Programma editorium

OpenOffice.org Writer programma editorium

KWord

LyX

Programma editorium seu litterarum elaboratorium appellari potest programmatura specializata, qua amanuenses et alii scriptores possunt litteras computatro scribere, recensere, in paginis ordinare, imaginibus electronice elaborare, et saepe quoque per impressoria electronica in chartas imprimere. Versiones hodiernae plerumque etiam sinunt scriptores errata in grammatica seu litteratura invenire et corrigere.

Programmata editoria primitus in computatris personalibus annis 1970 in officii sedibus adhibita sunt ut machinarum scriptoriarum functiones imitentur. Per haec programmata amanuenses errata facillime corrigere poterant omnino antequam litteras in charta physica imprimerent. Qua de causa etiam computatra personalia programmatis editoriis instructa magnam populo gratiam annis 1980 mox ceperunt extra officii sedes.

Prima editoria ad documenta elaboranda explicitas notas configurationem typographicam indicantes Markup adhibebant, et usque hodie notas Markup usurpantur editoria generum LaTex et wiki. Editoria autem sicut Microsoft Word graphicas usoris interfacies praebent, quae a scriptoribus notas Markup omnino occultantes vistas generis quae vides habes (WYSIWYG) provident. Alia huius generis WYSIWYG editoria, quae nonnullo populo gratia hodie habentur, sunt AbiWord, KWord, LyX et OpenOffice.org Writer. Etiam editoria sicut Google Docs inveniuntur, quae genus novum interretiale definire putatur.

Haec stipula ad informaticam spectat. Amplifica, si potes!