Michael Gorbačëv

Michael Sergii filius Gorbačёv (Russice: Михаи́л Серге́евич Горбачёв, Michail Sergeevič Gorbačёv; natus 2 Martii 1931) est vir rerum politicarum peritus Sovieticus et Russicus. Primus et ultimus praeses Unionis Rerum Publicarum Sovieticarum Socialisticarum fuit (quod officium a die 15 Martii 1990 ad diem 25 Decembris 1991 administravit).

Gorbačёv (dextera parte) et Ronaldus Reagan colloquuntur

Factus est ultimus secretarius generalis Comitatus Centralis Factionis Communistae (quod officium ab anno 1985 ad annum 1991 administravit). Consilia eius "glasnost" et "perestroika" finem Bello Frigido posuisse putantur. Michael Gorbačёv Unionem Sovieticam mutandam esse in Iuris Rem Publicam putabat. Ob eam rem affirmabat omnes structuras Stalinistas delendas et diffundendam verbi libertatem esse voluntate Rei Publicae. Etiam amovere gradatim normas imperiosas in oeconomia coepit. Anno 1990 Gorbačёv Praemium Nobelianum Pacis accepit.

Die 19 Augusti 1991 factionis communistae pars novas res temptavit, quae erraverunt, relinquentes tamen imperium in Rerum Publicarum Sovieticarum Praesidium manibus, qui Unionem Sovieticam die decembris 1991 solverunt.

Uxor eius fuit Raisa, quae die 20 Septembris 1999 mortua est.

Nexus externi

Vicimedia Communia plura habent quae ad Michael Gorbačëv spectant.

• De Michaele Gorbačëv in pagina (nobelprize.org) Nobeliano Pacis Praemio dicata (Anglice)
• T. Pekkanen, Gorbatshov regimen Russiae accusavit (Nuntii Latini)

Ductores factionis communisticae Sovieticae