Parthenius (mons)

Haec pagina de monte Parthenio narrat. Si Parthenium Nicaenum scriptorem quaeris, vide Parthenius.

Mons Parthenius (Graece Παρθένιον ὄρος) est mons Peloponnesi. Arcadiam ab Argolide et Cynuria separat; iugi Parnonis continuatio est borealis. Αltitudinem 1215 metrorum habet. Declivia silvis densis operta sunt et rivis temporariis abundant. Tegeae, Mantineae et Hysiarum urbium antiquarum reliquiae haud longe a Parthenio sitae sunt. In Parthenio Telephus filius Herculis expositus a cerva (vel secundum nonnullos ab ursa) nutritus est. Hic et Atalanta Parthenopaeum fillum suum reliquit. Hic Phidippides in Spartam ex Athenis ante pugnam Marathoniam currens Panem vidit^[1].

Notae