Petropolis

Petropolis sive Petroburgum seu Petriburgum, vulgo ad annum 1914 et ab anno 1991 Sankt-Peterburg (Russice Санкт-Петербург), annis 1914–1924 Petrograd (Russice Петроград), et annis 1924–1991 Leningrad (Russice Ленинград), est urbs dignitatis foederalis Russiae, ad flumen Nevam prope mare Balticum sita, metropolis regionis Leninopolitanae (Ленинградская область), et districti foederalis Caurealis (Северо-западный федеральный округ). Ab anno 2008, Petropoli situm est Iudicium Constitutionale Foederationis Russicae (Конституционный суд Российской Федерации).

Petropolis 4600 milia incolarum habens (anno 2010) est secunda maxima urbs Russiae, post Moscuam.

Urbs illa est magnum vectorium sedes, navigium (porta et aeriportum habet), et industriale (urbi sunt officinae machinas producendi, etc.), etiam sedes scientiae culturaeque (multa instituta educationis; e.g., Universitas Publica Petropolitana, theatra, et musea Petropoli sunt). Multa monumenta architecturae habet.

Historia urbis

Monumentum Petri Magni

Petrus I Magnus Petropolim anno 1703 fundavit. Ab anno 1712 ad annum 1918, urbs erat Russiae caput.

Ab anno 1924 ad annum 1991, nomen urbis erat Leninopolis (Leningrad), in honorem Vladimiri Leninis. Tempore Belli Magni Patrii, Leninopolis 29 menses in obsidione erat; unde anno 1965, titulum Urbis-Herois recepit.

Incolae noti

Incolae noti urbis Petropolis numerosi sunt. Praeter Imperatores Russiae, inter multos homines notos, Petropoli habitantes et rerum politicarum, scientiae, culturae, etc., emeritos, fuere:

• Vladimirus Arsen'ev‎, explorator, geographus, ethnographus et scriptor
• Milius Balakirev, compositor
• Vitalis Bianchi, scriptor
• Nicetas Bogoslovskij, compositor
• Alexander Borodin, chemicus et compositor
• Iacobus Borovskij, philologus classicus
• Iosephus Brodskij, poeta
• Petrus Čajkovskij, compositor
• Theodorus Dostoevskij, scriptor
• Nicolaus Gogol, scriptor
• Nicolaus Karamzin, scriptor et historicus
• Michael Lomonosov, rerum naturae investigator, historicus, grammaticus et poeta
• Demetrius Medvedev, vir publicus, praeses Russiae ab anno 2008
• Demetrius Mendeleev, chemicus
• Vladimirus Nabokov, scriptor
• Gregorius Perel'man, mathematicus
• Cosmas Petrov-Vodkin, pictor
• Basilius Polenov, pictor
• Alexander Popov, physicus et electrotechnicus
• Alexander Puškin, poeta et scriptor
• Vladimirus Putin, vir publicus, primus Russiae minister ab anno 2008, praeses Russiae annis 2000–2008
• Ayn Rand, scriptrix et philosopha
• Demetrius Szostakowicz, compositor
• Alexander Suvorov, dux militaris
• Alexius Tolstoj, scriptor
• Iosephus Tronskij, philologus classicus

Nexus externus

Vicimedia Communia plura habent quae ad Petropolim spectant (1, 2).