Rana Ahmad

Rana Ahmad

Res apud Vicidata repertae:

Rana Ahmad: imago

Nativitas: 1985; Riadum
Patria: Syria

Rana Ahmad vel Rana Ahmad Hamd (Arabice رنا أحمد حمد Ranā Aḥmad Ḥamd), nata Riadi anno 1985 est activista atheistica Syriana quae ab anno 2015 in Colonia Agrippina habitat.

Rana Ahmad nata est in familia Syriana musulmana valde religiosa quae in Arabia Saudita vivebat. Viginti quinque annos nata in interrete philosophiam invenit et hominem qui ei commendavit libros in sermonem Arabicum versos Ricardi Dawkins, Friderici Nietzsche, Voltarii ac Caroli Darwinii. Dubia religiosa filiae suae reperta mater Ranae Ahmad eam coegit orare ac anno 2014 peregrinationem ad Meccam facere. Meccae, in Meschita Magna^(ar) scidam photographavit cum inscriptione "Atheist Republic" (i.e. Res Publica Atheistica) cum in recesso Caba; paulo post organizatio "Atheist Republic" imaginem in Libro facierum divulgavit et mox multi homines imaginem communicaverunt. Anno 2015 aëroplano ad Turciam fugavit et brevi tempore Smyrnae habitabat. Smyrna illegaliter Graeciam fugavit et deinde trans regionem Balcanicam Germaniam.

Pinacotheca

• Rana Ahmad interrogata
• 
  Manus Ranae Ahmad scidam tenens in Meschita Magna Meccae cum inscriptione "Atheist Republic" (Res Publica Atheistica)
• 
  Logotypum Organizationis Ranae Ahmad profugis atheisticis fovendis qui prius Musulmani fuerant

Bibliographia

• Rana Ahmad, Sarah Borufka, Frauen dürfen hier nicht träumen: Mein Ausbruch aus Saudi-Arabien, mein Weg in die Freiheit, Monaci, anno 2018 (ISBN 978-3442757480 - versio Francogallica ISBN 978-2211237710).
• Carlotta Sophia Meyn, Flucht vor der Religion, in Frankfurter Allgemeine Zeitung diei 16 Iunii 2016 (versiones Francogallica Arabicaque partis: La Troisième République Tunisienne: L'athéisme qu'on nous cache en terre d'islam).
• Vice News, Rescuing Ex-Muslims: Leaving Islam (YouTube - narratio fugae Ranae Ahmad).

Haec stipula ad biographiam spectat. Amplifica, si potes!