Villa Pawlowskensis

Haec pagina de villa imperatorum narrat. Si urbem quaeris, vide Paulopolis (Russia).

Villa Pawlowskensis^[1] vel melius Paulopolitana est nomen solitum palatii et multorum hortorum imperatorum Russiae et familiarium eorum, ad quos et urbs eiusdem nominis aedificata est.

Historia villae

Haec loca ad ripam Slaviankae fluminis a Catharina II anno 1777 Paulo filio donavit. Primo Carolus Cameron palatium multaque hic construxit, sed post mortem Catharinae Vincentius Brenna, cui Paulus fovebat, palatium reficit hortosque novos delineavit. Paulo occiso Maria Theodori filia domina Paulopolis diu fuit; Petrus Gonzaga^(ru) permulta ad hortos Paulopolitanos fecit. Andreas Voronichin, Carolus Rossi, Andreas Stackenschneider etiam Paulopoli operam dabant. Constantinus Nicolai filius et familia eius Paulopolim in dimidia parte secunda saeculi XIX possidebant.

Iam in dimidia parte altera saeculi XIX aliqua in hortis Paulopolitanis destructa est; permultas destructiones Bellum Orbis Terrarum secundum attulit; hodie maior pars refecta est, sed aliquot constructiones prorsus abolitae manent, ut Palatium Constantini, Chaletum^[2] Vetus et Chaletum Novum etc., quaedam in ruinis iacent. Villa Alexandri^(ru) (Aleksandrova dača), quae prope ad Paulopolim in fine regni Catharinae constrebatur, tota deperdita est.

Index hortorum Paulopolitanorum

Hortus palatii, palatio Paulopolitano adiacens, hortulum proprium Mariae Theodori filiae includit, parvum, more Nederlandico perfectum. Multaque alia habet curiosa, quorum nominari possunt Papilio Trium Gratiarum Cameronis et Papilio Rossi, secundum delineationem eius anno 1914 constructa, quae monumentum Mariae Theodori filiae est.
Campus miltaris cum Paulus viveret campus fuit apertus ad milites exerecendos, sed Paulo mortuo Gonzago hortus hic sevit. Hic et palatium Constantini ligneum in ripa lacus Papilionis Rosarum fuit.
Vallis Slaviankae fluminis, a Camerone et Gonzago delineata, clara et amoena, permulta habat curiosa a Camerone et Brenna facta. HIc Templum Amicitiae cum Cereris simulacro, Porticus Apollinis cum cataracta magna artificialis (ab anno 1850 aquis caret), et pontes multi graciles sunt. In loco altiore quam hortus Mariental ("Vallis Mariae"), arx ludicra, aedificata est. Amphitheatrum in loco alto, unde despectus in Slaviankam optimus est, Nicolai Alexandri filii (heredis Caesaris filii) locus dilectissimus fuit.
Silvia Vetus a Brenna delineata abietes habet et duodecim vias a simulacro nigro Apollinis divergentes; in fine earum simulacra Musarum novem et trium deorum stant. Hic et mpnumentum parentum Mariae Theodori filiae situm est.
Silvia Nova a Silvia Vetere rivo per valle fluente separata etiam densa et obscura est. Columnam habet "Finis Orbis" nominatam et Mausoleum memoriae Pauli imperatoris, ab Ioanne Francisco Thomas de Thomon constructus.
Betula Alba est maximus hortus naturali similis, in qua nemora et prata miscentur; in centro eius a betularum circulo viae radialiter discedunt. Prope ad introitum in Betulam Albam Papilio Rosarum aedifcatum est.
Vallis Rubra est vallis Slaviankae pars ultima; cum Silvia Nova ponte coniuncta, ruinam habet artificiosam et Papilionem Vallis Rubrae, quae et Papilio Elisabethae nominatur, cum Elisabetha Alexii filia eam amavit.
Vallis lacuum est series lacuum artificialium per silvam extenta;
Stella Magna nomen habet de viis a centro, ubi Exedra Rotunda stet, modo radiorum stellae divergentibus; haec pars, ut et Vallis lacuum, ad equitatum destinata erat.

Hortorum tabula

I Hortus Palatii

1. Palatium Paulopolitanum et statua Pauli I
2. Hortulus proprius
3. Papilio Trium Gratiarum
4. Via tiliarum triplex
5. Casa avium
6. Labyrinthus
7. Papilio Caroli Rossi
8. Circuli magni
9. Scalae lapideae magnae
10. Theathrum aereum
11. Umbraculum Rossi
12. Casa lactea

II Campus militaris

13. Monumentum victimarum Rerum Novarum
14. Lacus Papilionis Rosarum
15. Pons Cervorum
16. Insula principissae Lieven
17. Columna principissae Lieven

III Vallis Slaviankae fluminis
18. Porticus Apollinis
19. Thermae frigidae
20. Pons Centaurorum
21. Porta ferri crudi cum vasibus
22. Ponticulus gibberosus
23. Pons Niger
24. Locus Chaleti Veteris
25. Templum Amicitiae
26. Ponticulus ferri crudi
27. Cataracta Maior
28. Lacus Rotundus
29. Pons Visconti
30. Amphitheatrum
31. Turris Pil

IV Betula Alba

32. Circulus betularum
33. «Locus pulcherrimus»
34. Papilio Rosarum

V Silvia Vetus

35. Viae duodecim
36. Monumentum parentum
37. Cataracta Ruinarum
38. Lacus Silviae Veteris

VI Silvia Nova

39. Statua Apollinis Musagetae
40. Columna Finis Orbis
41. Mausoleum Coniugi Benefactori

VII Vallis Rubra

42. Pons Silviae Novae
43. Ruinae
44. Papilio Elisabethae

VIII Vallis Lacuum

45. Lacus Exedrae Rotundae
46. Lacus Chaleti Novi
47. Lacus Veneris et insula Amoris

IX Stella Magna

48. Exedra Rotunda
49. Stadium
50. Locus Stationis Ferrivialis (Vauxhall)
51. Lacus Stationis Ferrivialis
52. Area ambulationum

Notae

↑ Corpus inscriptionum Graecarum..., vol. II, Berolini 1843, p. 998, 1000. Cf. "in villa Pawlowsk", — Ioannis Antonii Weinmann Elenchus plantarum Horti Imperialis Pawlowskiensis et agri Petropolitani, Petropoli 1824.
↑ Chalet, cf. Albert Samuel Gatschet, Ortsetymologische Forschungen als Beiträge zu einer Toponomastik, vol. I, p. 305.

Nexus externi

Situs geographici et historici: Locus: 59°41′37″N 30°27′19″E • OpenStreetMap

Situs proprius

[1] Corpus inscriptionum Graecarum..., vol. II, Berolini 1843, p. 998, 1000. Cf. "in villa Pawlowsk", — Ioannis Antonii Weinmann Elenchus plantarum Horti Imperialis Pawlowskiensis et agri Petropolitani, Petropoli 1824.

[2] Chalet, cf. Albert Samuel Gatschet, Ortsetymologische Forschungen als Beiträge zu einer Toponomastik, vol. I, p. 305.

[1]

[2]