Sergius Alejnik

Res apud Vicidata repertae:

Nativitas: 28 Ianuarii 1965; Minscum
Patria: Ruthenia Alba

Sergius Theodori f. Alejnik, litteris Cyrillicis Сяргей Фёдаравіч Алейнік vel orthographia Russica Сергей Фёдорович Алейник (Minsci in urbe die 28 Ianuarii 1965 natus) est legatus et politicus Rutheniae Albae.

Alumnus est Instituti Linguistici Minscensis, ubi linguis Anglicae et Theodiscae studebat, et Academiae Diplomaticae Vindobonensis. Ab anno 1992 iuxta ministerium rerum externarum legationesque Rutheniae Albae operam dat. Consul ab 1995, consiliarius ab 1996 usque in 1999 Hagae Comitum ad regimen Nederlandense meruit. Die 5 Octobris 2002 Genavae missus est iuxta Nationes Unitas ordinesque internationales: ibi usque in 2009 degit et eodem tempore legatus est civitate Vaticana. Eo anno minister adiutorius a rebus externis, praesertim a nationibus Africanis, Asiaticis, Latinoamericanis, factus est. Londinii die 8 Ianuarii 2013 missus est, legatus regiminibus Britannico et Hibernico; sed die 20 Iulii 2020 Minscum revocatus est ut officium ministri vicarii a rebus externis susciperet sub novo primo ministro Romano Golovčenko. Die 13 Decembris 2022, ministro rerum externarum Vladimiro Makej nuper mortuo, Sergius Alejnik sucessor eius promotus est.

Nexus externi[recensere | fontem recensere]

"Лукашенко назначил министра иностранных дел и командующего ВВС и войсками ПВО" (13 Decembris 2022) apud Belta.by; eadem res Anglice
Vita (2013?) apud Diplomat Magazine
"Belarus Ambassador HE Sergei Aleinik Nominated for Economic Development" (2015) apud Grassroots Diplomat

Ministri rerum externarum Rutheniae Albae (1990–)


Petrus Kraučanka 1990 • Vladimirus Sjan'ko 1994 • Ioannes Antanovič 1997 • Ural Latypaŭ 1998 • Michaël Hvastoŭ 2000 • Sergius Martynaŭ 2003 • Vladimirus Makej 2012 • Sergius Alejnik 2022 Пётр Краўчанка • Уладзімір Сянько • Іван Антановіч • Урал Латыпаў • Міхаіл Хвастоў • Сяргей Мартынаў • Уладзімір Макей • Сяргей Алейнік Opus geopoliticum • Ministri a rebus externis civitatum Europaearum hodiernarum Capsae cognatae: Primi ministri Rutheniae Albae