Georgica

Pastor cum gregibus e libro manu scripto Georgicon (liber III) apud Bibliothecam Apostolicam Vaticanam

Georgica est poema didacticum de agricolarum vita scriptum a P. Vergilio Marone editumque anno 29 a.C.n. per quattuor libros ex quibus partem laboris agrestis quisque traheret, scilicet proposito argumento in poematis proemio, primus agros, alter arbores vitisque, tertius animalia, deinde habendarum apium cultum. Quod opus Vergilii inter primum Bucolica, interest et ultimum, epicum Aeneidos, cuius rationem quidem in tertii libri proemio poeta iniecerit, cum versus scriberet: mox tamen ardentis accingar dicere pugnas / Caesaris et nomen fama tot ferre per annos (3.46-47). Maecenati cuius sub patrocinio Vergilius tunc erat Georgica dedicatum est.