Iulii 2017 pagina mensualis Vicipaediae Latinae

Mars
Mars

Mars (-tis, m.) est planeta quartus a Sole in Systemate Solari, ex Marte, Romano belli deo, nominatus. Nomen Planeta Ruber saepe ei datur, propter fulvum planetae aspectum ex Terra visum, quod est ob magnam partem oxidi ferri humi eius.

Planeta terrestris, Mars tenuem atmosphaeram et montes igniferos, valles, solitudines, laminasque polares gelatas habet, necnon plura lineamenta superficialia et crateres asteroidum factos. Olympus Mons, altissimus mons Systematis Solaris, in Marte situm est, et Valles Marineris, systema vallium longissimum latissimumque. Dies Martius est diei Telluris similis, 24.622962 horas longus, sed annus, 686.96 dierum Telluris, est multo longior.

Usque ad primum Marineris 4 supervolatum anni 1965 scientifici aquam liquidam in planeta exsistere opinabantur