Samuel Kamau Wanjiru

E Vicipaedia
Jump to navigation Jump to search
Samuel Wanjiru marathonio in cursu Olympico Pechini currit.

Samuel Kamau Wanjiru (natus 10 Novembris 1986; mortuus 15 Maii 2011) fuit Keniensis longissimi spatii cursor.

Nyahururu in urbe Keniensi adulevit. Anno 2002 cursu selectivo? vicit ut Sendai Ikue High School scholam secundariam Iaponicam adiret. Aetate sua 18, se Toyota Kyushu Iaponicae turmae cursuali coniunxit. Eodem anno gradum praestitutum[1] cursus marathonii dimidii Roterodami superavit, tempore 59 minutarum 16 secundarum.[2]

Post duos annos marathonio in cursu Olympico Pechini, clipeum aureum Olympicum abstulit atque gradum praestitutum Olympicum superavit, tempore 2 horarum 6 minutarum 32 secundarum.[3]

Anno secundo palmam cursibus marathoniis Sicagi Londiniique rettulit, quibus novum gradum utrisque continentibus statuit.[4]

Die 30 Decembris 2010, a Triza Njeri uxore minandi sclopeto formae AK-47 accusatus est.[5] Post quattuor dies ea discidium petivit.[6] Die autem 23 Februarii ea actionem destitit.[7]

Obitus[recensere | fontem recensere]

Die 15 Maii 2011 Nyahururu domi obiit. Utrum homicidio an morte voluntaria an casu perierit adhuc obscurum est.[8] Njeri dixit se, domum reversa noctu, in lectu cum muliere virum suum vidisse. Quos visos, cubiculo compegit tunc domo aufugit. Paulo post exinde, ferunt, Wanjiru de maenianis saluit et occipite fracto mortuus est.

Multi autem a principio iudicaverunt custodes publicos, qui illico mortem voluntariam fuisse censuerunt,[9] inepte gessisse.[10] Exempli causa, camerae CCTV imagines ceperunt raedae formae Landcruiser quae Njeri domum secuta est.[11]

Die 1 Iunii, inspectione medica post mortem facta, Moses Njue Praefectus Pathologorum Civitatis ex palmarum genuumque vulneribus censuit ictum occipiti non casu factum esse.[12] Die 4 Iunii, Aemilia Rogena pathologa Universitatis Nairobensis[13] adsensa est.[14]

Hanna, mater athletae, caedem esse putans, corpus sepelire recusavit,[15] at die die 11 Iunii iussu iudicis corpus sepultum est.[16]

Mox Nairobiae Magistratu coram Summo investigatio nova fiet.[17]

Notae[recensere | fontem recensere]

  1. Morgan, Silva: .athl record (top performance) primatus, summa, palma; break the - supero gradum praestitutum; -breaking primus, superus (LEV.)
  2. Ken Nakamura, (03-16-2006) "From Kenya to the World via Japan," IAAF.
  3. Matthew Brown (08-24-2008) "Overcoming tumultous year, Wanjiru takes first Kenyan Olympic marathon victory," IAAF.
  4. Bob Ramsak (05-16-2011) "Samuel Wanjiru, Olympic Marathon champion, dies at 24,” IAAF.
  5. Jeré Longman (05-16-2011) “Mystery Remains in Death of Marathon Champion,” New York Times.
  6. Robert Juma (01/13/2011) “Samuel Wanjiru’s marriage on the rocks as wife files for divorce,” Kenya’s Citizen.
  7. Wanjohi Hakio (02/24/2011) “Case Against World Champion Runner Wanjiru Withdrawn,” Nairobi Star.
  8. (05/18/2011) “Probe on Wanjiru death begins,” The Telegraph (Calcutta).
  9. Tom Odula (05/16/2011), “Olympic marathon champ Wanjiru commits suicide,” Forbes.
  10. John Ngirachu (06/02/2011), “Police on the spot in Wanjiru death probe,” Daily Nation.
  11. (05/19/2011) “What the cameras recorded,” Daily Nation.
  12. John Ngirachu (06/01/2011), “Doctors puzzled by new facts in Wanjiru’s death,” Daily Nation.
  13. Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
  14. Mugumo Munene (06/04/2011), “Wanjiru did not die from balcony fall, says doctor,” Daily Nation.
  15. David Macharia (06/07/2011), “Wanjiru’s mother in new bid to stop burial,” Daily Nation.
  16. John Ngirachu (06/11/2011), “Samuel Wanjiru’s final journey,” Daily Nation.
  17. Wanjiru Macharia (6/10/2011), “Wanjiru burial set to go ahead Saturday,” Daily Nation.