Solanum aculeastrum

Fructus Solani aculeastri

Plantae — Angiospermae

Eudicotyledones
Asteridae
Ordo : Solanales
Familia : Solanaceae
Genus : Solanum
Subgenus : Leptostemonum
Species : Solanum aculeastrum
Dunal^[1]

Solanum aculeastrum (binomen a Michaele Felice Dunal anno 1852 statutum)^[1] est planta florens generis Solani subgenerisque Leptostemoni. Ad formam fruticis seu arbusti spinosi, inter 1 m. et 6 m. alti, crescit: fructus ellipsoides virides qui maturitate flavescunt, ad 5 cm longos, 4 cm latos, per omnem annum producit. Per saltus et ad silvarum margines in Africa austrina et orientali, re publica democratica Congensi sponte gignitur, necnon in Cammarunia septentrionali: ibi olim separatim species S. conraui Dammer anno 1912, varietas Conraui (Dammer) Bitter anno 1923 recognitae sunt.

Fructus plantarum aliquarum, sed forte non omnium, edules esse referuntur; in medicamenta praescribi solent. Propter habitum spinosum saepes agrorum nonnumquam constituunt.

Notae

1 2 Dunal (1852)

Bibliographia

Michael Felix Dunal, "Solanaceae" in A. de Candolle, Prodromus systematis naturalis regni vegetabilis vol. 13 fasc. 1 (Lutetiae: Masson, 1852) p. 366
S. Koduru, D. S. Grierson, A. J. Afolayan, "Antimicrobial activity of Solanum aculeastrum" in Pharmaceutical Biology vol. 44 (2006) pp. 283–286
Linet T Laban et al., "Experimental therapeutic studies of Solanum aculeastrum Dunal. on Leishmania major infection in BALB/c mice" in Iranian Journal of Basic Medical Sciences vol. 18 (2015) pp. 64-71
V. Steenkamp, A. C. Fernandes, C. E. J. Van Rensburg, "Screening of Venda medicinal plants for antifungal activity against Candida albicans" in South African Journal of Botany vol. 73 (2007) pp. 256–258
Maria S. Vorontsova, Sandra Knapp, A Revision of the "Spiny Solanums", Solanum subgenus Leptostemonum (Solanaceae) in Africa and Madagascar (Systematic Botany Monographs vol. 99. 2016) pp. 36-40 JSTOR
Maria S. Vorontsova, Stephen Stern, Lynn Bohs, Sandra Knapp, "African spiny Solanum (subgenus Leptostemonum, Solanaceae): a thorny phylogenetic tangle" in Botanical Journal of the Linnean Society vol. 173 (2013) pp. 176–193
A. W. Wanyonyi et al., "Molluscicidal and antimicrobial activity of Solanum aculeastrum" in Fitoterapia vol. 74 (2003) pp. 298–301