet. Postremo chemici usum nominis rursus amplificaverunt ut alias quoque substantias spiritui vini cognatas amplectatur.[3]
Variae alcoholis species
Vide etiam
- Aether (chemica)
- Alcoholismus
- Alcohol saccharinum
- Alcohol surrogatum
- Breathalyzer
- Historia alcoholis
- Index civitatum consumptione alcoholis digestarum
- Phenola
- Potio alcoholica
- Rubbing alcohol
- Syndroma alcoholis foetalis
Notae
- ↑ Stephanus Blancardus, Lexicon Medicum (1748), lemma 'alcohol'
- ↑ Nomen Arabicum hodiernum, الكحول al-kuḥūl, rursus e linguis Europaeis mutuatum est.
- ↑ De etymologia 'alcoholis' vide: Raja Tazi, Arabismen im Deutschen (1998), pp.116-118, et J.D. Latham, 'Arabic into Medieval Latin', Journal of Semitic Studies, 17 (1972), p.44.