Regio cervicalis anterior
Regio cervicalis anterior sive trigonum cervicale anterius sive trigonum colli anterius est colli regio. Structura eius triangulo inverso describitur, quo supra margo inferior mandibulae et linea inter angulum mandibulae et processum mastoideum basis trianguli format; at trianguli apex in incisura iugulari sterni invenitur. Regionis margo anterior est linea mediana ab incisura ad mentum, margo posterior autem ab incisura secundum marginem anteriorem musculi sternocleidomastidei usque ad processum mastoideum.
Vulnera in regionem anteriorem periculosa possunt, et examen medicum ad cursum structurarum profundarum respicere debet[1].
Anatomia[recensere | fontem recensere]
Non raro libri vetusti "trigonum" ad latus unum triangulare, "regio" autem ad amba latera, forma rhomboidea, refert. Insuper interdum distinctio inter triangulum cum margine eius posteriore musculi sternocleidomastoidei et regionem, cui ab aliis musculus trapezius, qui sternocleidomastoideo posterius iacet, additur, cognoscenda est. Hic, tamen, regio cervicalis anterior ad triangulum inversum cum basi sua, per marginem inferiorem mandibulae et lineam ad processum mastoideum constituta, et cum musculo sternocleidomastoideo marginem trianguli posteriorem formantem, refert. Inveniuntur intra regionem musculi: suprahyoidei (supra os hyoideum) et infrahyoidei (infra os hyoideum). Inter eos musculus digastricus (suprahyoideus) et musculus omohyoideus (infrahyoideus) duo bis trianguli formant:
- Trigonum submentale (suprahyoideum et mediale),
- Trigonum submandibulare (suprahyoideum et laterale),
- Trigonum musculare (infrahyoideum et mediale),
- Trigonum caroticum (infrahyoideum et laterale).
Embryologia[recensere | fontem recensere]
Regio cervicalis anterior de arcibus pharyngei et primo (pars anterior) et secundo (pars posterior) emanavit[2].
Pinacotheca[recensere | fontem recensere]
-
-
Musculi colli, aspectu anteriori -
Musculi suprahyoidei in regione suprahyoideae -
Musculi infrahyoidei in regione infrahyoideae -
Cetera trigona cervicalia: Triangula anteriora imagine sinistre, posteriora dextre, regio cervicalis anterior non indicantur.
Notae[recensere | fontem recensere]
- ↑ Walsh M. S. (Aug 1994). "The management of penetrating injuries of the anterior triangle of the neck". Injury 25 (6): 393-5doi:10.1016/0020-1383(94)90133-3
- ↑ Fabik J., Psutkova V., Machon O. (Iul 2021). "The Mandibular and Hyoid Arches-From Molecular Patterning to Shaping Bone and Cartilage". International journal of molecular science 22 (14): 7529doi:10.3390/ijms22147529
Nexus interni
Nexus externi[recensere | fontem recensere]
- wesnorman.com (Universitatis Georgetonensis): de collo anteriori (descriptione diligentiore (Anglice)
- wesnorman.com: de regionibus et sternomastoidea et posteriore colli (Anglice)