Pontificium Collegium Civitatum Foederatarum Americae Septemtrionalis

Pontificium Collegium Civitatum Foederatarum Americae Septemtrionalis est institutum alumnis sacerdotibusque formandis, ut in Civitatum Foederatarum Americae dioecesibus postea ministrent, conditum. Collegii gubernatio ad Congregationem de Institutione Catholica pertinet, etsi pluribus in rebus est Conferentiae Episcoporum Civitatum Foederatarum Americae delegata.

Historia

Die 8 Decembris 1859 a papa Pio IX conditum est et ei primitus domus vulgo Casa Santa Maria appellata data est in media Urbe sita. Rector primus Gulielmus Georgius McCloskey fuit. Statum pontificium anno 1884 percepit. Post bellum mundanum secundum multitudinem alumnorum capere iam non poterat, qua de causa novum aedificium in monte Ianiculo anno 1952 ad eos excipiendos exstructum est. Postilla Casa Santa Maria domicilium sacerdotum altioribus studiis addictorum facta est.

Rectorum catalogus

1. Gulielmus McCloskey (1860–1868)
2. Franciscus Chatard (1868–1878)
3. Ludovicus Hostelot (1878–1884)
4. Dionysius O'Connell (1885–1895)
5. Gulielmus O'Connell (1895–1901)
6. Thomas Kennedy (1901–1917)
7. Carolus O'Hern (1917–1925)
8. Eugenius Burke (1925–1935)
9. Radolphus Hayes (1935–1944)
10. Martinus O'Connor (1946–1964)
11. Franciscus Reh (1964–1968)
12. Iacobus Hickey (1969–1974)
13. Haroldus Darcy (1974–1979)
14. Carolus Murphy (1979–1984)
15. Laurentius Purcell (1984–1990)
16. Edwinus O'Brien (1990–1994)
17. Timotheus Dolan (1994–2001)
18. Coemgenus McCoy (2001–2005)
19. Iacobus Checchio (2005–2016)
20. Petrus Harman (2016–praesens)