Solanum lasiocarpum

E Vicipaedia
Solanum lasiocarpum

Eudicotyledones 
Asteridae 
Ordo : Solanales 
Familia : Solanaceae 
Genus : Solanum 
Subgenus : Leptostemonum 
Species : Solanum lasiocarpum 
Dunal[1]
   

Solanum lasiocarpum (binomen a Michaele Felice Dunal anno 1813 statutum;[1] synonymo etiam recenter usitato Solanum ferox) est planta florens generis Solani subgenerisque Leptostemoni. Clado Lasiocarpa huius subgeneris attributa est. Frutex ad 2 m altus, spinosus, foliis simplicibus modice lobatis, fructibus globosis diametro inter 2.5 cm et 3.5 cm, seminibus cuiusque fructus fere 100. Per Indiam, paeninsulam Indosinensem, Malaesiam, Indonesiam sponte gignitur et propter fructus sucosis acidisque colitur.

Flos Solani lasiocarpi

Huic fructui, nomine vernaculo Terung asam ("melongena acerba"), in Sarawak appellatio geographica conceditur. Haec species in India meridiana florens iam anno 1679 sub nomine ana-chunda ab Henrico van Rheede descripta et delineata est. De fructibus sic scripsit:

Fructus, qui congregati seu falciati proveniunt, rotundi sunt, pilis densis, longis, surrectis ac nonnihil hirsutis, ex albicante flaviusculis undique circumdati ac subasperi, primum virides, postea flavi, calycibus suis arcte inferius excepti; in hisce inter pulpam succulentam quae primum viridis est, postea flavescens, numerosa semina continentur in quinque distinctas series inter parietes mambranaceos intermedios disposita.[2]

Notae[recensere | fontem recensere]

Bibliographia[recensere | fontem recensere]

Ana-schunda (Solanum lasiocarpum) ab Henrico van Rheede delineatum (van Rhede (1679) fig. 35)
Fontes antiquiores
De re botanica
De usu

Nexus externi[recensere | fontem recensere]

Situs scientifici: Tropicos • GRIN • ITIS • Plant List • NCBI • Biodiversity • Encyclopedia of Life • Plant Name Index • Flora of China
Vicimedia Communia plura habent quae ad Solanum lasiocarpum spectant.
Vide "Solanum lasiocarpum" apud Vicispecies.