Petrus I (imperator Russiae)

Petrus I Magnus, Imperator Russiae

Petrus I Magnus (Russice: Пётр I Великий ; natus Moscuae die 9 Iunii 1672, mortuus Petropoli die 8 Februarii 1725) fuit tzaris Alexii filius, Tzar et Magnus Dux Totius Russiae ab anno 1682 (annis 1682–1696 cum fratre suo Ioanne V), primus imperator Imperii Russici ("Russorum Imperator"), et ab anno 1721, reformator.

Experientia terrarum Europae occidentalis a Petro I pro progressione industriae, mercaturae, culturae Russiae adhibebatur. Monarcha ille annis 1697–1698 in Borussia, Nederlandia et Anglia studebat.

Reformationes administrationis a Petro I perfectae sunt. Formata sunt nova instituta: Senatus, Collegia, etc.; Ecclesia Orthodoxa Ruthenica subordinata est regno; Russia divisa est in gubernia; Petropolis (anno 1703 condita) facta est caput regni illius.

Manufacturae, officinae, navaliae, porti, canales constructae in Russia sunt.

Ab initiativa Petri I conditae sunt scholae multae et Academia scientiarum, forma hodierna litterarum alphabeti Cyrillici annis 1708–1710 accepta est.

Imperatoris illius gratia reformatus est exercitus Russiae, classis militaris regni illius formata est.

Petrus I duxit copias Russicas in bellis contra Turciam (Militiae Asovienses, annis 1695–1696; Militia Prutensis, anno 1711), Sueciam (Bellum Boreale, annis 1700–1721) et Persiam (Militia Persica, annis 1722–1723).

Tempore regiminis Petri I Russia dignitatem imperii magni accepit.

Antecessor: Theodorus III

Tzar et Magnus Dux Totius Russiae

Successor: -

Antecessor: -

Imperator Russiae

Successor: Catharina I

Nexus externus

Vicimedia Communia plura habent quae ad Petrum I Magnum spectant (1, 2).