PSR B1257+12 d

PSR B1257+12 d, vel Phobetor,^[1] olim PSR B1257+12 C,^[2] est planeta extrasolaris 2300 annos luce mensos a Terra per constellationem Virginis distans, anno 1992 inventus, qui circum pulsar PSR B1257+12 movetur. Unā cum c (Poltergeist), Phobetor fuit primus planeta extrasolaris detectus. Periodo orbitali circiter 98 dierum et semiaxe maiore 0.46 UA (simili orbitae Mercurii), putatur esse extremus planeta sui systematis planetarii^(d)(en) (post b et c). Per mensurae periodi pulsationis rationem inventum est, quae quaerit num planeta quidam variationum pulsationibus pulsaris causa sit.

Mense Iulii anno 2014, Unio Astronomica Internationalis (UAI) NameExoWorlds consilium instituit ad nomina propria selectis exoplanetis et eorum stellis, per nominationem publicam et suffragium, danda. Mense Decembri 2015, UAI nuntiavit nomen pro planeta d vicisse Phobetoris.^[1] Nomen vincens a Theatro Planetario Carnedii (Italia) submissum erat.

Secundum Metamorphoses Ovidii, Phobetor est unus e milibus filiis Morphei (Somni), qui in somniis forma ferae apparet:

At pater e populo natorum mille suorum

excitat artificem simulatoremque figurae

Morphea: non illo quisquam sollertius alter

exprimit incessus vultumque sonumque loquendi;

adicit et vestes et consuetissima cuique

verba; sed hic solos homines imitatur, at alter

fit fera, fit volucris, fit longo corpore serpens:

hunc Icelon superi, mortale Phobetora vulgus

nominat; est etiam diversae tertius artis

Phantasos: ille in humum saxumque undamque trabemque,

quaeque vacant anima, fallaciter omnia transit;

regibus hi ducibusque suos ostendere vultus

nocte solent, populos alii plebemque pererrant.

Ovid. Met. XI, 633–645

Phobetor est supertellus^(d)(en), i.e. planeta qui radium et massam maiorem quam Terram habet, sed minorem quam Uranus et Neptunus. Nam massam habet quadruduplae Telluris (3.9 M_⊕), et verisimilis radius, secundum massam notam, trium dimidiorum Telluris radiorum (1.5 R_⊕). Temperatura aequilibrii^(d)(en) planetae est 169 K (−104 °C).^[3]

Nexus interni

Vicimedia Communia plura habent quae ad PSR B1257+12 d spectant.

Vide Metamorphoses (Ovidius) apud Vicifontem.