Saltus Stanley
|
Haec commentatio vicificanda est ut rationibus qualitatis propositis obtemperet. Quapropter rogamus ut corrigas, praecipue introductionem, formam, nexusque extra et intra Vicipaediam. |
|
Nulla Vicipaediae Latinae pagina huc annectitur. Quaesumus in alias commentationes addas nexus ad hanc paginam relatos. Quo facto hanc formulam delere licet.
|
Saltus Stanley[1] (Anglice *Stanley Park*) est spatium publicum 405 hectariorum (1001 iugerum) in Columbia Britannica Canadensi situm; dimidiam partem septentrionalem et occidentalem paeninsulae urbis Vancuverii (ubi centrum urbis patet) occupat, aquis Sinus Burrard et Sinus Anglici circumdatum. Ad meridiem et orientem versus, saltus regiones *West End* et *Coal Harbour* attingit, atque ponte *Lions Gate* cum Ripa Septentrionali (*North Shore*) coniungitur. Pharus historica apud Promontorium Brockton extremam partem orientalem saltus indicat. Quamquam non est maximus saltus urbanus, Saltus Stanley quinta fere parte maior est quam Saltus Centralis (*Central Park*) Novi Eboraci (340 hectariorum seu 840 iugerum) et dimidiam fere magnitudinem Saltus Richmondiensis Londiniensis (960 hectariorum seu 2360 iugerum) aequat.
Saltus Stanley historiam longam habet. Terra initio per milia annorum a gentibus indigenis colebatur, antequam Columbia Britannica a Britannis — tempore concursus ad aurum petendum in faucibus fluminis Fraser anno 1858 — colonizata est; fuit etiam una ex primis urbis regionibus exploratis. Multis post colonizatioem annis, locus futuri saltus, opibus abundans, etiam sedes factus est incolarum non indigenarum. Postea, urbe Vancuverio anno 1886 rite constituta, terra in primum urbis saltum conversa est. Nomen accepit a Domino Stanley, Comite Derbiensi sexto decimo, viro publico Britannico qui nuper Gubernator Generalis Canadae creatus erat. Initio Paeninsula Carbonaria (*Coal Peninsula*) appellabatur et ad munitiones militares instruendas destinata erat, ut aditus ad portum Vancuveriensem defenderetur. Anno 1886, Concilium Urbis Vancuverii saltum conducere petivit atque impetravit pretio unius dollarii per annum. Mense Septembri anni 1888, Dominus Stanley saltum nomine suo insignitum aperuit.
Dissimilis aliis magnis saltibus urbanis, Saltus Stanley non ab architecto topiario creatus est, sed potius ex silva et spatio urbano per multos annos sensim evolutus. Pleraeque structurae manu factae in saltu visibiles inter annos 1911 et 1938 exstructae sunt, auctore et curatore W.S. Rawlings. Alia spectacula, velut vivarium ursorum polarium, aquarium, et ferrivia parva, post Bellum Mundanum Secundum addita sunt.
Magna pars saltus tam densa arboribus manet quam exeunte saeculo undevicesimo erat; ibi enim circiter quingenta milia arborum stant, quarum nonnullae ad septuaginta sex metra (pedes 249) altae sunt atque saecula complura vixerunt. Milia arborum perierunt (multaeque rursus consitae sunt) post tres tempestates vehementissimas intra saeculum praeteritum factas, quarum novissima anno MMVI accidit.

