Secretariatus brevium ad Principes et litterarum latinarum

Nulla Vicipaediae Latinae pagina huc annectitur.
Quaesumus in alias commentationes addas nexus ad hanc paginam relatos. Quo facto hanc formulam delere licet.

→ Interpretationes vernaculae

Secretariatus brevium ad Principes et litterarum latinarum fuit antiquum dicasterium Curiae romanae. Id componebant cum Secretariatus brevium ad Principes, tum Secretarius litterarum latinarum, cui utrique documenta pontificalia scribere munus erat. Res quas gerebant differunt, sed ambo voluntatem Papae implebant. Tandem a motu proprio Pontificali domus nuncupato Pauli VI anno 1968 deletum est.

Secretariatus brevium ad Principes[recensere | fontem recensere]

Secretariatus brevium ad Principes constabat e secretario et duobus adiutoribus. Secretario opus erat scribere brevia apostolicia ad imperatores, reges, principes, vel alios homines nobiles. Sui erat etiam officii parare orationes habitas in <u>consistoribus</u>, necnon litteras encyclicas et apostolicas litteras ad episcopos et fideles. Secretarius erat praelatus qui, consentientibus omnibus, latina lingua callebat, quia opus erat haec documenta pontificalia latine scribi.

Secretarius litterarum latinarum[recensere | fontem recensere]

Et Secretarius litterarum latinarum praelatus erat, necnon "camerierus secretus" papae (i. e. cubicularius), cui opus erat scribere quas litteras variis hominibus Papa mittebat. Ad hoc adiutore utebatur.

Inter homines quos hoc munus consecutum est notabilis est Vincentius Tarozzi. Litteratus Guido Gualtieri papae Sixti V^[1], studiosus Michael Ferrucci, pontificis Leonis XII,^[2] secretarius litterarum fuit. Et in aulis regiis hoc munus extabat: e.g., magni momenti fuit Ricardus Pacem Henrico VIII, qui ei varia munera dedit.