Ryknild Street sive Icknield Street est nomen mediaevalis viae cuiusdam Romanae quae per mediam provinciam Britanniam ab Bourton-on-the-Water ad septentrionem versus usque ad Templeborough tendit. Iuxta Bourton-on-the-Water, ubi oppidum Romanum nomine Latino incognito constructum est, haec via in Fosse Way confluit quae inde ad Corinium et Aquas Sulis tendit. Ultra Templeborough vestigia viae nondum reperiuntur; fortasse olim per navigationem fluvii Don usque ad Danum pergitur ut viam quae a Londinio Eboracum tendit attingeretur. In itinerariis Romanis haec via omittitur.
Ryknild Street etiam hodie iuxta Sutton Park visibilis