Porta:Geographia/commentatioselecta

E Vicipaedia
Jump to navigation Jump to search
Tabula Fluminis Sinus, a Beniamino Franklinio facta, 17691770. Ex photographica NOAA bibliotheca.

Oceanographia (compositum vocabulorum Graecorum ωκεανός 'oceanus' + γράφω 'scribo'), etiam oceanologia et scientia marina appellata, est campus scientiae Telluris qui oceanum investigat. De variisimis tractat rebus, inter quas organismi marini et motus oecosystematum; flumina oceanica, undae ventosae, et motus liquorum geophysicorum; tectonica laminarum et geologia fundi marini; et fluxus variorum rerum chemicarum et proprietatum physicarum quae intra oceanum et trans eius fines fiunt. Hae res disciplinas varias multiplicesque implicant, quae oceanographi miscent ut scientiam Oceani Mundi et comprehensionem rationum intra eum augeant, praecipue biologia, chemia, geologia, geographia, meteorologia, physica.