Saga
Vide etiam paginam discretivam: Saga (discretiva).
Saga[1] (Latine saepius "historia", interdum et "vita") est genus litterarum Nordicarum oratione soluta compositarum. In Islandia saeculo tredecimo et decimo quarto conscriptae sunt; saepius res ab anno 930 ad 1030 gestas narrant, quod tempus "aetas sagarum" interdum nominatur.
Genera
[recensere | fontem recensere]Varia genera sagarum sunt:
- Fornaldarsögur, sagae de antiquitate, ut Vǫlsunga saga vel Thidhrekssaga;
- Kongesagaer, sagae regibus Norvegiae, ut Historia regum Norvegicorum vel saga Olai Turgonis filii;
- Íslendingasögur, sagae de Islandis, de rebus in Islandia gestis aetate sagarum, ut Historia Niali, Historia Laxdölensium, Historia de Gislio Seri filio, Kormaki Oegmundi filii vita etc., quod genus fortasse famosissimum est;
- Samtíðarsögur, sagae de rebus Islandiae recentioribus, ut Sturlunga saga;
- Biskupa sögur, sagae de episcopis Islandiae ab anno 1000 ad 1340;
- sagae conversae e lingua Latina vel alia, ut "saga de Troianis", "saga de Romanis".
Cetera
[recensere | fontem recensere]Interdum et litterae Hibernicae oratione soluta conscriptae de herois antiquis sagae nominantur, ut Raptus bovis Cualgniae vel Liber expugnationum Hiberniae.
Notae
[recensere | fontem recensere]Bibliographia
[recensere | fontem recensere]- Clover, Carol J. et al. Old Norse-Icelandic Literature: A critical guide , 2005
- Jakobsson, Ármann Icelandic sagas (The Oxford Dictionary of the Middle Ages 2nd Ed. Robert E. Bjork. 2010)
- McTurk, Rory (ed) A Companion to Old Norse-Icelandic Literature and Culture (Wiley-Blackwell, 2005)
- Ross, Margaret Clunies The Cambridge Introduction to the Old Norse-Icelandic Saga (Cambridge University Press, 2010)