Caelestis Eichenseer

Pater Caelestis Eichenseer (vulgo: Joseph Anton Eichenseer; 1924–2008) fuit monachus Benedictinus, theologiae doctor, et strenuissimus Latinitatis propugnator.

Vita

Natus est in vico Schöllang prope Oberstorfium in Algoia die 1 Iulii 1924. Gymnasia "humanistica" Ottiliense, Dilinganum, Cambodunense ex ordine frequentavit, et annos 1942–1945 in exercitu Germano militavit. Anno 1946, monasterium ingressus, in studia philosophica, theologica, philologica incubuit in universitate Monacensi, ubi die 1 Iulii 1955 gradum Theologiae Doctoris accepit. Multos annos in Universitate Saraviana operabatur. Ab anno 1965, fasciculos periodicos Vocis Latinae, commentariorum de Latinitate nostrae aetatis, edidit, et multos libros Neolatinos scripsit. Obiit die 4 Februarii 2008.

Symbolum

Doctrix Sigrides Albert, Professor doctor Iohannes Paulus Bauer: In memoriam inclutissimam doctorisi patris caelestis Eichenseer. Vox Latina: Commentarii periodici favore et subsidio Studiorum Universitatis Saravicae comparati, tomus 44, 2008, fasc. 171.

Picturae et Pelliculae

• Ineunte Conventu ALF (cum Sigride Albert)
• Apud Conventum ALF (cum Fidele Raedle)
• Eichenseer et Terentius Tunberg sermonem conferunt

Nexus externus

• Vita (Theodisce)

De hac re nexus intervici usque adhuc absunt. Adde, si reppereris.