Redfoo

Redfoo

Res apud Vicidata repertae:

Redfoo: imago

Nativitas: 3 Septembris 1975; Angelopolis
Patria: Civitates Foederatae Americae
Nomen nativum: Stephen Kendal Gordy

Familia

Genitores: Berry Gordy;
Familia: Gordy family

Redfoo anno 2011.

Stephanus Kendal Gordy (Anglice: Stefan Kendal Gordy, natus Angelopoli in California die 3 Septembris 1975), usitate Redfoo dictus, est artifex prodiens, cantor, incitator (rapper), et modulator (DJ) Americanus.

Anno 2006 gregem musicum LMFAO una cum SkyBlu nepote condidit. Duo alba musica in lucem protulerunt antequam anno 2012 se separaverunt. Est filius minimus natu Berry Gordy, conditoris societatis discographicae Motown.

Biographia

Redfoo natus est die 3 Septembris 1975, filius Berry Gordy et Nancy Leiviska. Iuvenis ludo litterario cum will.i.am et GoonRock interfuit. Anno 1995 studia in ludo superiore Palisades (Palisades Charter High School) Angelopoli absolvit.

Etsi familia in rebus musicis pollebat, iuvenis teniludo (tennisi) studebat. Postea autem arti musicae se dedidit.

Curriculum vitae

Annis ab 2006 ad 2012, grex LMFAO carmina popularia sicut "Party Rock Anthem" et "Sexy and I Know It" in lucem edidit, quae ubique terrarum maxima gratia accepta sunt. Gregis sodales anno 2012 se separaverunt ut cursibus singulis (solo) studerent.

Curriculum solum agens, Redfoo carmina "Bring Out the Bottles", "Let's Get Ridiculous" (quod primum locum in carminibus Australianis attigit), et "New Thang" edidit. Anno 2013 iudex in programmate televisifico The X Factor in Australia egit.

Discographia

Alba musica

• Balance Beam (1997)
• Party Rock (2009) (in grege LMFAO)
• Sorry for Party Rocking (2011) (in grege LMFAO)
• Party Rock Mansion (2016)

Pelliculae selectae

Cinema

• Very Heavy Love (2001)
• Potheads: The Movie (2006)
• Last Vegas (2013)
• Alvin and the Chipmunks: The Road Chip (2015)
• Deported (2020)