Insulae Ioniae (regio Graeciae)

Haec pagina de Regione Graeciae hodiernae explicat. Si alias res ad insulas Ionias spectantes quaeris, vide Insulae Ioniae (discretiva).

Situs insularum Ioniarum regionis

Insulae Ioniae (Graece: Ιόνια Νησιά) sunt una e tredecim regionibus (περιφέρεια) Graeciae, cui sunt 212 984 (status anni 2001) incolarum. Sedes administrativa est Corcyra urbs in homonyma insula.

Regio ex insulis Ioniis constat, quae ante occidentalem Graeciae litus in Ionio mari iacent, inter alia insulae Diapontiae, Strophades, Teleboides et Echinades.

Unitates regionales

Aegaeum Australe in tredecim "Unitates regionales" (Περιφερειακή Ενότητα) divisum est, quae certum numerum legatorum in consilium regionale demittunt, sed vi politica carent:

Sicut aliae Graeciae regiones insulae Ioniae anno 1864 in praefecturas sive nomos (vide: Index olim nomorum Graeciae) et provincias (Graece: εραπχία) divisae sunt. Anno 1866 provincia Cythera Laconiae addicta est. ab anno 1972 Cythera ad regionem Atticam pertinet.

Nomorum divisio saepius mutata est; anno 2010 regio ex nomis Corcyra, Leucas, Cephallenia et Zacynthus constabat.

Renovatione administrativa anni 2010 nomi aboleti et ab "Unitatibus regionalibus" ("περιφερειακή ενότητα") suppleti sunt, qui pro numero incolarum certum legatorum numerum in consilium regionale demittunt, sed vi politica carent. Territoria earum pristinis nomis Corcyrae, Leucadi et Zacyntho congruunt, olim nomus Cephallenia in duas unitates regionales (et demos) Cephalleniam et Ithacam divisa est.

Simul demorum numerus coagmentatione a 39 ad 7 minutus est.

Unitas Regionalis	Incolae	Sedes in consilio regionali	Demi
Ithaca	3 084	1	Ithaca
Cephallenia	36 404	7	Cephallenia
Corcyra	111 975	22	Corcyra (demus), Paxi
Leucas	22 506	4	Leucas (demus), Meganesium
Zacynthus	39 015	7	Zacynthus

Notae

Index regionum Graeciae hodiernae