Rodericus Didaci

Monumentum Roderico Campidocto dicatum in urbe Hispanica Burgos

Roderici scriptum

Rodericus Didaci filius, nomine ab ipso Ruderico scripto, Campidoctor vocatus (Hispanice: Rodrigo Díaz de Vivar, El Cid Campeador; natus Vivarii in Castella circa annum 1045, mortuus Valentiae die 10 Iulii 1099), Didaci Laini filius, fuit miles equesque Castellanus, nunc heros Hispaniae habitus.

Eques Sanctii II

Vir nobilis fuit, amicissimus Sanctii Regis II Castellae, strenuus eques Christianus, invictus bellator Castellanus. Mauri Musulmanes eum Sidi (id est 'dominus' in lingua Arabica Hispanica) appellabant; Christiani, El Campeador (hoc est 'campidoctor'). Sanctio rege contra fratres pugnante, apud Vulpeculariam regnum Legionense vicit ex Alphonso fratre Sanctii.

Cum esset bellator peritissimus, Sanctio mortuo prope Semore, spretus est ab Alphonso VI novo rege, bis in exsilium coactus.

In exsilium eiectus

Exsul factus est mercenarius, semper Castellae fidelis; numquam bellum in Alphonsum intulit. Ipse et Caesaraugustae rex adversus alios Mauros Christianosque bellabant. Saepe contra comitem Barcinonae proelio concertabat.

Urbe Valentia capta, se ducem et dominum creavit.

Heros Hispanus

Adhuc heros celebratur, praesertim in Hispania, et multae fabulae de eo narrantur. Sunt etiam complures pelliculae.

Historia eius Latine narratur apud duos fontes praecipuos: Historiam Roderici (sive Gesta Roderici Campidoctoris) atque Carmen Campidoctoris (strophis sapphicis scriptum). Eius Res gestae Hispanice scriptae sunt in Poema del mio Cid, magno opere litterarum Hispanicarum.

Nexus externi

Vicimedia Communia plura habent quae ad Rodericum Didaci spectant.

• Historia de validissimo equite Roderico Campidoctore
• Pagina ubi legere potes a Pere Abate manuscriptum quo carmen de Roderico Didaci filio servatur
• Scripta varia, (Cantar de mio Cid, Mocedades de Rodrigo, Crónica del famoso cavallero Cid Ruy Díez Campeador)