Momentum virium

Momentum virium sive plenius momentum virium respectu axis (symbolum usitatum ${\vec {\tau }}$ de Anglico verbo torque derivatum) est velut vis angularis, quae corporis rotationem efficit, auget, vel diminuit, secundum aequationem:

${\vec {\tau }}=I{\vec {\alpha }}$

ubi

$I\,$ est corporis momentum inertiae, et

${\vec {\alpha }}$ est acceleratio angularis.

${\vec {\tau }}$ quidem ab vi ${\vec {F}}$ calculatur per formulam definientem:

${\vec {\tau }}={\vec {r}}\times {\vec {F}}\,$

ubi

${\vec {r}}\,$ est vector ab axi rotatorio ad punctum ubi vis in corpus agit, et

$\times$ est productum vectorale.

Cum rotatio solum circum axim fixum producitur, facilius est solum magnitudinem momenti tractare: tunc quidem saepe scribitur tantum:

$\tau =rF\sin \theta \,\!$

ubi

r est distantia ab axi,

F est magnitudo vis, et

θ est angulus inter ${\vec {r}}\,$ et ${\vec {F}}\,$.

Unitas momenti virium datur a producto distantiae per distantiam multiplicato: datum quod in Systemate Internationali unitatium est Newtonium-metrum, Nm.