Africa Australis

Formula:Data nationis Res Publica Africae Australis, sive Austroafrica, est australissima civitas Africana, finitima septemtrione Namibiae, Botsuanae, Zimbabuaeque, oriente Mozambico et Suaziae, oriente et australi Oceano Indico, et occidente Oceano Atlantico et totum Lesothum circumdans. Caput est Praetoria, quamquam sedes parlamenti in Urbe Promontorii et Tribunalis Supremi Anthopegae (Anglice et Africane: Bloemfontein; Sothice Mangaung) sunt.

Historia

Historia Africae Australis etiam est Chronologia Historiae Africae Australis. Primi Europaei nautae, Lusitani praecipue, ad Africam australem saeculo XV venerunt. Iacobus Cão Notiafrica litora anno 1485 et anno 1488 Bartholomaeus Dias attigit.

Tabula Africae Australis

Pictura adventum Ioannis van Riebeeck, primi Europaei in Africa Australi considentis, referens, cum Vertice Diaboli in scaena.

Civitatis historia, proprie dicta, saeculo XVII coepit cum Batavi continenter regionem Promontorii Bonae Spei cepissent. Anno 1909, foedus Britannicorum coloniariorum Promontorii (Anglice: Cape), Nativitatis (Africane: Natal), Transcinereae Africane: Transvaal), et Fluminis Aurantii (Anglice: Orange Free State) civitatem Africam Australem gignit.

Inter annos 1948 et 1993 1994que, politica socialisque structura fundatur in seiunctione (Africane: apartheid), legitimum discriminationis phyleticae systema, quod Caucasii allophyli dominium in politico, oeconomico, et sociali campis {?} mansit.

Anno 1983, assumitur nova constitutio politiam iurum circumscriptorum Asiaticis allophylis praestans, sed in nigrorum exclusione exercitationi politicorum civiliumque iurum perseverans. Maxima pars nigritica, igitur, ius suffragii et parlamentariam repraesentationem non habuit. Caucasiae dominans partes, per tempus seiunctionis, erant Partes Nationales, dum principalis nigra societas erat Africanus Nationalis Conventus (ANC), qui per paene quinquaginta annos illegitima putata est.

Postea, anno 1990, sub praesidis Frederici Gulielmi de Klerk dominatu, Notiafica^? Gubernatio systema Apartheid evertere incipit, liberando Nelsone Mandela, ANC duce, et accipiendo hanc societatem, ut alias contra apartheid, legalizare.^?

Secuti gradus in unionem nationalem anno 1991 dantur. Inter omnium communitatum repraesentantes apertio pactionum, cum proposito elaborandae democraticae Constitutionis, finem unius epochae in Africa Australi indicit.

Anno 1993, Gubernatio et Nigritica Oppositio mechanismos qui transitionem in politicum systema haud discriminatorium praestent decernunt. Consilium exsecutivum intermediarium, cum Nigritica maxima parte, ut prima polysynodica polyphyleticaque comitia superviset, et quoque organismus praepositus elaborandae Constitutioni quae finem systematis apartheid praestet creantur.

Mense Aprili anni 1994, polyphyletica comitia novo Parlamento fiunt. ANC comitia vincit et Nelso Mandela, facta unitatis nationalis gubernatione, primus Notiafricus praeses Nigrita convertitur. Anno 2004, ubi Thabus Mbeki quiquennium successor Nelsonis Mandela complevit, Praeses Rei Publicae Africae Australis omnem politici generis vim quae in natione possit delere promisit.

Politia

Media Praetoriae regio, administrativi capitis Africae Australis

Notiafrica gubernatio secundum systema parlamentarium movetur, quamquam Praeses Africae Australis simul dux civitatis et dux gubernationis sit. Praeses in coniuncto bicameralis parlamenti consessu eligitur, quod in Concilio Nationali (Anglice National Assembly) sive Camera Inferiore et Concilium Nationale Provinciarum (Anglice National Council of Provinces, NCoP) sive Camera Superiore consistit.

Concilium Nationale 400 sodales, per proprotionalem repraesentationem electos, habet. Concilium Nationale Provinciarum, quod anno 1997 senatum substituit, a 90 sodalibus unamquamque novem provinciarum Africae Australis, praeter magnas urbes, repraesentantibus componitur.

Quaeque provincia Africae Australis unicameralem Legislaturam Provincialem et Consilium Exsecutivum a primo ministro (Anglice premier) ductum habet.

Divisio administrativa

Novem provinciae Africae Australis: 1. Promontorium Occidentale; 2. Promontorium Septentrionale; 3. Promontorium Orientale; 4. Zuluvia-Nativitas; 5. Civitas Libera; 6. Boreoccidens; 7. Chrysotopia; 8. Mpumalanga; 9. Limpopum

Africa Australis in novem provincias de anno 1994 dividitur. Haec tabella indicat, unicuique novem provinciarum, codicem officialem ISO 3166-2:ZA, nomen Latinizatum, Anglicum et Africanum et caput.

Codex ISO	Latine	Anglice	Africane	Caput Latine (Anglice)
ZA-WC	Promontorium Occidentale	Western Cape	Wes-Kaap	Urbs Promontorii (Cape Town)
ZA-EC	Promontorium Orientale	Eastern Cape	Oos-Kaap	Bubalopolis (Bisho)
ZA-NC	Promontorium Septemtrionale	Northern Cape	Noord-Kaap	Kimberleypolis (Kimberley)
ZA-FS	Civitas Libera	Free State	Vrystaat	Anthopege (Bloemfontein)
ZA-GT	Chrysotopia	Gauteng	Gauteng	Ioannisburgum (Johannesburg)
ZA-NL	Zuluvia-Nativitas	Kwazulu-Natal	Kwazulu-Natal	Petromaritzburgum (Pietermaritzburg)
ZA-LP	Limpopum	Limpopo	Limpopo	Petriburgum (Polokwane)
ZA-MP	Mpumalanga	-	-	Nelspruitum (Nelspruit)
ZA-NW	Boreoccidens	North-West	Noord-Wes	Maficengum (Mafikeng)

Subdivisiones

Provinciae in municipia metropolitana et municipia districtalia dividuntur; quae ultima in municipia localia et zonas gestionis districtalis subdividuntur. Municipiorum determinatio in Constitutione inscribitur, ergo singula mutatio emendationem implicat quarum ultima accidit Aprile anni 2006.

Provincia	Municipia Metropolitana	Municipia Districtalia	Municipia Localia	Zonae Gestionis Districtalis
Promontorium Occidentale	1	5	24	5
Promontorium Orientale	1	6	38	2
Promontorium Septemtrionale	–	5	27	5
Civitas Libera	–	5	20	1
Chrysotopia	3	3	9	1
Zuluvia-Nativitas	1	10	50	4
Limpopum	–	5	25	1
Mpumalanga	–	3	17	1
Boreoccidens	–	4	21	–
Tota Africa Autralis	6	46	231	20

Regiones historicae

Ante annum 1994, Africa Australis in quattuor provincias et decem Bantustanias dividebatur. Inferior tabella e quibus territoriis praesentes provincias creatae sint indicat.

Provincia Latine	Provincia anterioris et bantustaniae (Anglice)	Area (km²)	Incolae (2001)
Promontorium Occidentale	Provincia Promontorii (Cape Province)	129 370	4 524 335
Promontorium Orientale	Provincia Promontorii (Cape Province), Transceia (Transkei), Cisceia (Ciskei)	169 580	6 436 761
Promontorium Septemtrionale	Provincia Promontorii (Cape Province)	361 830	822 726
Civitas Libera	Civitas Libera Auriantiae (Orange Free State), Quaqwa (QwaQwa)	129 480	2 706 776
Chrysotopia	Transcinerea (Transvaal)	17 010	8 837 172
Zuluvia-Nativitas	Nativitas (Natal), Zuluvia (KwaZulu)	92 100	9 426 018
Limpopum	Transcinerea (Transvaal), Venda (Venda), Lebova (Lebova), Gazanculuvia (Gazankulu)	123 900	5 273 637
Mpumalanga	Transcinerea (Transvaal), Ndebelia (KwaNdebele), Nguania (KaNgwane), Bophuthatsvana (Bothuthatswana), Lebova (Lebowa)	79 490	3 122 994
Boreoccidens	Transcinerea (Transvaal), Provincia Promontorii (Cape Province), Bophuthatsvana (Bophuthatswana)	116 320	3 669 349

Geographia

Satellitalis pictura Africae Australis

Leptodrios (Anglice et Africane: fynbos), phytochorion unum Africa Australi, prope Urbem Promontorii est

Res Publica Africae Australis in extrema continentis Africi Meridie locatur, cum litorali regione amplis 2500 km lata et duobus oceanis, (Atlantico et Indico attacta. Cum territorio 1 219 912 km² extenso civitas vicessima quinta maxima mundi est.

Africa Australis variatum prospectum habet. Occidentali parte immensa aequum praecipue desertis et partim pastionibus et tesquis compositum et flumine Auriantio (Anglice: Orange et Africane: Oranjerivier) et huius principali accessione, flumine Cinereo (Anglice et Africane Vaal) sectum panditur. Meridie iuga Caroi (Anglice et Africane; Karoo) et Oriente Draconori (Anglice et Africane; Drakensberg, Zuluvice; uKhahlamba), maxima continentia iuga Meridionalis Africae, eriguntur. Septemtrione, flumen Limpopum (Anglice: Limpopo ; Africane: Limpoporivier) fines inter Africam Australem et Botsuanam Zimbabuamque facit.

Clima inter parvam climatis Mediterranei zonam in Meridionali extremo in regione Promontorii et deserticum Boreoccidente mutat. In Draconoro cum climate montano areae sunt.

Maxima urbs Ioannisburgum (Anglice et Africano; Johannesburg). Urbs Promontorii (Anglice; Cape Town, Africane; Kaapstad), Durbanum (Anglice et Africane; Durban, Zuluvice; iTheku), Anthopege (Anglice et Africane; Bloemfontein, Sothice; Mangaung) et Praetoria (Anglice et Africane; Pretoria) aliae ponderis urbes sunt. Officialis administratio (gubernatio, tribunalia, praesidium et parlamentum) per Praetoriam, Urbem Promontorii, Ioannisburgum et Anthopegen dispersa est. In tabula inferiore nomina principalium urbium Notiafricarum latinizantur.

	Nomen urbis Latinizatum	Nomen Anglice	Nomen Africane	Nomen in alia Notiafrica lingua
1	Anthopege	Bloemfontein	Bloemfontein	Mangaung (Sothice)
2	Arteriopolis	De Aar	De Aar
3	Barrypolis	Barrydale	Barrydale
4	Bubalopolis	Bhisho	Bisho	Bhisho (Xhosice)
5	Durbanum	Durban	Durban	iTheku (Zuluvice)
6	Gallogoniopolis	Franschhoek	Franschhoek
7	Ioannisburgum	Johannesburg	Johannesburg	IGoli (Zuluvice)
8	Kimberleypolis	Kimberley	Kimberley
9	Londinium Orientale	East London	Oos-Londen	eMonti (Xhosice)
10	Maficengum	Mafikeng	Mafikeng	Mafikeng (Tsvanice)
11	Margaropolis	Paarl	Die Paarl
12	Musina	Musina	Musina
13	Nelspruitum	Nelspruit	Nelspruit
14	Petriburgum	Polokwane	Pietersburg	Polokwane (Sothice)
15	Petromaritzburgum	Pietermaritzburg	Pietermaritzburg	Umgungundlovu (lingua Zuluvice)
16	Portus Elizabeth	Port Elizabeth	Port Elizabeth	Ibhayi (Xhosice)
17	Praetoria	Pretoria	Pretoria	IPitoli (Zuluvice)
18	Saldanhapolis	Saldanha	Saldanha
19	Sinus Mitilorum	Mossel Bay	Mosselbaai
20	Sinus Ricardi	Richard’s Bay	RichardsBaai
21	Stelylepolis	Stellenbosch	Stellenbosch
22	Upingtonpolis	Upington	Upington
23	Urbs Dominae Smith	Ladysmith	Ladysmith
24	Urbs Promontorii	Cape Town	Kaapstad	iKapa (Xhosice)

Oeconomia

Victoria & Alfred Waterfront naulochon in Urbe Promontorii cum Monte Mensae (Anglice: Table Mountain, Africane: Tafelberg) in scaena. Urbs Promontorii ponderis capelon et periegeticum centrum nationi facta est, et maximum advenarum numerum in Africa Australi attrahit.

Africa Australis oeconomiam mercatus diaconiis, industria, metallis et agricultura fundatam habet.

Principales opes nationis praesertim res minerales sunt, ut carbo, cuprum, manganum, aurum, chromitum, uranium, ferrum et adamantes. Attamen metallica usurpatio extractione auri ducitur.

Agriculturali plano, culta terra 1/10 totius areae nationis repraesentat quae ita ponderis exportatoria alimentariorum productorum constituitur.

Principales commerciales sodales Africae Meridionali Civitates Foederatae Americae, Italia, Iaponia, Germania, Batavia, Brasilia et Britanniarum regnum sunt.

Africa Australis venationem Africanam per Africam tesquam locorum destinatorum principalium unum offert, sed alia invitamenta ut vivaria nationalia, periegesis negotiorum et aestivatio in litore (v.gr. in Urbe Promontorii, Durbani, Porti Elizabeth inter alia), sectoris periegetici locorum destinatorum oblationem perficiunt.

INDABA principale periegeticae emporotechniae eventum in continente Africo et unus trium periegetici mercatus in toto mundo est. South African Tourism possessor INDABA est et Kagiso Exhibitions and Events constituit. Anno 2007 INDABA vicesimam tertiam editionem de anno 1984 habuit (anno 1994 mercatus propter prima comitia post regimen apartheid interlitus est).

Demographia

Spissitudo incolarum anno 2001. Magnae Notiafricae areae valde paucos incolas habent.

Fasciculus:Afrikaner commandos.JPG

Boerici clandestini milites.

Numerus incolarum Africae Australis 43.647.658 est et spissitudo incolaria 36'05 incolarum/km².

Natalium index 18,87% et mortalitatis index 18,42% est. Exspectatio media vitae 46,56 annorum est. Valor Indicatorii Decursus Humani (IDH) 0,684 est et valor indicis Indicatorii Decursus accommodati ad Genus (IDG) 0,678 est. Anno 2025 numerus incolarum ad 35.109.000 minuendus esse aestimatur propter epidemiae SCDI propagationem.

Phylai et ethniae

Inter autochthones populos qui sunt in praesenti in Africa Australi Hottentotes et Boschimani sunt.

Fasciculus:Xhosa.jpg

Circulus Xhosarum

Nigritae maxima pars sunt et 79,5% omnium incolarum respondent. Nigritici incolae in quattuor magnos circulos ethnicos dividuntur et omnes Bantuvicis linguis e subcirculo Benuico-Congensi, familiae Nigro-Congensi, profectis loquuntur. Circulus Ngunicus varios populos Xhosicum, Zuluvicum, Svazicum et Ndebelicum comprehendit qui iuncti incolarum Nigritarum dimidium superant. Circulus Sotho-Tsvanicus magnum hominum Sothicos, Pedicos et Tsvanos numerum comprehendit. Tsongae et Vendae alios duos ponderis linguisticos circulos constituunt.

Caucasii 9,2% incolarum repraesentant divisorum inter Boeros, Africane locutos, plerosque e Batavis, Theodiscis Gallisque colonis oriundos qui ibi inter annos 1652 et 1795 consederunt. Alter circulus Anglophonus est, cuius plerique e Britannicis colonis oriundi sunt.

Colorati, Anglice Coloured, cuius origo miscegenationem inter Afros, Europaeos et Asiaticos comprehendit, 8,9% respondent. Asiatici, praecipue Indicae originis, 2,5% respondent.

Linguae

Tabula principales Notiafricas linguas per municipium ostendens. Minus inumbrata haud maioritariam pluralitatem indicant. Formula:Columns

Africa Australis undecim linguas solemnes habet: Sothicam Septemtrionalem sive Pedicam, Sothicam Meridionalem, Tsvanam, Swazicam, Vendam, Tsongam, Africanam, Anglicam, Ndebelicam, Xhosam et Zuluvicam. De hac re secundum post Indiam solum est. Quamquam technice quaevis lingua aequa quam quaevis alia est, aliquis linguis plus quam aliis utuntur. Secundum anni 2001 Census Nationalem, tres linguae quibus Notiafri plus utuntur Zuluvica (23,8%), Xhosa (17,6%) et Africana (13,3%) sunt.

Sunt, igitur, undecim officialia nomina Rei Publicae Africae Australis, unum in singulis sollemnibus nationalibus linguis:

• Republiek van Suid-Afrika (Africane)
• Republic of South Africa (Anglice)
• IRiphabliki yeSewula Afrika (Ndebelice)
• IRiphabliki yaseMzantsi Afrika (Xhosice)
• IRiphabliki yaseNingizimu Afrika (Zuluvice)
• Rephaboliki ya Afrika-Borwa (Pedice)
• Rephaboliki ya Afrika Borwa (Sothice)
• Rephaboliki ya Aforika Borwa (Tsvanice)
• IRiphabhulikhi yeNingizimu Afrika (Svazice)
• Riphabuḽiki ya Afurika Tshipembe (Vendice)
• Riphabliki ra Afrika Dzonga (Tsongice)

Civitas octo linguas haud sollemnes quoque agnoscit quae sunt lingua Fanagalica, lingua Cxoica, lingua Lobeduvica, lingua Hottentotica, lingua Ndebelica Septemtrionalis, lingua Phuthica, lingua Boschimana et lingua Signorum Africae Australis. His haud sollemnibus linguis aliqui sollemnes usus in circumscriptis areis ubi harum linguarum praevalentia determinata est uti possunt. Nihilominus, illarum locutores non satis sunt ut per totam nationem agnitio requiratur.

Multae "haud sollemnium linguarum" Boschimani et Hottentotis populorum regionales dialectos se in Septemtrionem in Namibiam et Botsuanam et in alios locos extendentes continent. Hi populi, physice aliorum Afrorum dissimiles, suam peculiarem culturalem identitatem suis venatoriis collectoriis societatibus fundatam habent. Magna ex parte marginati sunt, et multae eorum linguarum in periculo exstinctionis sunt aut exstinguuntur.

Multi Caucasii Notiafri aliis Europaeis linguis etiam loquuntur, ut Lusice (Nigritae Angolani et Mozambicani etiam Lusice loquuntur), Theodisce et Graece, dum aliqui Asiatici et Indi linguis Asiae Meridionalis loquuntur, ut Teluguice, Hindice, Guiaratice et Tamulice.

Religio

Leanda

Secundum ultimum censum nationalem anni 2001, Christiani 79,7% incolarum repraesentant. Qui Christianos Sionisticos cum 11,1%, Pentecostales (Charismaticos) cum 8,2%, Catholicos cum 7,1%, Methodistas cum 6,8%, Ecclesia Restituta Germaniae Inferioris cum 6,7%, Anglicanos cum 3,8% et alios Christianos 36% comprehendunt. Religio Islamica 1,5% incolarum, Hinduismus circa 1,3% comprehendit. 15,1% religiosam affiliationem non habet, 2,3% alias habet et 1,4% haud specificatam habet.

Africanae Autochthones Ecclesiae maximae circulorum Christianorum erant. Horum hominum multi nullam affiliationem cum quavis ordinata religione affirmantes traditionalibus autochthonibus religionibus haerere crediti sunt. Aliqui homines Christianam traditionalibus autochthonibus religiosis praxibus coniungunt.

Religio Islamica probabiliter conolialem periodon antecedit, in singulis coniunctionibus cum Arabicis et Africae Orientalis mercatoribus consistens. Multi Notiafrici Muslimi Colorati (Anglice; Coloured), notabiliter in Promontorio Occidentali, inclusis iis quorum proavi servi ex Indonesio archipelago (Malaesiani Promontorii venerunt, describuntur. Alii Indi notabiliter in Zuluvia-Nativitate, inclusis iis quorum proavi mercatores ex Asia Meridionali venerunt, describuntur; Quibus alii ex aliis Africae partibus non minus quam Caucasii aut Nigritae Notiafrici conversi se iunxerunt. Religio Islamica rapidissime crescens religio conversionis in natione aestimatur, cum numero Muslimorum Nigritarum sexiens crescente, e 12.000 anno 1991 in 74.700 anno 2004.

Hinduismus originem praesertim a Britannica Coloniali periodo trahit, sed posteriores continuorum immigrantium ex India undae considerabili Hinduistarum incolarum numero contribuerunt. Plurimi Hinduistae praecipue ethnice Asiae Meridionalis sunt, sed sunt aliqui qui e mixta progenie oriuntur et multi conversi ob conamina Hinduistarum missionariorum velut ISKON sunt. Aliae religiones cum minore fidelium numero Sichismus, Iainismus et Bahaismus sunt.

Cultura

Carceris Aedificia in Insula Robbenia, custodiae loco variorum antiapartheidicorum luctatorum incluso Nelsone Mandela, qui 18 annos custoditus est. Insula Robbenia in praesenti Societatis Educativae, Scientificae, et Culturalis Consocietatis Nationum Patrimonium Mundanum est.

Ornatae domus, in Montibus Draconoricis

"Una" cultura in Africa Australi non esse ob ethnicam varietatem argui potest. Hodie, in cibis varietas e multis culturis ab omnibus gaudetur et periegetis imprimis commercializatur qui magnam Notafricae gastronomiae varietatem gustare desiderant. Praeter cibum, musica et saltatio prominentes adsunt.

Notiafrica gastronomia carne valde fundatur et distinctivum socialem conventum cognitum barbacoam (Anglice et Africane: braai) genuit. Africa Australis etiam praecipuus vini productorius cum aliquibus optimarum vinearum in vallibus circum Stelylepolin (Africane et Anglice: Stellenbosch), Gallogoniopolin (Anglice et Africane: Franschoek), Margaropolin (Anglice et Africane: Paarl) et Barrypolin (Anglice et Africane: Barrydale) iacentium progreditur.

Magna varietas in musica Africae Austrialis. Multi Nigritae musici Africane et Anglice per Apartheid canentes ex illo tempore in traditionalis Africis linguis canere coeperunt et unum modum nominatum Quaetum (Africane et Anglice: Kwaito) creaverunt. Notabilis Brenda Fassie est, quae in famam canticum Weekend Special, Anglice cantum, iecit.

Inter illustriores traditionales musicos excellit Ladysmith Black Mambazo, dum Quarterio Chordophonus Sovetensis (Anglice Soweto String Quartet) musicam classicam cum Africo sapore agit. Caucasii Nigritaeque Notiafrici cantores Europaeis musicalibus modis, inclusis talibus Occidentalibus metallicis manibus ut Seether (antique Saron Gas), historice affecti sunt. Africa Australis mundi notissimos iazzii musicos, notabiliter Hugum Masekela, Ionam Gwangwa, Abdullam Abraham, Mariam Makeba, Ionathan Butler, Christianum McGregor et Sathimam Bea Benjamin produxit. Africane musica multiplica genera, ut coaevum Stephanum Hofmeyr et Punkicam manum Fokofpolisiekar complectitur. Transitorii artifices ut Ioannes Clegg et suae manus Juluka et Savuka varios successos subterraneos, publicos et peregrinos gavisi sunt.

Nationis Nigritica maior pars adhuc substantialem ruralium incolarum valde ad paupertatem deiectam vitam agentium numerum habet. Inter quos, nihilominus, istae culturales traditiones fortissime servantur; cum Nigritae magis magisque urbanizantur et occidentalizantur, traditionalis culturae aspectus degeneraverunt. Urbani Nigritae plerumque Anglice aut Africane loquuntur praeter suam maternam linguam. Sunt parvi sed adhuc significativi globi in Khoisanicis linguis loquentium quae in undecim sollemnibus non includuntur sed una octo aliarum officialiter agnitarum linguarum est. In linguis in periculo loquentium parvi globi, pleraeque quarum Khoisanicae familiae sunt, quae ullum officialem statum non accipiunt; nihilominus, aliqui globi in Africa Australi earum usui et renovatae vitalitati favere conantur.

Medii civium ordinis victus, praecipue Caucasii allophyli sed cum crescente Nigritarum, Coloratorum et Indorum numero, aliquis modis par victui hominum in Occidentali Europa, America Septemtrionali et Australasia inventorum est. Medii ordini sodales pluries in exteris nationibus maiori expositioni mundanorum mercatuum student et laborant.

Asiatici, praesertim Indicarum originis, suum proprium culturale legatum, linguas et fides religiosas, seu Christianam seu Hinduicam seu Sunniticam Islamicam servant et Anglice loquuntur cum Indicis linguis maternis velut Hindica, Teluguica, Tamilica aut Guiaratica quibus minus crebro loquuntur sed quas plerique intellegunt. Primi Indi in clara nave Truro contracti operarii in Nativitate provincia in calami dulcis agris laboratum venerunt. Valde minor Sinica communitas in Africa Australi est, quamquam eius numerus auxit ob immigratinem e Formosa.

Africa Australis quoque magnum pondus in Puerorum Exploratorum motu habuit, cum multis Exploratoriis traditionibus et caerimoniis ortis e Roberti Baden-Powell, Puerorum Exploratorum conditoris, experientiis per suum tempus in Africa Australi officialis militaris decennio 190. Consociatio Puerorum Exploratorum Africae Australis iuvenilium sodalitatum iuvenibus et adultis omnium phylarum in Africa Australi reseratarum una fuit, quod accidit die 2 Iulii anni 1977 in consultatione Quo Vadis nominata.

Nexus externi

Vicimedia Communia plura habent quae ad Africam Australem spectant (1, 2).

• Pagina officialis
• Constitutio Rei Publicae Africae Australis (Anglice)

Haec stipula ad nationem spectat. Amplifica, si potes!

Civitates et territoria Africae

Opus geopoliticum • Nationes mundi • Africa

Capsae cognatae: America • Asia • Europa • Oceania

Civitates sociae Consortionis Populorum